Blader door transcripties » Stadsarchief Mechelen

archieftoegang 2, inventarisnummer 948, pagina 134

Cornelie vanden Dale
Hulst, Vos. Jouffrou Margriete ende Katheline de Zwane wylen
Wouters de Zwane kynderen beghinen ende Lysbeth de Zwane
haerlieder zuster, by bywesen ende volcomen consente van Janne
vander Elst ende Adriaen de Costere, haeren momboiren, hebben
bekent dat sy gehadt ende ontfangen hebben van Cornelis
vanden Dale, de somme van dertich gouden Rynsguldenen
elken van dien tot veertich grooten Vlaems gelts gerekent
die hen de voerscreven Cornelie vut zaken vanden coepe van
eenen huyse inde Nokerstrate gelegen, tegen heyden
tanderen tyden voir scepenen van Mechelen tot zekenst:t;
overledenen termynst:t; bekent heeft tot zekeren overleden
termine te betalene, Ende van die sommen van dertich
gouden Rynsgulden vanden voerscreven pryse, hebben de
voerscreven jouffrou Margriete ende Katheline ende oic de
voirgenoemde Lysbeth Quytgesconden los vry ende ledich den
voerscreven Cornelien vanden Dale ende alle andere dies quitancie
behoeven geheelic ende al
X octobris
Katheline vander Broecstraten wylen Henricx
vander Broecstraten dochter
Opten XXVIIen dach
van septembry anno
XXXVIII heeft deselve
Rooms van Muysen
inde name van Jan
kynderen bekent dat
de selve Henrick
theertruyder afgequyten
heeft, de selve drie
Rynsgulden ende
dat hy hem daeraf
wel vernueght
ende betaelt heeft
in kennissen myn
Haneele huer
tot synder begeerten
geset
Beke
Vleming, Vos. Jan
Henrick Gheertruyden diemen heet weesken
Rins
woenende tot Beersselt heeft gelooft ende elck van henst:t;
voer hem syn hoir ende nacomelingen ongevrydt naer die
huysen rechte geven ende te betalen Jorys van Muysene
te behoef van Gielisen Kathelinen ende Lysbetten van
Muysene, synen kynderen alle jaer alsoe lange als de
selve kynderen ende de langhstlevende van hen drien
een zelen, Elcx jaers van dien altyt opten thienden
dach van octobry alsulke drie gouden Rynsgulden
elken van dien tot veertich grooten Vlaems gelts gerekent
jairliker lyfpensien als de voerscreven Henrick den voergenoemde
Jorissen van Muysene, tot behoef ende ten liven vanden
voerscreven Gielisen Kathelinen ende Lysbetten van Muysene met
kynderen ende tot des langhstlevenden live van hen drien
opten dach van heden, opt zelvest:t; voir meyer ende
scepenen van Blaersvelt vercocht ende op zekere synen
goeden aldaer gelegen bewesen heeft, gelyc der selver
daerop gemaect
scepenen brief van Blaersvelt, dat claerliker vutwyst
ende begrepen heeft, sonder eenich wederseggen
X octobris
Jacop Peters ende syn
wyf
Beringen, Dyest. Jan vanden Vekene weduere van wylen Barblen
Zemaels als een tochtenere ende Jan vanden Vekene syn soon
als erfgenaem, hebben Terve gegeven Jacoppen Peters ende
metten hove gronde houdende int geheel omtrent anderhalf
Kathelinen Zemaels synen wive de helft van eenen huyse
dach vierendeel, daeraf dander helft der selver
Kathelinen toebehoert gelegen tot Hombeke inde Bancstrate
tusschen der weduen ende kynderen erve van wylen Aerde vander
Most aen deen zyde ende Marien van Yetegheem erve aen dander
zijde. A Domino Mechliniensis. Te besittene op eenen erffeliken chys van Seven
scellingen grooten Brabants gelts, Ende die te betalene altyt
eenen
tot Bamisse, Ende opten voerchys van twee pond vyfst:t; scellinge
payments daer jaerlix vuten vuten voerscreven geheelen huyse
metten hove jaerlix gaende, Om welke seven scellinge groten des
voerscreven chys alsoe te betalen, Ende om der meerder zekerheyt den
Janne
voerscreven Janne vanden Vekene ende sinen soon daeraf te doen
Soe heeft de voirgenoemde Katheline Zemaels metten voerscreven Jacoppen
haeren man den selven Janne ende Janne daervoer verbonden
ende tonderpande geset haer voirgenoemde ander helft vanden
voirgenoemde huyse metten hove gronde etcetera opten voirscreven chys die vuten
selven geheelen huyse metten hove jaerlix gaende
XI octobry tempore simile
Marten vanden
Brande
Item. De voirgenoemde Jan vanden Vekene de soon, heeft vercocht
Marten vanden Brande, de helft van eenen stuck lants houdende
int geheel omtrent een vierendeel, daeraf dander helft den
selven Merten toebehoert gelegen tot Leest inden Schuercapruyn
tusschen der weduen ende kynderen erve van wylen Gielis de
Hertoge aen deen zyde ende desselfs Martens ander erve aen
dander zyde. A Domino Mechliniensi, Waranderende. Opten chys dair jaerlix vutgaende
ut supra tempore simile
Cornelis van
Resegheem
Vleming, Vos. Digne van Resegheem wettige dochter van
Cornelisen van Reseghem met Claes de Heyde, haeren man
vry ende ledich den selven Cornelissen haeren vader weduere
ende Lysbeth van Reseghem haer zuster, hebben Quytgesconden los
van wylen Lysbetten Vlyeghe van allen den haeffeliken
goeden die den voirgenoemde Dignen ende Lysbetten van Resegheem
byder doot vander selver wylen Lysbetten Vlyeghe haerer
moeder ende des voerscreven Cornelis haers vaders wive doen
sy leefde, in eeniger manieren gebleven ende verstorven moegen
syn ende alle andere dies quitancie behoeven
XI octobris