Blader door transcripties » Stadsarchief Mechelen

archieftoegang 2, inventarisnummer 948, pagina 133

Jan van Beringen
Vleming, Vos. Jan van Meeusele heeft vercocht Janne van
Beringen vutseydene, Een huys metten hove gronde
gelegen inde Corte Penningstrate tusschen Cornelis van
Heeren erve aen deen zyde ende Jans van Halen diemen
heet Joes erve aen dander zyde. A Domino Mechliniensis, Waranderende. Op
acht pond payments, vier chysguldenen ende drie scelling
groten Brabants gelts daer jaerlix vutgaende
VIII octobry
ende oic haerlieder
huys den Zwarten Ketel
geheeten opten hoeck
vander Beghinenstraten
tegen Sinte Rommonds
kerchof over gelegen
toten terminen hierna
volgende Te wetene
deen helft daeraff tot
Kersmisse ende dander
helft tot Sinte Jansmisse
beyde naestcomende sonder
eenich wederseggen
Henrick vanden Vekene ende Cristine vanden
Heyden syn wyff, hebben gelooft ende elck van hen besunder
ende voirtal, dat by meester Andriese Kelderman, Ende oic
Rommonden by heer Janne Kelderman priester ende Rommonden
Andries, Anthoenis Matheeus, Jacoppen ende Lysbetten Kelden
alle des voerscreven Meester Andries huyderen altyt scadeloes quyt
vander betalinge
houden ende ontheffen sal van allen alsulken loffst:t; Assien
ende sommen van penningen, als hy de voerscreven stad van Mechelen
vut zaken van allen den Rynsschen wiven, die hyst:t; zyde
den twintichsten dach van julio lestleden vercocht ende
vutgecape heeft in des voerscreven meester Andries ende synder
en
voerscreven kynderen huyse den Zwerten Ketel geheeten, opten
ven vutgecap hebben
hoeck vander Beghinenstraten gelegen sculdich ende tachter
syn
ende oic dat sy den voerscreven Meester Andriese vut zaken
vander hueringen vanden selven huyse geven ende betalen
zelen tot Sinte Jansmisse Baptisten naestcomende tweentwee
gouden Rynsguldenen elken van dien tot veertich grooten
Vlaems gelts gerekent vander eenich wederseggen om
welke gelooften alsoe volstentelic tonderhouden, Ende om der
meerder zekerheyt den voerscreven Meester Andriese ende sinen
voerscreven kynderen daeraf te doene Soe hebben de voerscreven Henric
ende syn wyf den voerscreven Meester Andriese tot sinen ende tot
synder voerscreven kynderen behoef daervoer verbonden ende
te pande geset alle haer haeffelike goeden waer die
bevonden zelen worden, ende oic alle haer erffelike goeden
metten gronde etcetera bynnen etcetera gelegen, die sy nu tertyt
hebben ende hier namaels oic hebben ende vercrigen zelen
hebben
Jan Snelle
Dyest, Hulst. Cornelis Breugelman ende Katheline Breugelmans syn
zuster met Janne de Neve haeren man, hebben vercocht Janne
Snelle haeren acht gouden Rynsguldenen elken van dien tot veertich
grooten Vlaems gelts gerekent, erffelix chys Te heffene altyt
opten neghenden dach van octobry Op ende aen des voirgenoemde
Cornelis ende Kathelinen Breugelmansst:t; Breugelmans twee
derdedeelen van eenen huyse dat twee woeningen syn voer
geheeten metten gronde etcetera gelegen aende Marct van Mechelen
tusschen der weduen ende kynderen erve van wylen Peteren vander
Eeghere aen deen zyde ende der voerscreven Cornelis ende Kathelinen
ende Rommonds Breugelmans haers brueders ander erve aen
dander zyde, op twee chysguldenen ende thien gouden Ryns
guldenen elken van dien totst:t;daerst:t; vuten
voerscreven geheelen huyse jaerlix voir vutgaende, Ende voertaen
op alle dander der selver Cornelis ende Kathelinen syn haeffelike
ende erffelike goeden metten gronde etcetera bynnen etcetera wesende ende
gelegen die sy nu tertyt hebben ende hier namaels oic hebben
ende vercrigen sal. A Domino Mechliniensi, Waranderende etcetera met alsulker condicien
dat de voirgenoemde Cornelis ende Katheline zelen moegen lossen ende
quiten de voir twee Rynsguldenen vanden voerscreven Acht
gouden Rynsgulden des voirgenoemde chys altyt als hen dat
gelieven, Ende dander sesse Rynsgulden desselfs chys
zelen deselve Cornelis ende Katheline moegen lossen ende
quyten ende ierste viere toecomende jaeren ende niet eer
ende alsdan altyt als hen dat gelieven sal met drie Ryns
guldenen telker reysen ende elken van dien Rynsguldenen met
sesthien gelyker gulden eens ende met vollen chyse. Behoudelic
dien, dat soe wanneer deselve Cornelis ende Katheline, de voerscreven
twee gouden Rynsguldenen vanden voerscreven Acht Rynsgulden des
voerscreven chys gelost ende gequeten zelen hebben dat alsdan alle
der selver Crielis ende Kathelinen andere haeffelike ende erffelike
goeden voerscreven vander betalingen der voerscreven sesse Ryns
gulden desselfs chys, ongehouden syn ende bliven zelen
Assignavit den XXVI denier
II octobry tempore simile
Marten Hermans
Hulst, Vos. Jan de Pape heeft vercocht Marten Hermans
syn derdedeel van dat hy hadde ende hem byder doot van wylen
helft van Eenen huyse metten hove gronde etcetera gelegen inde
Kathelinen de Pape, synder moeyen gebleven ende verstorven is inde
Jeudestrate tusschen Henrix van Zorke erve aen deen zyde
ende aen dander zyde. A Domino Mechliniensi, Waranderende.
opte weerde van twaelff groten Brabants gelts vuten voerscreven
geheelen huyse metten hove jaerlix gaende
Assignavit VII Rinsgulden eens
octobry tempore simile