Blader door transcripties » Stadsarchief Mechelen

archieftoegang 2, inventarisnummer 948, pagina 27

Elizabeth van Relegheem
Borch, Keynoege, Gielis van Steynemoelen, heeft vercocht Lysbetten van
Relegheem, Een huys metten hove gronde etcetera den Kemp geheeten
gelegen inde A Aedegheemstrate tusschen Claes Schoofs erve, aen
deen zyde ende Jan Yuetens erve aen dander zyde. A Domino Mechliniensi, Waranderende.
op eenentwintich scellinge groote Brabants gelts ende acht
gouden Rynsguldenen elken van dien tot veertich groten Vlaems
gelts gerekent, die Peter van Steynemoelen dair jaerst:t; op jaerlicx
ende erffelic heeft ende heft dair jaerlix vutgaende van welken
Acht Rynsgulden de voerscreven Lysbeth met desen gelooft de al te quitene
aenden voerscreven Peteren Asse XX Ringhenst:t; van Steynemoelen de
vyff Rynsgulden by metten groten tyts naescomende
January tempore simile
Gielis van
Steynemoelen
Item. Jan Sarens, heeft gelooft voir hem syn hoir ende
nacomelingen, dat hy Gielisen van Steynemoelen ende oic
syn huys met synen toebehoerten, aende Marct van Mechelen
gelegen, tusschen Joes van Maldere erve aen deen zyde ende
Lodewycx vander Hadocht erve aen dander zyde, altyt
scadeloos quythouden ende ontlasten sal vander betalingen
vanden vyf gouden Rynsguldenen elken van dien tot
veertich grooten Vlaems gelts gerekent vanden acht gelike
Rynsguldenen erffelix chys, die Peter van Steynemoelen
jaerlix ende erffelicx heeft ende heft opt voirgenoemde vercochtst:t;
huys opte voirscreven Lysbetten van Relegheem huys metten
hove den Kempe geheeten inde voerscreven Aedegheemstrate
gelegen ende daervoer deselve Gielis van Steynemoelen
syn voerscreven huys tonderpande geset heeft, sonder eenich
wederseggen, Om welke gelooften, alsoe volstentelic
tonderhoudene ende om der meerder zekerheyt den voerscreven
Gielisen daer af te doene, Soe heeft de voerscreven
Sarens den selven daervoer verbonden ende bepande
by consente van Magrieten man van van tegewordich, dat
de
geset Syn huys metten hove gronde etcetera gelegen
ende voerscreven Aedeghemstrate, tusschen Jans van
Eyke erve aen deen zyde ende des godshuys van
Cortenberge erve aen dander zyde streckende
achterweerts totter plaetsen vanden huyse den Clyppelle
geheeten, Ende syn huys metten gronde ende sinen
toebehoerten, gelegen inde Naustrate opten hoeck
van eenen cleynen straetkene hem streckende
totter Delen tusschen tselve straetken aen deen
zyde ende der weduen ende kynderen erve van wylen
Janne de Ruysschere aen dander zyde, opten chys
vuten voerscreven twee huysen metten hove jaerlicx
voir vutgaende. A Domino Mechliniensi. Ende van dien gelooften heeft
oic de voerscreven Lysbeth gel van Relegheem gelooft
den voerscreven Janne Sarens ende oic syn voirgenoemde twee
huysen metten hove altyt scadeloos quyt tehoudene
ende oic tontheffene van obligavit pro Johannes Sarens
om na van mobilia et immobilia infra etcetera int presenta
et futura.
^
ut supra
Jan de Lange
Rende, Hulst. Henrick de Lange alias Papegay ende
Gielis de Vos wylen Janssone vander vaders wegen, Ende
Peter Verlaet vander moeder wegen als momboeren ende inden
name van Janne Beatris, Magrieten Heretten Danen
wetten
ende verstaen slangen Jans Langen kinderen ende van wylen
Marien Verlaet infra etcetera quos inne suster hebben
quytgeschonden los vry ende ledich Janne de Lange des
voirgenoemde Henricx zone den vader van allen den
haeffeliken goede den voirgenoemde kinderen slangen verstorven
die
syn byder doot vander voirscreven wylen Marien Verlaet
haerlieder moeder die wettich wyf was doen sy leefde
des voirscreven Jans slangen geheelic ende al, Ende
es te wetene dat den afcoop vanden voirscreven haeffelike
goeden byden voirscreven momboeren brueder ende magen
geweest van
der voirscreven kinderen geset ende gedaen es inde maect
van meye lestleden, hoe wel dat de quitancie nu geerft
gepasseert ende gelegen tvoir
XXVIIII decembris
Relicta ende Boots
Hulst, Keynoogge. Johanne Boots met Janne Genoets ende Marie
Boots met Peteren met haeren mannen, hebben quytgesconden
los vry ende ledich, Margrieten Andries weduen van wylen Gielisen
haerer moeder
Boots van allen den haeffeliken goeden die den selver
Johannen ende Marien Boots, byder doot vanden voirgenoemde wylen
Gielisen Boots haeren vader ende des de selver Margrieten
man doen hy leefde in eeniger manieren gebleven ende verstorven
moegen syn ende alle andere dies quitancie behoeven geheelic
ende al
XXIX decembry tempore simile
Anthoenis ende et
Chaerle Claes ende
van Gheringen
ende maer haer doot
Corteryke, Vos. Olivier van Gheringen wettich soon van wylen Cornelisen
van Gheringen, heeft opte gewilt ende openbaerlic voir ons
voir synen vutersten wille geordineert ende begheert, oft
gebeurde dat de selve Olivier van live ter doot qutancie
sonder wettich hoir van synen live gecomen achter te latene
dat in dien gevalle deselve Charlotte Claes wedue vander
voirgenoemde wylen Cornelisen, syn moeder als eene tochtenersse
eendest:t; Anthoenis ende Lysbeth van Gheringen des voerscreven
wylen Cornelis ende der voerscreven Charlotten syns wyfs
wettige kynderen ende des voerscreven Oliviers brueder ende zuster
als erfgenamen, Evengelyc ende in gelyken deele
ende porcien, hebben houden aenveerden besitten ende gebruyken
zelen, alle sine haeffelike ende erffelike goeden tot