Blader door transcripties » Stadsarchief Mechelen

archieftoegang 2, inventarisnummer 948, pagina 136

Jan Machilden
Hulst, Vos. Dierick van Sintruyden voer deen vierendeel ende
Jan Maes voer dander vierendeel, hebben vercocht Janne
Machtilden, haerlieder twee vierendeelen van eenen
stuck lants metten gronde etcetera houdende int gel geheel
omtrent va een vierendeel, daeraf dander twee
vierendeelen den selven Janne Machtilden toebehoeren
gelegen tot Hombeke in Hombekerbroeck, tusschen des
goidshuys van Lelyendale erve aen deen zyde ende Jan
Schoofs erve aen dander zyde. A Domino Mechliniensi, Waranderende sonder
eenigen last van chyse daer jaerlix vutgaende
XI octobris
Aert van Dyest
Hulst, Vos. Symoen Pauwels heeft vercocht Aerde van Dyest
onsen medescepen, Sesse scellinge groten Brabants gelts
erffelix chys Te heffene altyt tot Sinte Jansmisse Op ende
aen des voirgenoemde Symoens huys metten hove gronde etcetera
gelegen opte Wollemarct aende Kerchofbrugge aldaerst:t;
tusschen de Dele aldaer, aen deen zyde ende der weduen
ende kynderen erve van wylen Willem Campioens aen dander
A Domino Mechliniensi, Waranderende. Opte weerde van Achtenveertich scellingen
zuster
groten Brabants gelts dair jaerlix voir vutgaende
ut supra
Jan vanden Scryeke
Vos, Goesaert. Lysbeth Daneels natuerlike dochter van wylen
Janne Daneels die hy van wylen Yden Moens vercregen
heeft cum tutore heeft opgedragen ende overgegeven tot
behoef van Janne vanden Scryeke weduere vander voerscreven
wylen Yden Moens haerer moeder, alle alsulke haeffelike
ende erffelike goeden metten gronde etcetera bynnen der stad ende
vryheyt van Mechelen wesende ende gelegen, als de voirgenoemdest:t;
haer de voirgenoemde Yde haer moeder, opten vyfsten dach
van Junio int jaer dusent vierhondert sessentachtentich
lestleden, voer scepenen van Mechelen gegevenst:t; geordineer
gegeven ende gemaect heeft naer de doot van haer ende
vanden voirgenoemde Janne haeren man, te hebbene ende aenveerden
A Domino Mechliniensis, Waranderende etcetera.
XVst:t;
Jan de Neve alias vanden
Hagen ende syn wyf
Vos, Goesaert. Jan Stynen wettich soon van wylen Claes Stynen
vore drie zestedeelen, Gielis synen wettich soon van
wylen Wouteren Stynen, voer tvierde zestedeel, Ende de
selve Jan ende Gielis Stynen van svaders wegen ende Jan de
de selve
Bouwere ende Vranck Willems vander moeder wegen, als
momboiren ende inden name van Janne Steven wylen Jans
stoven soon, onder syne jaeren etcetera wesende die sy in hen vervingen
voere, tvyfste zestedeel, Ende oic de voerscreven Jan ende Gielis Stynen
oic van svaders wegen, Ende Andries ende Rommond vanden Dycke
gebruederen vander moeder wegen, als momboiren ende inden name
van Margrieten Stynen wylen Barthelmeus Stynen dochter
onder haer jaeren etcetera wesende die sy in hen vervingen voer tzeste
zestedeel vander he hebben vercocht Janne de Neve diemen
heet vander Hagen wullenweve ende Barblen Borchaerts synen
wive haer sesse sestedeelen die hy sy hadden ende die hen byder
doot van wylen Anthoenis Steven, des voirgenoemde jerste Jans
Stynen brueder, des voerscreven Gielis Stynen oem ende des voerscreven tweede
Jans Stynen ende Margrieten Stynen onde oem doen hy leefde
toecomen gebleven ende verstorven syn inde helft van Eenen
huyse metten hove gronde etcetera gelegen inde Berchstrate
tusschen heer Jans Versagen priesters erve aen deen zyde ende
Martens de Verre erve aen dander zyde van welken huyse
metten hove dander helft den selven Janne de Neve ende synen
wive toebehoert. A Domino Mechliniensi, Waranderende. Op twee chysguldenen
sesse pond acht scellinge payments ende een Rueten keersse
van sesse myten Brabants gelts welke keersse de voirgenoemde
wylen Anthoenis Stynen ende wylen Magriete Wynants synde
wyff, tanderen tyden met haeren testamente gewilt ende
geordineert hebben, byden besitteren vanden voerscreven vercochten
huyse, die by tyden syn zelen altyt des saterdaeghs Avonts
gegeven ende gestelt te wordene voer deelde van Onser Liever
vrouwen staende achter tconvent van Onser Liever Vrouwen
bruederen bynnen Mechelen, aldaer men gaet ter Veemarct
waert vuten voirgenoemde geheelen huyse metten hove jaerlicx
gaende
Assignavit XLIII Peters
XV octobris tempore simile
Jan ende Gielis
Steynen
Item. De voirgenoemde Jan de Neve ende syn wyf den den
voerscreven Janne Stynen wylen Claes Steven soon voir de thien
Peters ende eenen halven, ende den voerscreven Gielisen synen stynen
tot sinen behoef voer de drie ende eenen hy de drie Peters
ende eenen halven ende oic tot behoef vanden voerscreven Janne
Stynen wylen Jan Stynen soon, voer dander drie Peters
ende eenen halven, seventhien gouden Peters ende eenen
halven elken van dien tot veertichst:t; sessendertich grooten
Vlaems gelts gerekent Te betalene tot Bamisse naestcomende
Ende daervoer hebben sy hem verbonden alle haere haeffelike
goeden waer die bevonden zelen worden, die sy nu ter tyt
hebben ende hier namaels oic hebben ende vercrigen zelen
solvit est datum et ten latum et
reta reditoch XVc XXII
ende tot
ut supra