Blader door transcripties » Stadsarchief Mechelen

archieftoegang 2, inventarisnummer 948, pagina 116

de selve
gheenigen aen dander zyde streckende achterweerts metten
voerscreven plaetsen ende achterhuysen daer een poorte tot inde Beghinne
ende ter zyden waert doer eenen ganck liggende byde voirscreven
Mane tot inde Naustrate. A Domino Mechliniensi. Te besittene op eenen
erffeliken chys van vyfthien pond grooten Brabants gelts
Ende die te betalene altyt tot twee terminen, Te wetene
deen helft daer af tot Kersmisse ende dander helft tot Sinte
Jansmisse daeraf den jersten termyn van betalingen
syn sal, tot Kersmisse naestcomende, Ende opten vorchys
van vier capuynen, Twaelf pond sesthien scellinge payment
hondert achtentwintich oude groote te Turnoyse eenen
halven chysgulden viventwintich scellinge Loevens vier
pond der voerscreven grooten Brabants ende vyf gouden Peters
elken van dien tot sessendertich grooten Vlaems gelts
gerekent erffelic, Ende van viventwintich scellingen
grooten oic Brabants gelts jaerliker lyfpensien, staende
ten live van Henricken van Merende, daer jaerlicx
vutgaende. Behoudelic dien gaeter min oft meer vorch
malcanderen
vut dat zelen de voerscreven Godevaert ende Peter oprichten
ende recompenseren Te wetene voir elken penning dies
min oft meer chys sesthien geliker penningen met
alsulker condicien dat de voirgenoemde Peters vanden Velde
sal moegen lossen ende quiten de voerscreven vyfthien pond grooten
des voirgenoemde chys altyt als hem dat gelieven sal met
drie pond grooten telken male ende niet man ende elck
groete
pond daeraf met sesthien geliker ponden grooten
eens ende met vollen chyse
Assignavit
VIIIa april
Claes Boeyen alias Luy
de
Hoeven, Vos. Willem Cokeroel, doude, heeft Terve gegeven Claes
Boeyen diemen heet Luycx, Een huys metten hove gronde etcetera
gelegen buyten de Kerchofpoorten inde Gortterstrate, tusschen
Jans van Westerhoven erve aen deen zyde Jan Oems erve
aen deen zyde ende Henrix Corens erve aen dander zyde, A conventu
de Lelyendale. Te besittene op eenen erffeliken chys van sesse
scellingen ende sesse penningen grooten Brabants gelts, Ende die
te betalene altyt tot twee terminen Te wetene deen helft
daeraf tot Kersmisse ende dander helft tot Sinte Jansmisse
daeraf den jersten termyn van betalingen syn sal tot Kersmisse
naestcomende, Ende opten voerchys van Twintich pond ende
thien scellingen payments ende eenen chysgulden, daer jaerlicx
vutgaende
Assignavit XIII Rinsgulden eens
I
Borch dale
de kynderen Augusti
^
huers ende syns wyfs
de
Augustyns tSermartens wettich soon van wylen Wouteren
oAugustyn Huens ende Johanne van Axele syn wyff hebben gewilt ende
tSermertens
openbaerlic voir ons geordineert, dat alle haer kynderen alsoe wel meyskens als
knechtkens ende knechtkens als meyskens die sy nu tertyt deen anderen anderen
vercregen hebben ende die sy hier namaels oic deen vanden anderen zelen moegen
vercrigen, evengelyc ende in geliken deele ende porcien hebben houden aenveerden
besitten ende gebruyken zelen alle haer haeffelike ende erffelike goeden boven
gelicx doot vanden selven Augustinen ende Jehannen synen wive haer
ende buyten der stad ende vryheyt van Mechelen wesende ende gelegen, die naer
onderen in eeniger manieren zelen bliven met alsulker condicien oft gebeurde dat
de voirgenoemde haer kynderen knechtkens oft eenich van dien, den voirgenoemde
haeren zusteren inder scheydingen ende deylingen, die naer haerer
voerscreven vaders ende moeder doode van allen haeren voerscreven goeden onder
henlieden gescheden sal, eenigen stoot oft belet daden, in
alsulker manieren, dat sy den selven haeren zusteren inde voerscreven erffelike
goeden buyten de voerscreven vryheyt gelegen niet een verbonden laten
gelyc hen ende inder voerscreven manieren deylen, dat in dien gevalle
de voirgenoemde haer kynderen meyskens, alsoe vele van haerer voirscreven
vaderliker ende moederliker goeden, bynnen der selver
vryheyt wesende ende gelegen daer tegen hebben
houden ende aenveerden zelen, als tgene gedragen sal datmen
hen ongebruykich ende afheydich sal moegen maken
sonder eenich wederseggen, Behoudelic den voerscreven Augustinen
ende Jehannen synen wive haerer volcomender macht om
desen hueren wille ende ordinancie te wederroepen ende te
nyeuwte te doen, tallen tyden als hen dat gelieven
sal
Peter
Jan Stappaert
Pot Retro
Hulst, Vos. Jan vander Hagen man heeft vercocht Janne
Stappaert oic scipman, Sesse scellinge groote Brabants gelts
erffelix chys Te heffene altyt opten vyfthienden dach van
meerte daeraf den jersten termyn van betalingen syn sal
opten vyfthienden dach van meerte naestcomende Op ende aen
des voergenoemde Jans vander Hagen huys metten gronde etcetera
gelegen opte Dele, tusschen een cleyn straetken aldaer, aen deen
zyde ende der v erfgenamen erve van wylen Symoen
Vrancx aen dander zyde. A Domino Mechliniensi, Waranderende. Op neghen Antweesschen
scilde daer jaerst:t; Eenen gouden Rynsgulden Te wetene
veertich groten Vlaems gelts voir dien gerekent erffelic ende
twee gelike gouden Rinsgulden ende jaerliker lyfpensien, daer
jaerlix voir vutgaende
XVIIa augusti