Blader door transcripties » Stadsarchief Mechelen

archieftoegang 2, inventarisnummer 948, pagina 126

Anno XVI
te
Katlyne Oeyens ons
ende Ymbrecht Luyt
Vleming, Vos. Willem Luyten ende Digne Moens syn wyf, hebben
vercocht Kathelinen Oeyenssoons, tot haeren live ende oic tot behoef
ende ten live van Ymbrecht Luyten des voirgenoemde Willems soon ende tot
es langhstlevenden live van hen beyden, Twaelff scellinge groote
Brabants gelts jaerliker lyfpensien, Te heffene altyt opten sesten
dach van Septembry Op ende aen des voerscreven Willems ende syns
wyfs huys metten hove gronde etcetera gelegen inde Lange Penningstrate
opten hoeck vander Cortter Penningstraten tusschen deselve Cortte
Penningstrate, aen deen zyde ende desselfs Willems ende syns wyfs
ander erve aen dander zyde. A Domino Mechliniensi, Waranderende. Op anderhalven chysgulden
daer jaerlix voir vutgaende, die Katheline levabit
VII septembris
Damme van vanden
Lange, Hulst. Rommond Breugelman wylen Jans Breugelman soon heeft
vercocht Olivier van Buedeghem anderhalven gouden Rynsguldenen
elken van dien tot veertich grooten Vlaems gelts gerekent erffelicx
chys Te heffene altyt opten jersten dach van Augusty tot
Sinte Jansmisse Baptisten, Op ende aen des voerscreven Rommonds
oft woeningen
Twee
derdedeel van Eenen huysen dander geheeten dat twee
woeningen syn metten gronde etcetera gelegen aende Marct van
Mechelen tusschen der weduen ende kinderen erve van wylen Peteren
vanden Eeghere aen deen zyde ende des voerscreven Rommonds ende synder
brueders ende zusters ander erve aen dander zyde, Op twee chysgulden
ende thien gouden Rynsgulden vanden voerscreven pryse vuten voerscreven
twee
derde geheelen huysen ende op drie gelike Rynsguldenen vuten
twee
voerscreven derdendeele vanden selven huysen jaerlix voir vutgaende
Ende voertaen op alle desselfs Rommonds haeffelike ende ander
wynen
erffelike goeden metten gronde etcetera, die hy nu tertyt heeft
ende hier namaels oic hebben ende vercreven. A Domino Mechliniensi, Waranderende etcetera
VII septembris
Jan Letten
Lange, Hulst. Jouffrou Katheline van Voedonck wylen Aerts van
Voesdonck dochter ende wedue van wylen Vrancken van Halen, cum tutore
heeft vercocht heer Janne Duerick priest tot behoef van Janne
van Kerstinen wylen Pauwels van Kerstinen sone, twaelff gouden
Rynsguldenen goede etcetera. Te wetene veertich groten Vlaems gelts
voer elken derselver Rynsguldenen gerekent erffelix chys die
de voergenoemde jouffrou Katheline hadde op een huys metten gronde etcetera
den Spoelaer geheeten, dat den voirgenoemde wylen Pauwels van
Kerstinen toe plach te hoeren, gelegen over de Grootbrugghe van
Mechelen opten hoeck vander Steenstraten, tusschen deselve
Steenstrate aen deen zyde ende Jans van Bonicrode erve aen
dander zyde. A Dominest:t; streckende achterweerts tot in een
cleyn straetken gaende totter Delen. A Domino Barbara Schoof
Waranderende etcetera.
ut supra tempore simile