Blader door transcripties » Stadsarchief Mechelen

archieftoegang 2, inventarisnummer 948, pagina 26

Thomaes van Luypegem
cum tutore
Hoeven, Vos. Jouffrou Barble vanden Be Bloke beghine, heeft
vercocht Thomaes van Luypeghem, Twee gouden Ryns
gulden elken van dien tot veertich groten Vlaems
gelts gerekent van haeren vyf geliken Rynsgulden
erffelix chys, die sy heeft op desselfs Thomaes huys
metten hove gronde etcetera gelegen inde Aedeghemstrate
tusschen Joes Nyelen erve aen deen zyde ende der
kynderen erve van wylen Janne de Wale aen dander zyde
A Domino Mechliniensi, Waranderende.
Assignavit den denier
XXa decembris
Wouter vander
Cammen
Idem. Anthoenis ende Jan vander Cammen gebruederen
Katheline vander Cammen haerlieder zuster met Symoen
vander Beke haeren man ende Lijsbeth vander Camen oic
haerlieder zuster alle wettige kynderen van Wouteren
vander cammen ende van wylen Lysbetten van Poryen
synen jersten wive hebben quytgesconden los vry ende
ledich den voerscreven Wouteren haeren vader van allen
den haeffeliken goeden die allen den voerscreven kynderen
vander cammeren, byder doot vander voirgenoemde wylen
Lysbetten van Porren haere moeder ende desselfs
Wouters wive doen sy leefde in eeniger manieren
gebleven ende verstorven moegen syn ende alle ander
dies quitancie behoeven, geheelic ende al
ut supra tempore simile
Barble Hoots et liber
Borch, Cortryke, Andries Hoots tot behoef van Barblen Hoots als
tot haerer tocht ende oic tot behoef van Janne ende Jehannen
Hoot haeren kynderen als tot haerer erffelicheyt, heeft
verreyct, Een stuck lants metten gronde etcetera houdende
omtrent vyf vierendeel ende een half dat toe te behoeren
plach Kathelinen Blandyns diemen heet Pauwels ende
haeren voerkinderen gelegen tot Leest tusschen wylen
Henrix de Colvere erve aen deen zyde ende
wylen Lodewyc vanden Broeke erve aen dander
zyde
Ex henrario part
ut supra
Lodewyck de Meyere
Hulst, Vos. Heer Godevaert van Dyest ende Willem Lenaerts diemen
heet Woutiers priesteren ende Jacop vanden Velde, als executeurs
ende inden name vander execucien vanden testamente ende vutersten
wille van wylen heeren Hubrechten van Cruybeke oic priester doet
hebben
hy leefde vercocht Lodewyck de Meyere, de vier gouden Rynsgulden
elken van dien tot veertich grooten Vlaems gelts gerekent
vanden Sesse geliken Rynsgulden erffelix chys die de
voerscreven Execucie hadde op des voerscreven Lodewycx huys metter
gronde etcetera gelegen in Sinte Kathelinen strate, tusschen
Meester Hubrechts Weelmans erve aen deen zyde ende Loy
Ymbrechts erve aen dander zyde. A Beato Rumoldo, Waranderende etcetera.
XXIII decembris
Jouffrou Barble
Tucbake beghinne
Idem. Wouter Tucbaect heeft vercocht jouffrou Barblen
inder zuster
Tucbaect beghinen, syn sestedeel van Twintich scellinge
ouder grooten Turnoysen erffeliker renten opte stad van Mechelen
vallende jaerlix voer deen helft opten drientwintichsten
dach van decembry, Ende voer dander helft, opten
drientwintichsten dach van Junio, gelyc dat den brief
daer op gemaect ende bezegelt metten grooten zegel vander
voerscreven stad dat clairliker vutwyst ende begrepen heeft
Ac Renunciavit et promisit, Waranderende ut in forma, Ende
tot desen heeft Henric de Langhe een der rentmeesters vander
vorscreven stad, Behoudelic der selver stad daer inne haer
rechte syn consent gegeven
upra tempore simile
Wouter Godevaerts
Hulst, Hoots. Jan de Schoeter, heeft opgedragen ende overgegeven
tot behoef van Wouteren Godevaerts Wullenwevere, drie
scellinge groten Brabants gelts erffelix chys die hy hadde op
desselfs Wouters drie huysen oft cameren metten
gronde etcetera daer af de twee gelegen syn inde Kerchofstrate
opten hoeck vander Jeudenstraten tusschen de selve aen
deen zyde ende Gielis van Beneden erve aen dander zyde
Ende tderde huys daeraf is oic gelegen in deselve
Jeudestrate tusschen de voerscreven jerste twee huysen aen
deen zyde ende wylen Laureys Smet erve, aen dander zyde
streckende met eenen weghe totten watere toe. A Domino Mechliniensi,
Waranderende etcetera.
XXIIII decembris
Willem Arens
Idem deselve Wouter heeft vercocht Willem
oerens de voirgenoemde drie huysen oft cameren metten
gronde etcetera boven bescreven. A Domino Mechliniensi, Waranderende. Op eenentwintich
scellinge ende sesse penninge groten Brabants gelts dair
jaerlix vutgaende
Assignavi
Ut supra tempore simile