Blader door transcripties » Stadsarchief Mechelen

archieftoegang 2, inventarisnummer 948, pagina 137

Jan de Kempe
ende zusteren
voer oesaert heer Jaspar van Ranst priester, heeft Terve
gegeven Janne de Kempenere wylen Rommonds de Kempenere
soon, de helft van Eenen huyse metten hove gronde
gelegen tot Neckerspoele inde Rechtstrate tusschen der
weduen van wylen Jacoppen Joes ende haerer dochter erve
aen deen zyde ende heer Martens van Lanchem oic priesters
erve aen dander zyde st:t;van welken huyse metten
Janne Membry
hove dander helft den selven Janne de Kempenere ^ toebehoerende
A Domino Mechliniensi. Te besittene op eenen erffeliken chys van Anderhalve
gouden Rynsguldenen elken van dien tot veertich grooten
Vlaems gelts gerekent, Ende die te betalene altyt tot
twee termynen Te weten deen helft daer af tot Kersmisse
ende dander helft tot Sinte Jansmisse daer af den jersten
termyn van betalingen syn sal tot Kersmisse naestcomende
Ende opten voirchys van drie chysguldenen eenen capuynen
vier pond thien scellinge payments daer jaerlicxst:t; vuten
voerscreven geheelen huyse metten hove jaerlix gaende
Assignavit XVI Rinsgulden eens
X octobry tempore simile
ende syn wyf
Vranck vanden Brugge
Vos, Coelaert Willem Sanders heeft vercocht Vrancken
vander Bruggen tot synen ende Lysbetten sMaeyers syns wyfs
behoef, Een huys metten hove gronde etcetera gelegen inden
Heembeempt tusschen der weduen ende kynderen erve van
wylen Janne vander Moelen, aen deen zyde ende desselfs
Vrancx ander erve aen dander zyde. A Domino Mechliniensi, Waranderende. Opte
weerde van sesse scellingen grooten Brabants gelts daer
jaerlix vutgaende
Assignavit XX Rinsgulden
ut supra
Trominus Ghorys
Dyest, Vos. Jan ende Lambrecht vander Lynden gebruederen
wylen Henricx vander Lynden kynderen ende jouffrou Lysbeth
vander Lynden beghinne haerlieder zuster inden name van
hen selven ende oic inden name van Lysbetten Berchs Jan
Berchs dochter onder haer jaeren etcetera wesende die sy in hen
vervingen, Ende Peter Dekens ende Jan Voet van svaders
wegen ende de oic de voirgenoemde Jan ende Lambrecht vander
Lynden vander moeder wegen als momboiren ende inden
name van Rommonden de Deckere Jans de Deckere soon
onder syne jaeren etcetera wesende dien sy in hen vervingen
hebben Quytgesconden los vry ende ledich Jeronimus
Gherys, weduwe van wylen Marien vander kynden van
allen den haeffeliken goeden die den voirgenoemde Janne
Lambrechten ende jouffrou Lysbetten vander Lynden ende
De selve
den voerscreven Lysbetten Berchs ende Rommonden de Deckere byder
doot vander voerscreven wylen Marien vander Lynden, der
selver Jans Lambrechts ende jouffrou Lysbetten vander Lynden
zuster, der voerscreven Lysbetten Berchs ende Rommonds de Deckere
moeye ende des voirgenoemde Jeronimus lesten wive doen sy leefde
in eeniger manieren, toecomen gebleven ende verstorven moegen
syn ende alle andere dies quitancie behoeven geheelic ende al
XV octobry tempore simile
Jan Zegers
Hulst, Vos. Gielis Henrick ende Jan de Beckere gebroederen Katheline
de Beckere haerlieder zuster met Pauwels Goessens haeren man
Margriete de Beckere oic haer zuster met Janne de Hack
haeren man ende Thorie de Beckere, oic haer zuster cum tutore endest:t;
inde name van hen selver ende oic
de voirgenoemde Gielis Henrick ende Jan de Beckere, Katheline endest:t;
Margriete de Beckere met haeren voerscreven mannen ende hovest:t;
de Beckere inden name van Dignen de Beckere Aerts Boele
wive ende van Lysbetten de Beckere oic haeren zusteren, absent
wesene ende van Barblen Goessens wettige dochter van wylen
Diericken Goessens ende van wylen Barblen de Beckere met
wive ende der voerscreven gebroederen ende zusteren de Beckere zuster doen
sy leefde, onder haere jaeren etcetera wesende die sy in hen vervingen
Katheline vanden Hoeboem met Janne vander Ramen oic haeren
man, Jan van Boechout diemen heet Perck wylen Jans van
Boechout soon, Ende Jan ende Bartelmeus van Boechout wettige
kynderen van wylen Henricken van Boechout, hebben vercocht
Janne Zegers, alle trecht ende deel dat sy hadden ende henlieden
byder doot van wylen Andries van Boechout ende van wylen
Lysbetten vander Mere synen wive toecomen gebleven ende
verstorven is inde erffelike goeden metten gronde etcetera hier
int geheel
na bescreven, ierst in een stuck lants houdende omtrent drie
vierendeel met eenen huyse daerop staende, gelegen buyten der
Oeversterpoorten inde Gheerdegheemstrate tusschen Aelbrechts
Vlyeghe erven aen beyde zyden. Item in een stuck beempts st:t;
geheeten sHerkenreck, houdende int geheel omtrent achtien
Roeden gelegen aldaer, tusschen des huys vanden Zyekenlieden
beempden, aen beyde zyden. Item in een stuck lants houdende
int geheel omtrent een halff buender gelegen aldaer tusschen
Hen de Moere
des voerscreven Aelbrechts Vlyege erve aen deen zyde ende Jans
vander Hoeven erve, aen dander zyde. Item in een stuck
int geheeten
lants geheeten Andries Blocxken, houdende een luttel min
dair een vierendeel, gelegen aldaer tusschen des Heeren strate