Blader door transcripties » Stadsarchief Mechelen

archieftoegang 2, inventarisnummer 948, pagina 135

Jan Rabbouts
Beringen, Hulst. Jacop van Ranst heeft vercocht Janne Rabboots
Twee gouden Peters elken van dien tot sessendertich grooten
Vlaems gelts gerekent erffelix chys Te heffene altyt
opten twaelfsten dach van octobry Op ende aen des voirgenoemde
Jacops stuck eeussels metten gronde etcetera houdende omtrent
een buender luttel min oft meer gelegen inde prochie
van Leest tusschen des goidshuys van Lelyendale erve aen
deen zyde ende des Heeren strate aldaer, aen dander zyde, op daer
capuynen dair jaerlix voir vutgaende, Ende op syn stuck
eussels metten gronde etcetera houdende omtrent drie vierendeelen
gelegen aldaer, tusschen des voerscreven goidshuys erve aen
deen zyde ende des voerscreven Heeren strate, aen dander zyde, Op
twee capuynen ende vyftich eyeren daer jaerlix voir vutgaende
A Domino Mechliniensi, Waranderende etcetera met alsulker condicien dat de voirgenoemde
Jacop sal moegen lossen ende quiten altyt als hem dat
gelieven sal, de voirgenoemde twee gouden Peters des voerscreven
chys ende elken Peter daeraf met sesthien gelyker
Peters
penningen eens ende met vollen chyse
Assignavit den XI denier
XIIa octobris
de tafle van Onsen
Vrouwen
Item. Jan Machtilden, voir deen helft, Dierick van
Sintruyden ende Jan Maes voer dander helft, hebben vercocht
ende heeft behoef
Janne Marchant den ouden als proviseur vander taflen des
Heylichs Gheests vander prochiekerken van Onser Liever Vrouwen
bynnen Mechelen, Een stuck lants metten gronde houdende
omtrent drie vierendeelen met eenen erfghe daer toe
hoerende, comende ter straten vut daer nyemant sculdich
ende is die te wegen, van alleene de voerscreven Dierick van
Sintruyden, met eenen vierendeel lants liggende, by tvoerscreven
stuck lants ende oic metten gebruyke van eenen anderen weghe
liggende by Jans vander Borch diemen heet beelen ende der
kynderen erven van wylen Janne van Loevene comende oic ter
voerscreven straten vut welck stuck lants gelegen is buyten
der Oeverster poorten van Mechelen int Veken, tusschen
des voerscreven Dierix van Sintruyden andere erve aen deen zyde
der kynderen erve van wylen Joes van Boesschot aen dander zyde
Lodewycx van Heffene erve, aende derde zyde ende der weduen
ende kynderen erve van wylen Gielis de Hertoge, aende vierde
zyde. Item een stuck lants metten gronde etcetera houdende een
vierendeel gelegen aldaer int voerscreven Veken, tusschen des
voerscreven Jan Maes ander erve aen deen zyde ende Rommonds de Becker
De selve
erve aen dander zyde, Op vyft vercochten Rogs ende
vyfthien scellinge payments ende opte weerde vanst:t;
Eenentwintich scellingen groten Brabants gelts dair vutenst:t;
voirgenoemde drie stucken lants dair jaerlix vutgaende. A Domino Mechliniensisst:t;
A Domino Mechliniensi, Ende een stuck lants metten gronde etcetera
houdende omtrent een vierendeel, gelegen buyten der
voerscreven Oversterpoorten int voerscreven Veken, tusschen
Jaspers vander Beke erve aen deen zyde ende Jans
des voerscreven
vanden Spykere ende Jans vander Borch erve aen dander
zijde. A Jacobo Schooff, Waranderende. Op vyf veertelen Rogs ende
vyfthien scellinge payments ende opte weerde van eenentwintich
scellingen groten Brabants gelts vuten voirgenoemde jersten die twee
stucken lants ende op thien scellinge Loevens ende thien
scellinge payments vuten voerscreven lesten stuck lants
jaerlix gaende
Assignavit XII Peters eens
XIa octobris
Jan Scholier
Beringen, Hulst, Alexius vanden Waerde, heeft vercocht Janne
Scholier, Twee gouden Rynsguldenen, elken van dien tot
veertich grooten Vlaems gelts gerekent, erffelix chys
Te heffene altyt opten twaelfsten dach van octobry Op ende
aen des voirgenoemde Alens huys metten hove gronde etcetera
gelegen tot Neckerspoele opte Hergracht tusschen Anthoenis
Vossesteert erve aen deen zyde ende der weduen ende
kynderen erve van wylen Henricken Bercmans aen dander
zyde, Ende een cleyn plaetssest:t; op desselfs Alens cleyn
plaetse met eenen huyse daerop staende ende oic metten
gronde etcetera gelegen aldaer opte voerscreven Hergracht, tegen
tvoerscreven ierste huys over, tusschen deselve Hergracht
aen deen zyde ende de strate aldaer aen dander zyde
A Domino Mechliniensis, Waranderende. Op twaelf penninge Loevens twaelf pond payments
eenen capuyn ende endest:t; anderhalven chysgulden daer
jaerlix voir vutgaende
Assignavit den denier
ut supra
Peter vander
Brugstrate
Hulst Vos Katheline vander Brugstraten, met Gregoris Pauwels
haeren man, heeft Quytgesconden los vry ende ledich, Jacoppen
van wylen Kathelinenst:t; Lysbetten ende
van Muysene, tot behoef van Peteren vander Brugstraten weduere
der voerscreven Kathelinen vader van allen den haeffeliken goeden
die der voerscreven Kathelinen byder doot vanden selven Peteren
haeren vader zelen moegen versterven ende alle andere dies
quitancie behoeven geheelic ende al
XII octobry tempore simile