Blader door transcripties » Stadsarchief Mechelen

archieftoegang 2, inventarisnummer 948, pagina 36

chys bynnen eenen jaeren tyts naestcomende, Ende soe voertaen
van jaere te jaer eenen halven gouden Rynsgulden, tot
dier tyt toe dat de voerscreven drie gouden Rynsguldenen des
voirgenoemde chys geheelic ende al afgequeten zelen syn, Ende
elken van dien Rynsgulden met sesthien gelyker gulden
eens ende met vollen chyse
Assignavit VIII Rinsgulden eens
January tempore simile
Jan vander Damme
Rende, Vos. De selve Willem Speelberch, heeft Terve gegeven
Janne vanden Damme spellemaker, Een huys metten hove
gronde ende met eender waerderywen inden selver
hoffstaende welke veel waerdest:t; ende oic metten
gronde etcetera gelegen inde Aedeghemstrate opte Aedegheem
plaetse tusschen Gabriels van Beveren erve aen dander de
zyde ende Jan Quisthout erve, aen dander zyde. A Domino Mechliniensi,
Te besittene op eenen erffeliken chys van Twee gouden
Rynsgulden elken van dien tot veertich groten Vlaems gelts
gerekent, Ende die te betalene altyt deen helft tot
Sinte Jansmisse ende dander helft tot Kersmisse, Ende
opten voirchys van eenen scellinge Loevens ende eenen
chysgulden dair jaerlix vutgaende, met alsulker
condicien dat de voerscreven Jan vanden Damme sculdich sal
syn te lossene ende te quitene eenen halven gouden
twee
Rynsgulden vanden voerscreven drie gouden Rynsguldenen
des voerscreven chys bynnen eenen jaer tyts naestcomende ende
soe voertaen van jaere te jaere eenen halven gouden Ryns
gulden tot dier tyt toe dat de voerscreven de twee Ryns
gulden geheelic ende al ge afgequeten zelen syn ende
elken van dien Rynsgulden met sesthien geliker
gulden eens ende met vollen chyse
Assignavit XIII Rinsgulden eens
ut supra tempore simile
Wouter vander Beke Wullenwevere, heeft
Quytgesconden los vry ende ledich, Willem Speelberch
vander sommen van
Willem Speelberch
Rende voer, Wouter vander Beke heeft bekent dat hy
gehadt ende ontfangen heeft van Willeme Speelberch
de somme van Achtien gouden Rynsguldenen elken
van dien tot veertich grooten Vlaems gelts gerekent
die wylen Aert Spoelberch den voerscreven Wouteren
tanderen tyden voir scepenen van Mechelen bekent
De selve
heeft tot zekeren overleden inne te betalene, Ende van
die sommen van Achtien Rynsgulden vanden voerscreven pryse
heeft de voerscreven Wouter vander Beke, Quytgesconden
los vry ende ledich, den voerscreven Willem Speelberch tot synen
ende tot des voerscreven wylen Aerts Speelberch behoef ende
alle andere dies quitancie behoeven geheelic ende al
ut tempore simile
Henrick Boschman
et uxore
Rende voer Gregoris Borremans heeft vercocht
Henricken Boschman ende Margrieten Pauwels diemen
heet Borgman synen wive, Een huys metter plaetsen
ende met eender cammeren dair achterstaende ende oic metten
gronde etcetera gelegen buyten de Neckerspoelpoorte
inde Rechtstrate opten hoeck vander Mandestraten
tusschen de selve Mandestrate aen deen zyde
ende Peters Pevens erve aen dander zyde
A Domino Mechliniensi, Waranderende. Op vyf pond payments
vier pond Raet ende kerssen ende drie gouden
Peters elken van dien tot sessendertich
grooten Vlaems gelts gerekent dair jaerlix
vutgaende
Assignavit II Peters erffelicx den
ut supra tempore simile
Marten de Poirtere
Hulst, Keyenooge, Symoen vanden Hoede heeft Terve gegeven
Marten de Poirtere ende Barblen van Erpe synen wive
Een cleyn huys met eenen metten hove gronde etcetera
gelegen inde Coestrate in Sinte Jans prochie tusschen
desselfs Symoens ander huys, aen deen zyde ende Henricx
Fierens beckers erve aen dander zyde. A Domino Mechliniensi. Te besittene
op eenen erffeliken chys van vier scellinge ende sesse
penninge groote Brabants gelts, Ende die te betalene
altyt tot Kersmisse Ende op anderhalven chysguldenst:t;
vuten voirgenoemde Ende opten voirchys van anderhalven
chysgulden vuten voirgenoemde vutgegevenen huyse ende vut
des voerscreven Symoens anderen huyse voirscreven daer jaerlicx
vutgaende, die de voerscreven Marten ende syn wyf van
nu voertaen altyt ten eeuwigen dagen, alleenen gulden
des
ende betalen zelen sonder voerscreven Symoens oft synder
nacomelingen besitteren by tyde van sinen voirgenoemde anderen
huyse cost oft last met alsulker condicien dat de