Blader door transcripties » Stadsarchief Mechelen

archieftoegang 2, inventarisnummer 948, pagina 127

Augustyn Yngelrams
Lange, Hulst heer ende Meester Gregoris et priest inden name van
hem selven ende oic inden name van heer Janne es oic
priester synen brueder, absent wesende dien hy in hem
vervingh hebbende om tgene te doen dat hierna bescreven
staet vanden selven heer Janne synen brueder volcomen
macht gelyc ons dat by eender procuracien daer op gemaect
ende bezegelt metten zegel ten zaken vander stad van
Bruessel claerlic bleeck, heeft vercocht Augustyn
Yngelrams, Een stuck lants metten gronde etcetera houdende
een halff buender luttel min oft meer, gelegen buyten
der Neckerspoelpoorten omtrent den Pas, tusschen
Peters Gheylen erve aen deen zyde ende desselfs
Augustyns ander erve aen dander zyde. A Domino Mechliniensi, Waranderende.
op drie pond payments daer jaerlix vutgaende
Assignavit XXX Peters
VII septembris
de wedue ende kynderen
wylen Jans vander
Cammer
Langhe, Hoeven, Jacop ende Marten van Waes gebruederen, hebben
gelooft ende elck van hen besunder ende voir al, Te geven ende
te betalen Kathelinen Ymbrechts weduen van wylen Jan
vander cammen ende Jan ende Bartelmeus vander cammer
haeren kynderen oft den brenger des briefs, vut zaken
vander hueringen van eenen beempde den Craeyenblock
geheeten inde prochie van Rymenam gelegen, die de
voerscreven Jacop ende Marten tegen de voerscreven wedue ende
kynderen vander cammen gehuert hebben eenen termyn van
Sesse jaeren lange geduerende die inne gaen ende beghinen
zelen tot Kersmisse int jaer van achtentachtentich
naestcomende ende van dair voertaen zelen gedueren
den selven termyn, Elcx jaers vanden voerscreven sesse jaeren
daeraf deen altyt tot Kersmisse daeraf den jersten
termyn van betalingen syn sal tot Kersmisse int jaer
van negenentachtentich naestcomende d sessentzestich
gouden Rynsguldenen, elken van dien tot veertich
grooten Vlaems gelts gerekent sonder eenich wederseggen
Om welke gelooften alsoe volstentelic tonderhouden, Ende
om der meerder zekerheyt den voerscreven weduen ende kynderen
vander cammen daeraf te doen, Soe hebben de voerscreven
Jacop ende Marten de Meester Janne de Poirtere docteur
in medicinen ende meester Bartelmeus Ymbrechts totter
selve weduen ende kynderen behoef daervoer verbonden
alle haer haeffelike goeden waer die bevonden zelen
worden, die sy nu tertyt hebben ende hier namaels oic
hebben ende vercrigen zelen
VII septembris
Katlyne Pauwels
de
Beringen, Hulst. Aert de Groote ende Lysbeth Creyts syn wyf hebben vercocht
Kathelinen Pauwels, Twee gouden Rynsguldenen, elken van dien
tot veertich grooten Vlaems gelts gerekent, erffelix chys Te heffene
altyt opten sevenden dach van septembry Op ende aen der
voerscreven et des voerscreven Aerts ende Lysbetten syns wyfs Twee
cammeren metten gronde etcetera gelegen deen neven dander inde
Nuwestrate tusschen Mathys Waelpoyt erve aen deen zyde
straetken
ende een gemeynen wechst:t; aldair erve aen dander zyde, Op twaelff
scellinge Loevens ende vyfthien scellinge payments daer jaerlicx
voir vutgaende, Ende voertaen op alle dander haer haeffelike ende
erffelike goeden metten gronde etcetera bynnen der staden vryheyt
van Mechelen wesene ende gelegen, die sy nu tertyt hebben ende
hiernamaels oic hebben ende vercrigen zelen. A Domino Mechliniensi, Waranderende etcetera.
VI septembry tempore simile
Jan de Winne wylen
Item Gielis Vysene ende Yde Gillevyns syn wyf hebben
Opgedragen ende overgegeven, tot behoef van vande wiven visen
haerer dochter, Een huys metten gronde etcetera gelegen tusschen den
Ouden ende den Nyeuwen Bruel, opten vlyet, tusschen desselfs
huyse
Gielis ende syns wyfs ander ervest:t;eenst:t; huys
aen dander zyde, dwelke de voerscreven Gielis ende syn wyff, der selver
Bande wiven, haerer dochter, tanderen tyden in behulpe van haeren
huwelike dwelck sy met Peteren van Bethaer haeren man
aengegaen is, gegeven hebben. A Domino Mechliniensi, Waranderende etcetera.
ut supra tempore simile
Jan de Hoeghe
Steynemoelen, Vos. Vande wive Vissen met Peteren van Bethaer haeren
man, heeft vercocht Janne de Hooghe, Twee gouden Rynsguldenen
elken van dien tot veertich grooten Vlaems gelts gerekent erffelicx
chys Te heffene altyt opten thienden dach van septembry Op
ende aen der voerscreven Radewynen huys metten gronde etcetera gelegen
tusschen den Ouden ende den Nyeuwen Bruel opten vlyet, tusschen
der voerscreven vanden wive vander
Gielis Vissen erve aen deen zyde ende Henricx Stoop erve aen
dander zyde. A Domino Mechliniensis, Waranderende. Opte helft van Sesse chysguldenen
erffelic ende van drie chysguldenen lyfpensien staende ten live
van Aerde van Eyke daer jaerlix voir voir vutgaende, Ende op
alsulken last dat tselve huys onderpant is ende bliven sal voir
dander helft vanden voerscreven sesse chysguldenen erffelic ende vander
voerscreven drie chysguldenen lyfpensien gaende jaerlix vut des voerscreven
Gielis Visen huyse voirgenoemde daer alder naest gelegen
X septembry