Blader door transcripties » Stadsarchief Mechelen

archieftoegang 2, inventarisnummer 948, pagina 37

de selve
voirscreven Marten ende syn wyf gehouden ende verbonden zelen
syn, te houdene de gote liggende tusschen tvoirgenoemde
vutgegeven huys ende des voerscreven Symoens ander huys
voerscreven sonder cost oft last vanden selven Symoen oft van
synen voirscreven nacomelingen behoudelic dien dat de
selve Marten ende syn wyf zelen moegen ven varen
op dat hen belieft
in toecomenden tyden met eenen slapere de op des voerscreven
Symoens andere erve voirscreven sonder eenich wederseggenst:t;
ende dat des voerscreven Symoens waerderywe vanden voerscreven
synen anderen huyse comende metter eender zyde ende
inden voirgenoemde vutgegevenen hoff sal bliven staende
tot eeuwigen dagen alsoe die nu ter tyt staetst:t; aldaer
staet ende gemest is
Assignavit II Peters erffelicx XVI denier
V January
Henrick Willems
Hulst, Keyenoege, de voirgenoemde Symoen vanden Hoede, heeft Terve
gegeven, Henricken Willems ende Jehannen Zegers synen
wive, Een huys metten hove gronde etcetera gelegen
inde Coestrate tusschen des voerscreven Martens de Porttere
erve aen deen zyde ende Willems van Papenbroeck
erve aen dander zyde. A Domino Mechliniensi. Te besittene Op
eenen erffeliken chys van Acht gouden Rynsgulden
elken van dien tot veertich grooten Vlaems gelts
gerekent, Ende die te betalene altyt tot Sinte Jansmisse
vutgenomen Sinte Jansmisse naestcomende, Ende op alsulke
last dat tselve huys medepant is ende bliven sal voir
anderhalven chysgulden gaende die jaerlix vuten
selven huyse metten hove ende vut des voerscreven Martens
de Porttere erve voirscreven jaerlicxst:t; gaende, met alsulker
condicien dat de voerscreven Henrick ende syn wyff zelen
moegen lossen ende quiten de voirgenoemde acht gouden
Rynsguldenen des voerscreven chys altyt als hen dat
gelieven sal met eenen Rynsgulden te malen
ende elken van dien Rynsguldenen met sesthien
geliker guldenen eens ende met vollen chyse
Assignavit IIII Rinsgulden
den XXVI denier
ut supra tempore simile
Hulst, Cortryke. Machiel van Hazeldonck, heeft vercocht
Jacoppen vanden Vekest:t; Velde tot synen ende Lysbetten Loorts
syns wyfs behoef, als tot haerer beyder tocht ende oic
tot behoef vander Execucien vanden testamente ende
vutersten wille van wylen heer Hubrechten van Cruybeke
Jacop vanden
Velde et uxor
ende dexecutie
wylen heer Hubrecht
van Cruybeke
priester
priester, als toter selver Execucien erffelicheyt vier gouden
Rynsguldenen elken van dien tot veertich grooten Vlaems
gelts gerekent, erffelix chys Te heffene altyt deen helft
tot Sinte Jansmisse ende dander helft tot Kersmisse, Op ende
aen des voirgenoemde Machiels huys metten hove ende Ramen
daer op staende ende oic metten gronde etcetera gelegen opte
Aenslagershergracht tusschen Jorys Coesaert erve aen
deen zyde ende Meester Pauwels van Wezele huysvrouwen
erve aen dander zyde, streckende achterweerts totten vesten
van Mechelen, Ende op syn huys metten hove gronde etcetera
gelegen opte Veemarct van Mechelen opten hoeck
van eenen straetkene aldaer, tusschen tselve straetken
aen deen zyde ende Gielis Boydens erve aen dander zyde
A Domino Mechliniensi, Waranderende. Op ende twaelff gouden Rynsguldenen
elken van dienst:t; vanden voirgenoemde pryse jaerliker lyfpensien
ende ende vier gouden Peters elken van dien tot XXXVI grooten
Vlaems gelts gerekent oic geliker lyfpensien beyden
staende ten live vanden voirgenoemde Jacoppen vanden Velde ende
twaelff gelike Rynsguldenen oic jaerliker lyfpensien
s
staende ten live vanden voirgenoemde Lysbetten Loort ende opst:t;
chysgulden ende sevenst:t;vuten voirgenoemde twee huygen
met haeren toebehoerten, ende op drie chysguldenen ende
erffelic
Seven pondt payments vuten voirscreven lesten huyse
metten hove jaer voir vutgaende
Assignavit den XXVI denier
VI may tempore simile
de selve Jacop
Idem. De selve Machiel heeft vercocht den voerscreven
Jacoppen vanden Velde, Twee gouden Rynsguldenen
elken van dien tot veertich grooten Vlaems gelts
gerekent erffelix chys Te heffene altyt deen
helft tot Sinte Jansmisse ende dander helft tot
Kersmisse Op ende aen syn voirgenoemde twee huysen met
haeren toebehoerten boven gescreven. A Domino Mechliniensi, Waranderende. ut supra
Assignavit XV denier
ut supra tempore simile
Willem van Beveren
ende die den
selven Willeme
van Beveren tochteren
Idem. Willem vander Aa verlic soone van wylen
Willeme vander Aa, heeft vercocht Willeme van
beveren, de helft van drie chysgulden erffelix chys
die hy hadde op desselfs Willems huys metten
hoefkene gronder, gelegen inden Ham in Sinte
Rommonds prochie neven de Heymeysbrugge, tusschen
de poorte oft hoff die wylen Symoen Schoen Jans
toehoerde aen deen zyde ende wylen Jan Heylens erve aen
dander zyde streckende tot desselfs Willems lesten hove
A Domichiniensi, Waranderende.
Assignavit VI Peter eens
Ut supra tempore simile