Blader door transcripties » Stadsarchief Mechelen

archieftoegang 2, inventarisnummer 948, pagina 24

Jan van Muysene
et uxore
Voesdonck, Vos. Bouwen vanden Wouwere ende Margriete Moelst:t;
syn wyf hebben vercocht Lysbetten Borremans, tot haeren ende tot
Jans van Muysene haers mans behoef, Een stuck lants metten
gronde geheeten den Moelenberch, gelegen buyten der Aedegheempoorte
tusschen Jan tSermartens erve aen deen zyde ende Jacops vander
Dale erve aen dander zyde. A Johannes Guille, Waranderende. Op twee
chysguldenen derthien ende eenen halven groten Brabants gelts ende
veertich scellinge payments ende oic op twee gouden Ryns
gulden elken van dien tot veertich groten Vlaems gelts gerekent
die de voerscreven Jan van Muysene ende Lysbeth syn wyf daer
op jaerlicx hebben ende heffen daer jaerlix vutgaende
Assignavit XV Rinsgulden
XVI decembris
Joerdaen de Boele
Voesdonck, Vos. Jan Cloet, Gheerd de Neve ende Joes de Vryese, als
momboiren ende inden name van Lauretten van Beringen wettige
dochter van Peteren van Beringen onder haere jaeren etcetera wesende
die sy in hen vervingen hebben vercocht Joerdaen de Lepelere
Eenen gouden gulden van Florencien goet oft de weerde daeraf
erffelix chys die de voergenoemde Laurette hadde op ende aen des voerscreven
Joerdaens huys metter plaetsen ende hove voir ende oic metten gronde etcetera
gelegen opte dekenye tusschen der selver Lauretten erve aen
deen zyde ende Joes de Hane erve aen dander zyde streckende ter
zyden weert tot int sesse Penningstraetken ende achterweerts
met eenen gange tot op Sinte Kathelinen kerchoff. A Beato
Rumoldo, Waranderende etcetera.
Assignavit den XXI denier
supra tempore simile
Anne Ruts
Lange, Dyest. Jan Ruts, heeft in recompensatien ende vergeldingen
vanden menichvuldigen diensten, liefden ende bystanticheyden
die hem anne Ruts sinne wettige dochter eenen lange
tyt van jaeren, alsoe wel in synder ziecheyt als in
synder gesentheyt, by dage ende by machte gedaen ende
bewesen heeft dagelyx doet ende noch namaels doen
sal alsoe hy hoopt openbairlic voir ons voir synen
vutersten wille geordineert ende begheert dat de
selve Anne syne dochter, ter stont naer syn
doot hebben ende aenveerden sal, alle sine haeffelike
goeden waer die bevonden zelen worden die naer
syn doot boven syne wettige sculden costen van synder
vutvaert ende boven syne legaten ende makingen
in eeniger manieren bliven ende overschieten zelen der
selve Annen synder dochter in alle de selve syn
De selve
haeffelike goeden syne gerechte ende eenige erfgenamenst:t;
erfgenaem noemende ende instituerende der wederseggen
van Gheer Henricken Gheerde ende Amelberghen
Ruts des voerscreven jaer Ruts kynderen ende der voerscreven
Annen bruederen ende zusteren oft van yemande anders
niet tegenstaende behoudelic dien dat de selve
Anne alsdan den voerscreven haeren bruederen ende zuster
van ende vut allen den voerscreven haeffeliken goeden
sculdich sal syn te gevene de wive van drie ponden
grooten Brabants gelts eens, onder henlieden evengelyc
te hebbene ende te deylene, daer mede sy ende eenyegelyc
van hen te vreden zelen moeten syn sonder eenich
voirder recht inde voerscreven haeffelike goeden te moegen
heysschen oft prenderen te hebbene
XIIII decembris
Jan Bode
lange behoeve, Claes Haenwych heeft vercocht Janne Bode
drie gouden Rynsguldenen elken van dien tot veertich grooten
Vlaems gelts gerekent erffelix chys Te heffene altyt tot
Kersmisse vutgenomen Kersmisse nu naest toecomende
Op ende aen des voerscreven Claes huys metten hove gronde etcetera
gelegen inde Zeelstrate tusschen jouffrou Magrieten
Haenwychs beghinen erve aen deen zyde ende des voerscreven
Claes andere erve, aen dander zyde. A Domino Mechliniensi, Waranderende. Op
drie gouden Rynsguldenen vanden voerscreven pryse die Peter
Luycx op tvoerscreven huys metten hove ende opte voirgenoemde
jouffrou Margrieten Haenwych ende Claes Haenwych erve
jaerlicx heeft ende heeft
voirgenoemde daer jaerlix voir vutgaende
Assignavit den XXVI denier
XX decembry
Jan Claes heeft vercocht Cornelisen vander
Berct huyvettere, de erffelike chysen hier na bescreven
heeft die hysgulden erffelix chys die hy hadde heest
drie gouden guldenen van Florencien erffelix chys die hy
hadde op omtrent eenen buenderen alsoe wel wynnende
lant, als bosch ende heyde metten gronde etcetera toehoerende
Cornelisen van Culixrode, gelegen tot Leest byde Heyde
tusschen desselfs Cornelis erve aen deen zyde ende Wouters
de Smet erve aen dander zyde. Item twee guldenen van
Florencen ende achtien penninge Loevens erffelicx chys