Blader door transcripties » Stadsarchief Mechelen

archieftoegang 2, inventarisnummer 948, pagina 39

De selve
gelyc oic lange
geleden ten hoogst:t;
vierscharen vanden
voerscreven stad ten hooghsten
ende meesten pryse
vercocht is geweest
met eenen hove achter tvoirscreven huys liggende, die hem
streck achterweerts met eender poerten tot opte dekenye
tusschen wylen Bartelmeus vander Voort erve aen deen
zyde ende der voirscreven kynderen van Rillaer erve, aen dander
zijde, Ende oic met eenen ander hove gelegen oic
niet ende
achter tvoirgenoemde vercocht huys in welken hoff men
es
gaet over de brugghe liggende over de Hergracht
aldaer
aldaer, tusschen deselve Hergracht aen deen zyde ende
de Mylane aldaer aen dander zyde, hem streckende den
selven hoff achterweerts doer een poerte tot int
Zwanegheemstraetken. A Domino Mechliniensi, Juravit tot behoef van
Janne, Aerde Magrieten ende Jehannen van Zuple diemen
heet van Beringen haeren kynderen tot wyens behoef
de momboiren hierna bescreven ierst daerinne geerft waren
daer naer hebben Rommond van Zupple diemen heet
van Beringhen ende Peter van Zuype diemen heet van
Beringhen desselfs Rommonds natuerlic brueder van
vaders wegen, Ende Willem ende Bartelmeus endest:t;
Bartelmeeus Roese ende Willem Roese desselfs Bertelmeus
natuerlic brueder vander moeder wegen als
momboren ende inden name vanden voirgenoemde Janne Aerde
Magrieten ende Jehannen van Zupple onder haere jaer
van discrecien wesende die sy in hen vervingen vercocht
Janne Quarre heer van Ruyencourt tot behoef van Lodewyc
Quarre heer de la Haye in Henegouwe synen brueder
van tvoirgenoemde huys metten rechte vanden voerscreven
wege ende oic metten voerscreven hoven gronde etcetera boven
bescreven, Waranderende. Op drientwintich scellinge ende Seven
penninge groote Brabants gelts ende negheene ende eenen
halven gouden Rynsguldenen elken van dien tot veertich
groten Vlaems gelts gerekent, dair jaerlix voir vutgaende
XI January tempore simile
Willem Verlysen ende Gheertruyt Gheylinck syn
wyf Seggende dat hy gheen wettige kynderen en hadden
hebben daerom gewilt ende oppen
de kynderen wile
Verlysen ende syn
wyfs
voirscreve hoeven, Willem Verlysen ende Gheertruyt Gheylinck
syn wyff, hebben gewilt ende openbaerlic voir ons
geordineert dat alle haere kynderen alsoe wel meyskens
als knechtkens ende knechtkens als meyskens die sy nu
ter tyt deen vanden anderen vercregen hebben ende die sy hier
De selve
namaels deen vanden anderen oic zelen mogen vercrigen ongelyc
ende in gelycken deele ende porcien hebben houden aenveerden
besitten gebruyken ende deylen zelen, alle de haeffelike
ende erffelike goeden, bynnen ende buyten der voerscreven stad
ende vryheyt van Mechelen wesende ende gelegen, die naer
eensyegelicx doot vanden voerscreven Willemen ende Gheertruyt
synen wive haeren ouderen in eeniger manieren zelen bliven
X January tempore simile
heer Anthoenis vander Aa Ridder ende Jan Mol als
proviseurs vanden beghynhove van deser stad, hebben
vercocht Willeme Daems, Marten van Eykenvoerde ende
Gielis vander Hoeven, als momboiren ende tot behoef van
Janne, Lysbetten ende Kathelinen Daems wylen Jan Daems
kynderen, Tderdedeel st:t; van twee ende eenen halven
guldenen van Florencien erffelix chys dat te tconvent
vanden stalle staende int voerscreven beghynhoff, hadde
op een huys metten hove gronde ende synen toebehoerten
dat wylen heer Wouteren tSermartens priester toe plach te
hoeve ende dat nu den selven kynderen Daems toehoert
gelegen tot Neckerspoele inde Rechtestrate tusschen
der taflen des Heylichs Gheests huys vander prochie
kerken van Neckerspoele aen deen zyde ende Jorys
erve aen dander zyde. A Domino Mechliniensi, Waranderende etcetera.
Jan Huyghs et uxore
Lange, Vos. Gheertruyt Mouwe wedue van wylen Willeme
vanden Walle cum tutore heeft opgedragen haer tocht dies
hadde in Een huys metten hove stalle gronde etcetera
gelegen houdende tsamen omtrent drie vierendeelen
gelegen tot Leest inde Byest tusschen Peters Boots
erve, aen beyde zyden. A Domino Mechliniensi, Juravit tot behoef van Henricx
Rogien, Gielisen Janne Dignen ende Kathelinen vanden
Walle haeren kynderen ende van Janne Joos Gielisen
ende Kathelinen de Vogele, wylen Henricx de Vogele
ende wylen Marien vanden Walle, oic der voerscreven weduen
dochter doen sy leefde kynderen welke Rogier Gielis
Jan ende Katheline vanden Walle tot haeren ende totten
voerscreven Henricx ende Digne vanden Walle haeren brueders