Blader door transcripties » Stadsarchief Mechelen

archieftoegang 2, inventarisnummer 948, pagina 139

De selve
voirgenoemde Jans van Essche huys metten hove gronde etcetera
gelegen buyten der Coepoorten, tusschen de vesten
van Mechelen aen deen zyde ende Henricx Guedens
erve aen dander zyde, op eenen mottoen dair jaerlicx
voir vutgaende. A monialibus, Ende op desselfs Jans
van Assche hoff metten gronde etcetera gelegen buyten
der voerscreven poerten, byden Draeyboom, tusschen Godevaert
Gebuers erve aen deen zyde ende Gregoris Hermans
erve aen dander zyde, Op thien oude groote Turnoys
dair jaerlix voir vutgaende. A conventu de Lelyendale
Waranderende etcetera
XVst:t; octobry
de fabrike van Onsen
Vrouwen
Vos Coesaert Augustyn van Thielt, heeft opgedragen ende
overgegeven te Philips Kerman ende Janne Weed als
proviseurs ende tot behoef vander fabriken der prochiekerken
van Onser Liever Vrouwen bynnen Mechelen, Syn
zestedeel van eenen huyse met eender plaetsen
voer ende met eenen hove achter ende oic metten
gronde etcetera gelegen opte Dele leden den Crane aldaer
tusschen der weduen ende kynderen erve van wylen
Bartelmeus Bake, aen deen zyde ende wylen Willem
Boydens erve, aen dander zyde. A Domino Mechliniensi, Waranderende etcetera
tsestedeel van vyfthien scellinge groten Brabants gelts
dair jaerlix vutgaende
XI septembris
Jacop Zegers
Lysbeth
ende meer Zegers wettige kynderen
Kerman Steynemoelen, Marie Zegers wettige dochter van Jacoppen
Zegers, Margriete Zegers haer zuster met Willem tSermartens
haeren man Lysbeth Zegers oic haerlieder zuster Ende Laureys
Dierix Jannes Ghorys ende de voerscreven Willem tSermertens
als momboiren ende inden name van Matheeus ende Katheline
Lysbetten ende
Zegers oic der voerscreven Marien, Magrieten ende Lysbetten
Zegers brueder ende zuster onder haer jaeren etcetera wesende die
sy in hen veer by bywesene ende volcomen consente
van Jan de Heelt, commoingmeester van deser stad
in hen vervingen, hebben Quytgesconden los vry ende ledich
den voerscreven Jacoppen Zegers wedue der voerscreven kinderen zydenst:t;
vader weduere van wylen Lysbetten Ronghe van allen
den haeffeliken goeden die allen den selven kynderen
elve
Zegers, byder doot vander voirgenoemde wylen Lysbetten Ronghe
haerer moeder ende des voerscreven Jacops haers vaders wive
doen sy leefde in eeniger manieren gebleven ende verstorven
de selve
moegen syn ende alle andere dies quitancie behoeven geheelenst:t;
Ende hebben daer toe deselve quytscilders inde
manieren als voer soe verre het henlieden aengaet
gewillekeurt ende geconsenteert dat de voerscreven Jacop haer
vader alsoe lange als hy leven sal, gelyc eenenst:t;
tochtene ende anders met paysselic ende vredelic gelyc eenen
tochtenere ende anders niet sal gebruyken alle der erffeliken
goeden met haeren toebehoerten bynnen der stad ende
vryheyt van Mechelen gelegen, die hy ende de voerscreven
wylen Lysbeth Ronghe syn wyf ten tyde dat sy
aflivich wordt, te samen vercregen hadden ende besaten
op alsulken last ende condicie, dat deselve Jacop sculdich
ende verbonden sal syn te geldene ende te betalene alle de
sculden die hy ende de voerscreven wylen Lysbeth Ronghe syn
wyf ten de tyde vander selver haer aflivicheyt
sculdich ende tachter waren
XI octobry tempore simile
Jan Zegers
Steynemoele, Vleming zuster Barble vander Roven vrouwe des huys
vanden Zyekenlieden staende buyten de Oeverster poorten
ende
met
van deser stad, by bywesen ende volcomen consente vanst:t; Philips
Kerman proviseurs desselfs huys, heeft vercocht Janne
Zegers, Eenen gouden Rynsgulden Te wetene veertich
grooten Vlaems gelts voir dien gerekent, erffelix chys
te die tvoerscreven huys hadde, op alle de erffelike goeden
metten gronde etcetera, die wylen Dignen vanden Ryelboere
wylen Henrix Claes wive toe plagen te hoeren, ende die nu
haeren kynderen toebehoeren, bynnen der stad ende vryheyt van
Mechelen wesende ende gelegen. A Domino Mechliniensi, Waranderende etcetera.
ut tempre simile
Jan Yueten
Vleminc, Hulst. Rommond vander Lyet heeft vercocht Janne
Yueten, Beckere, Eenen gouden Rynsgulden, Te wetene veertich
grooten Vlaems gelts voir dien gerekent erffelix chys Te
heffene altyt opten negenthienden dach van octobry Op ende
aen des voirgenoemde Rommonds huys metten hove gronde etcetera gelegen
over de Corenmarct inde Hooghstrate tusschen Henricx vander
Bruggen erve aen deen zyde ende Jans vander Beke erve aen
Ab Anthonio de Oeyenbrugghe
dander zyde. A Domino Mechliniensist:t; Waranderende. Op twee chysguldenen drie
capuynen ende dertich scellinge payments daer jaerlicx voir
vutgaende ende twee gouden Rynsgulden vanden voerscreven pryse
dander jaerlix voir vutgaende
Assignavit den XXVI denier
XIX octobry tempore simile