Blader door transcripties » Stadsarchief Mechelen

archieftoegang 2, inventarisnummer 948, pagina 25

die hy hadde op een huys metten hove gronde etcetera
toehoerende Pasquen van Boxhem, gelegen byden Berthoutshof
tusschen der weduen ende kynderen erve van wylen Ancelmus
van Meerbeke erve aen deen zyde ende Jans vander Straten
erve aen dander zyde. A Domino Mechliniensi. Ende twee guldenen van
Florencien erffelix chys die hy hadde opte helft van
Eenen huyse metten hove gronde etcetera toehoerende
Beckere, tusschen Jan Scellemans erve aen deen
zyde ende Kathelinen Puttemans erve aen dander zyde
streckende achterweerts metten voerscreven zone totter Heergracht
A conventu de Lelyendale, Waranderende etcetera
Cornelis vander Berct
Rende, Cortryke. Jan Claes wylen Jan Claes soone, heeft vercocht
Cornelisen vander Berct huyvetter, Twee guldenen van
Florencien ende achtien penninge Loevens erffelix chys die
sy hadde op een huys metten hove gronde etcetera toehoerende
Pasquynen van Boxhem gelegen byden Berthoutshof tusschen
der weduen ende kynderen erve van wylen Ancelmus van
Meerbeke aen deen zyde ende Jans vander Straten erve aen
dander zyde. A Domino Mechliniensi. Ende twee guldenen van Florencien erffelicx
chys die de voerscreven Jan Claes hadde, opte helft van Eenen
huyse metten hove gronde etcetera, toehoerende Janne de Cale
gelegen inde Kerchofstrate
tusschen Jan Scellemans erve, aen deen zyde ende Kathelinen
Puttemans erve aen dander zyde streckende achterweerts
metten voerscreven hove totter Heergracht, A conventu de Lelyendale
Waranderendest:t; etcetera
XVIII decembris
Elst es
Item. Heer Joes Machtegale priester Canonick de
kerken van Sinte Rommonds bynnen Mechelen, als
proviseur ende heer Gielis Willems priester als rentmeester
ven vanden tzestich gebroeders bynnen der voerscreven
Sinte Rommonds kerken, hebben inden name vanden
selven tzestich gebroeders vercocht Lysbetten sCosters
weduen van wylen Janne Witte broot, anderhalven
chysgulden erffelix chys die deselve tzestich
gebroederen hadden, opte voirscreven Lysbetten stuck
lants metten gronde etcetera houdende omtrent een
vierendeel gelegen buyten den Oeverstepoorten tusschen
Jan Wouterven aen beyde zyden
A Domino Mechiniensi, Waranderende etcetera.
Assignavit den denier
ut supra tempore simile
Mensa Katlyne
Cortryke, Keyenooge, Peter Huyghs spellemakere, heeft vercocht Janne
vander Heyden ende Mathys van Boven, als proviseurs ende tot
behoef vander taflen des Heylichs Gheests vander prochie
kerken van Sinte Kathelinen bynnen Mechelen, drie
scellinge groten Brabants gelts erffelix chys, Te heffene
altyt tot Sinte Jansmisse daeraf den jersten termyn
van betalingen syn sal tot Sinte Jansmisse naestcomende
Op ende aen syn des voirgenoemde Peters huys metter
plaetsen gronde etcetera gelegen in Sinte Kathelinen
strate tusschen Rommonds Scelleman ende synder
kynderen erve aen deen zyde ende Jans van Bollaer
erve aen dander zyde, Ende op desselfs Peters
huys Twee huysen metten hove gronde etcetera gelegen
geheeten tSesse penningstraetken
deen neven dander in een cleyn straetken streckende
vander dekenyen, tot Sinte Kathelinen kerchove, tusschen
tselve kerchof aen deen zyde ende Henrick Smeets
erve aen dander zyde. A Domino Mechliniensi, Waranderende. Op vyf
chysgulden ende vier scellinge groten Brabants gelts
vuten voirscreven jersten huyse metter plaetsen ende
op neghen scellinge ende sesse penninge groote oic
Brabants gelts vuten voirscreven twee huysen metten
zone, Ende oic op twaelff scellinge der selver
grooten Brabants, die die de voerscreven tafle des Heylichs
Gheest opte voirgenoemde drie huysen metter plaetsen
ende hove, jaerlix ende erffelic heeft ende heeft dair
jaerlix vutgaende
Assignavit XVI denier
XXI decembry
Hubrecht de Monick
Item. Dierick Loons als rentmeester ende inden
name vanden goidshuyse van Bethanien staende by deser
stad hebbende, de selve Dieric om tgene te doene
dat hier na bescreven staet vanden priorinnen
ende gemeynen convente desselfs goidshuys volcomen
macht gelyc ons dat by eender procuracien daerop
gemaect ende bezegelt metten selver priorinne
ende convents gemeynen zegel claerlic bleeck, heeft
vercocht Hubrechten de Monick, Sesse veertelen
Rogs goede etcetera Mechelsch maten erffelix pachts die
tvoerscreven goidshuys hadde op des voerscreven Hubrechts huys
metten hove gronde etcetera gelegen inden Vettersham
tusschen den vlyet aldaer aen deen zyde ende Denys
vanden Broeke diemen heet Wagheerts erve aen dander
zijde. A Domino Mechliniensi, Waranderende etcetera.
Assignavit
ut supra