Blader door transcripties » Stadsarchief Mechelen

archieftoegang 2, inventarisnummer 948, pagina 140

Wouter van Floerssem
pro suo
Vleminc, Hulst. Heer Anthoenis vander Aa Riddere ende Jan Mol, als
proviseurs ende inden name vander infirmarien vanden
crancken beghinen, staende bynnen den beghynhove van
Mechelen hebben vercocht Wouteren van Floerssem
bruedere, veerthien scellinge Loevens, elf ponden
payments ende drie capuynen erffelix chys, die
de voirgenoemde infirmarie hadde op desselfs Wouters
huys metten hove gronde etcetera den Papegay geheeten
gelegen in Sinte Kathelinenstrate opten hoeck vander
Zeelstraten, tusschen deselve Zeelstrate, aen deen zyde
ende Bartelmeus Heryoens erve, aen dander zyde een
Meester Johannes de Muysene filio quondam Johannes Bastarde
Waranderende etcetera
a novembris
Anselmus Roelants
Vos, Cousaert. Heer Marten van Tryt priester heeft vercocht
Anselmus Roelands, syn drie vierendeelen van drie gouden
Rynsguldenen elken van dien tot veertich grooten Vlaems
gelts gerekent erffelix chys, die hy hadde op desselfs
Anselmus huys metten hove gronde etcetera gelegen
inde Vooghtstrate tusschen Jan Mols erve, aen deen
zyde ende heer Lodewyck Martens priesters erve aen dander
zyde streckende achterweerts metten voirgenoemde hove doen
een poerte tot inde Bleeckstrate. Magriete Ludovico
Cony, Waranderende etcetera.
Assignavit XVI
XX octobris
Peter vanden Bloke
Vleminc, Vos. Jan van Ghele wylen Jans van Ghele soon
Katheline van Ghele syn zuster met Anthoenis de Hack
haeren man ende Lysbeth van Ghele haerlieder zuster met
Janne Papelens haeren man, hebben Terve gegeven
Peteren vanden Bloke, Een huys metten hove gronde etcetera
haerlieder drie vierendeelen van eenen huyse metten
hove gronde etcetera gelegen buyten der Aedegheempoorten
opt Heydeken, tusschen Willem Walsschaerts erve
aen deen zyde ende desselfs Peters vanden Bloke ander
erve aen dander zyde. A Domino Mechliniensi. Te besittene op eenenst:t;
erffeliken chys van drie van welken huyse metten
hove tvierde vierendeel, Margrieten van Ghele der voerscreven
Jans, Kathelinen ende Lysbetten van Ghele zuster toebehoert
A Domino Mechliniensi. Te besittene op eenen erffeliken chys van drie gouden
Peters elken van dien tot sessendertich groten Vlaems gelts
gerekent, Ende die te betalene altyt tot Kersmisse vutgenomen
de selve
Kersmisse naestcomende, Ende opten vorchys van twee chysgulden
ende twintich scellingen payments vuten voerscreven geheelen huyse
metten hove jaerlix gaende met alsulker condicien dat de
voirgenoemde Peter vanden Bloke sculdich sal syn te lossene ende te quitene
de voirgenoemde drie gouden Peters des voerscreven chys totten terminen hier
na volgende Te wetene de twee Peters daeraf tusschen
dit ende den voerscreven Kersmisse naestcomende met eenendertich
geliker Peters eensst:t; ende deen derden Peter daeraf tot Kersmisse
daer naer sonder middel vervolgende, met sesthien geliker
Peters eens met vollen chysst:t;daerst:t;
XXIII octobris
Jan Mathys
Dyest, Hulst. Jacop Mathys wettich van van Janne Mathys
oude schoemaker, heeft Quytgesconden los vry ende ledich
den selven Janne Mathys synen vader weduere van wylen
Margrieten van Bornhem van allen den haeffeliken goeden
die den voirgenoemde Jacoppen, byder doot vander selver wylen
Margrieten synder moeder ende des voerscreven Jacopsst:t;
Jans jersten wive doen sy leefde in eeniger manieren
gebleven ende verstorven moegen syn ende alle andere
dies quitancie behoeven
XXIII octobry tempore simile
Jan Zegers
Vleminc, Hulst. Brueder Daneel vanden Horicke priester propre
des goidshuys van Hanswycke by bywesen ende volcomen
consente van brueder Peteren vanden Damme oic priester ende
Religieus desselfs goidshuys heeft inden name vanden
jaergetyde dat wylen Margriete vanden Steene, tanderen
tyden met haeren testamente geordineert ende begheert heeft
alle jaere ten eeuwigen dagen gedaen ende gecelebreert te
wordene int voirgenoemde goidshuys vercocht Janne Zegers
twee scellinge ende sesse penninge groote Brabants gelts
erffelix chys die tvoirgenoemde jaergetyde hadde, op tderdedeel
vander helft van eenen stuck lants metten gronden
houdende int geheel een buender dat Kathelinen vanden
Tyeboem toe plach te hoerene ende dat nu den selver
Janne Zegers toebehoert gelegen tot Gheerdegheem op
Gheerdeghemervelt tusschen Jans vander Hoeven
erve aen deen zyde ende Henricx Goeyheers erve aen
dander zyde. A Domino Mechliniensi, Waranderende etcetera.
Assignavit den XVI denier
XXII octobry tempore simile