Blader door transcripties » Stadsarchief Mechelen

archieftoegang 2, inventarisnummer 948, pagina 115

dat vierde Schoof
De selve
van Beringen erve aen dander zyde. Item een stuck lants metten
gronde etcetera houdende omtrent sesse hont gelegen aldaer tusschen Jan
van Culixrode erve aen deen zyde ende der weduen ende kynderen erve
van wylen Janne van Stakenbroeck aen dander zyde. Item een stuck
lants metten gronde etcetera houdende omtrent sesse hont gelegen aldaer
opt Cleyn Rot tusschen Wouters van Voesdonck erve aen deen zyde
ende Cornelis van Culixrode erve aen dander zyde. Item een stuck
lants dat oic vierde Schoof is metten gronde etcetera gelegen hen
opt groot tot houdende omtrent thien hont gelegen aldaer
opt Groot Rot tusschen Anthoenis de Borgere erve aen beyde zyde
Ende een stuck lants metten gronde etcetera houdende omtrent vyf hont
ende een half, gelegen aldaer opte Beloken heyde, tusschen der tot
des Heylichs Gheests erve vander prochiekerken van Heffene, aen
deen zyde ende Jans de Cale erve, aen dander zyde. A Domino Mechliniensi. Te bescreven
op eenen erffeliken pacht van drie veertelen Rogs goede ende
ende voer
custbare Mechelscher maten, Ende die te betalene ende te leverene
Altyt tot Sinte Andriesmisse daeraf den jersten termyn van betalinge
syn sal tot Sinte Andriesmisse naestcomende, Ende opten vorchys van
twaelff scellinge payments ende sesse veertelen ende drie vierendeele
van eenen moeken Rogs dair jaerlix vutgaende met alsulker
condicien dat de voirgenoemde Jan van Schore sal moegen lossen ende quiten
de voirgenoemde drie veertelen Rogs des voerscreven pachts altyt als hem
dat gelieven sal met dertich gouden Rynsgulden, elken van
dien tot veertich grooten Vlaems gelts gerekent eens ende met
vollen pachte
Assignavit XX Rinsgulden
VI augusty
Machiels syn
Keyenooge, Vos. De voirgenoemde Katheline de Yswyns der wedue cum tutore
heeft opgedragen haer tocht die sy hadde int vyfstedeel vanden
voerscreven drie veertelen Rogs erffelix pachts de opte voirgenoemde erffelike
goeden metten gronde ende haeren toebehoerten boven bescreven. A Domino Mechliniensi,
dat tot behoef vanden voerscreven Janne Breugelman haeren soon
tot wyens behoef, Jan Breugelman, Herenweve Cornelis
Breugelman ende Anthoenis Moens syne momboiren ierst
daerinne geerft werden, Ende daer naer hebben de selve
Jan Breugelman ende Cornelis Breugelman van des vaders
wegen ende Anthoenis Moens vander moeder wegen als
momboiren ende inden name vanden voerscreven Janne Breugelman
de onder sine jaeren van discrecien wesende dien sy in hen
vervingen vercocht Machiel Yswyn tvoirgenoemde vyfstedeel vanden
voerscreven drie veertelen Rogs des voerscreven pachts dat de selve
Jan hadde opte voirscreven erffelike goeden metten gronde etcetera boven
besten, Waranderende etcetera
ut supra
Marck van Diest
Keynooge, Vos. Katheline van Diest wettige dochter van Marck van Dyest
met Symoen van Zelle, Wouters van Zelle soon haeren man ende
van Dyest weduere van wylen Kathelinen Guedens haeren vader
heeft quytgesconden los vry ende ledich den selven Marck
van allen den haeffeliken goeden die de voirgenoemde Kathelinen
van Dyest byder doot vander voerscreven wylen Kathelinen Guedens
haere moeder ende des voerscreven Marcx haer vaders iersten wive doen
sy leefde in eeniger manieren gebleven ende verstorven moegen syn ende
alle andere dies quitancie behoeven geheelic ende al
II augusty
ende syn wyf
Willem van Beveren
Lange, Dyest. Willem van Beveren ende Margriete sMeyers syn wyf
Seggende dat sy gheen wettige kynderen en hadden, Ende hebben daerom
gewilt ende openbaerlic voer ons geordineert dat de langhstlevende
van hen beyden soe lange die alsdan leven sal paysselic ende vredelic
sal gebruyken alle der haeffeliker ende erffeliker goeden bynnen der
voerscreven stad ende vryheyt van Mechelen wesene ende gelegen, die sy nu
tertyt hebben ende hier namaels oic hebben ende vercrigen zelen
Ende metten selven haeffeliken goeden in synder noot moegen
disponeren ende ordineren, den wederseggen van yemande ende oic den
rechten ende coustumen daeraf ter contrarien onderhouden met
tegenstaende. Behoudelic dien dat alle de voirgenoemde goeden na des
langhstlevende doot vanden voerscreven Willem ende Margrieten synen
wive blivende toecomen ende versterven zelen, haeren gerechten
erfgenamen dien die goeden naden rechte vander voerscreven stad sculdich
zelen syn toe te comene ende te verstervene, onder haere zusteren
ende bruederen, Evengelyc te hebbene ende te deylene, oft den ghenen
dien sy deselve goeden samentlic met testamenten oft anderssins
geven ende maken zelen welke ordinancie wy ende oic Voesdonck
Hoeven Rende, Keyenoeghe ende Vos
onse medescepenen by crachte vanden statute tanderen tyden daer op
gemaect geconfirmeert ende geapprobeert hebben ende by onser
ouden naerder macht confirmen ende approberen, alle argelist vutgescheyden
VIaut
Peter vanden
Velde
Borch, Dyest, Godevaert Palm heeft Terve gegeven Peteren vanden
Velde, alle syn recht actie ende toeseggen dat hy hadde in hen
huys oft woeninghe den Drake geheeten met eenen huyse
daer vast aen staende geheeten den Cleynen Drake ende metten
plaetsen hove ende anderen huysen daer achterstaende metten gebruyken
van eenen borreputte achter thuys de Mane geheeten staende
ende oic metten gronde ende allen anderen zinen toebehoerten dat wylen
des voerscreven Godevaerts broeder
Otten Palm toe plach te hoerene, gelegen aenden Steenwech van
Mechelen, tusschen thuys den Nyeuwen Kelder geheeten toehoerende
Ymbrechten vanden Broeke diemen heet Musch aen deen zyde ende
thuys den Papegay geheeten, toebehoerende Cornelis van