Blader door transcripties » Stadsarchief Mechelen

archieftoegang 2, inventarisnummer 948, pagina 138

Jan Zegers
aldaer aen deen zyde ende Jans vanden Rode erve aen
Item
dander zyde, Ende in een stuck lants houdende int
geheel omtrent een buenderst:t; een luttel meer dat
een buendere, gelegen tot Gheerdegheem, by tVeken
tusschen Jan Goeyheers erve aen deen zyde ende eenen
wech aldaer aen dander zyde, Ende in een cleyn
stucxken lants gelegen aldaer tegen over tusschen
der infirmarien erve vanden crancken beghinen
bynnen den beghynhove van Mechelen, aen deen zyde
ende wylen Jans Motten erve aen dander zyde. A Domino Mechliniensi,
Waranderende. Opte weerde van veerthien scellingen ende
neghen penningen groten Brabants gelts vuten voirgenoemde
geheelen
jersten vier stucken lants ende beempts, Ende op
anderhalven gouden Rynsguldenen elken van dien
tot veertich grooten Vlaems gelts gerekent vuter
voirgenoemde twee lesten geheelen stucken lants jaerlicx
gaende
Assignavit IIen
XVI octobry tempore simile
Jan van Assche heeft vercocht heer Willem
vanden Putte priester tot behoef vanden vanden Conventen
van Wyngelegheem voir de vyff scellinge ende
Jan de Hack ende syn wyf
inden name als boven
Hulst, Coesaert de voirgenoemde vercoeperen, hebben vercocht Janne
de Hack ende Magrieten de Beckere syn wive ende der voerscreven
kynderen de Beckere zuster, alle haer recht ende deel dat
sy hadden in vyf chysgulden erffelix chys, op twee huys
metten hove gronde etcetera, toehoerende Henricken van
Beringen, gelegen den st:t; deen neven dander buyten
de Kerchofpoorte inde Rechtstrate tusschen desselfs
Henricx andere erven aen beyde zyden, Ende in eenen
chysgulden desselfs chys, op een huys metten hove
gronde toehoerende, den selven Henricken van
gelegen aldaer
Beringen, aen deen zydest:t; tusschen Jans vanden Dale
erve aen deen zyde ende Jan Standaerts erve aen
dander zyde. A conventu de Lelyendale, Waranderende etcetera
Assignavit den XVI
ut supra
hic heer Locum contractus Johannes Maes ende
XXVIIst:t;septembris
Jan van Assche
van Coesaert Jan van Collem heeft vercocht Janne van Assche
vettewarier, Een huys metten hove ende met eenen
anderen huyse int eynde vanden selven hove staende ende
oic metten gronde etcetera gelegen inde Jeudestrate tusschen
Wouter Daems erve aen deen zyde ende Jan Stappaerts erve
aen dander zyde. A Domino Mechliniensi, Waranderende. Op twintich scellinge
payments ende vyf chysguldenen ende eenen halven daer
jaerlix vutgaende
XX octobry tempore simile
Jan van Collen
Item. De voirgenoemde Jan van Assche, dat den voerscreven Janne van
Collem vierenvyftich gouden Rynsguldenen, elken van
dien tot veertich groten Vlaems gelts gerekent Te betalene
tot Bamisse naestcomende, Ende daervoer heeft hy
verbonden alle sine haeffelike goeden waer die bevonden
zelen worden, die hy nu tertyt heeft ende hier namaels
oic hebben ende vercrigen sal, sunderlinge zyn voirgenoemde
huys metten hove gronde etcetera boven bescreven, opten voerscreven
chys daer jaerlix voir vutgaende. A Domino Mechliniensi,
ut supra tempore simile
Laureys Yueten
als ende inden name vanden
Vos, Coesaert. Brueder Jan de Meye, Muster huyse vanden
begaerden staende inder stad van Mechelen, by bywesen
ende volcomen consente van Wouteren van Voesdonck ende
van Janne van Hamme proviseurs desselfs huys, heeft
vercocht Laureys Yueten, Sesse chysgulden ende twee
capuynen erffelix chys die tvoirgenoemde huys vanden Begaerden
hadde op desselfs Laureys huys den Vossesteert geheeten
metten gronde etcetera gelegen achter der scepen huys van
Mechelen, tusschen Jans van Wave erve aen deen zyde ende
der weduen ende kynderen erve van wylen Claes van Berckelaer
aen dander zyde streckende achterweerts met eenen
anderen huyse tot inde jerste Vleeschouwersstrate tusschen
Jorys vanden Dorpe erve aen deen zyde ende des voerscreven
Jans van Wavere erve aen dander zyde. A Domino Mechliniensi, Waranderende etcetera.
ut supra
de tafle van Sinte
Jans
Hulst, Vos. De voirgenoemde Jan van Assche heeft vercocht Janne van
Battele als proviseur ende tot behoef vander taflen des Heylichs
Gheests vander prochiekerken van Sinte Jans bynnen Mechelen
drie gouden Rynsguldenen, elken van dien tot veertich
groten Vlaems gelts gerekent, erffelix chys Te heffene altyt
opten negenthienden dach van octobry Op ende aen des