Blader door transcripties » Stadsarchief Mechelen

archieftoegang 2, inventarisnummer 948, pagina 117

Jan van Bennebeke
Borch, Hulst. Katheline van Benenbeke, wettige dochter van
wylen Gheerd van Beyenbeke ende van wylen Rommonden van
Mokelbroeck synen wive heeft openbaerlic voer ons beken
dat heer Jan van Bennenbeke haer neve dueghdelic
gecontenteert vernueght ende gepaeyt heeft van allen
alsulken haeffelikest:t; sommen van penningen ende anderen
haeffeliken goeden, als haer byder doot van wylen Lysbetten
van Neckelbroeck diemen heet Peters wettigen wive
van wylen Mathys van Boven haerer moegen, toecomen
gebleven ende verstorven moegen syn ende als haer deselve
w wylen Mathys met synen testamente gegeven
gelaten ende gemaect heeft, Ende daeraf ende oic van alle
tgene dat de voirgenoemde Katheline den voirgenoemde Janne van Beven
vut zaken van dien in eeniger manieren soude moegen heysschen
heeft deselve Katheline quytgesconden los vry ende ledich den
selven Janne van Bennenbeke ende alle andere dies quitancie
behoeven geheelic ende al
XIII augusty tempore simile
Gielis Cools
Borch, Hulst. Jan van Schotteputte heeft vercocht Gielisen Cools
tot sinen live, Sesse scellinge groote Brabants gelts jaerlick
lyfpensien Te heffene altyt opten jersten dach van julio
op ende aen des voerscreven Jans van Schotteputte huys metten
hove gronde etcetera gelegen op Neckerspoele, tusschen
Lodewycx Bellaert erve aen deen zyde ende der kynderen een
van wylen Wouteren Goeman, aen dander zyde. A Domino Mechliniensis et
A Domino Petro de Herbays milite, Waranderende. Op eenen halven
voir
capuyn ende acht scellinge Loevens dair jaerlix vutgaende
met alsulker condicien dat de voirgenoemde Jan sal moegen los
ende quiten de voirgenoemde sesse scellinge groten Brabants der voerscreven
lyfpensien altyt als hem dat gelieven sal ende elken
scellinge daeraf met thien gelyker scellingen eens en
ve volder lyfpensien
XVIIaAugusty
Henrick van Balen
alias van Molle
de
Lange, Hulst. Henrick de Byn heeft vercocht Henricken van
diemen heet van Molle, Een huys metten hove gronde etcetera gelegen op
Neckerspoele inde Ballemansstrate, tusschen heer Jan Huens
erve aen deen zyde ende der weduen ende kynderen erve van
wylen Janne tSerts aen dander zyde. A Domino Mechliniensi, Waranderende. Op
anderhalven chysgulden ende een pond payments daer jaerlicx
vutgaende
Assignavit XXII Peters eens
XI augusty
Lysbeth Ghevaerts natuerlike dochter van wylen Gielis
Ghevaert wedue van wylen Melschedech vanden Dale met Wouteren
van Duffle diemen heet Berthout haeren man, heeft openbaerlic
voer ons bekent dat sy gehadt ende ontfangen heeft vanden voerscreven
Gielisen Ghevaert haeren vader, de somme van vierhondert gouden
Rynsguldenen, elken van dien tot veertich grooten Vlaems gelts
gerekent, die deselve Gielis der voirgenoemde Lysbetten synder dochtere
tanderen staden
in behulpe van haeren huweliken, die sy metten voirgenoemde wylen
Melschedich, ierst ende daer naer syn doot metten voirscreven Wouter
van Duffle, aengegaen is, toegeseet ende gelooft heeft te gevene
ende te betalene, Ende van haer sommen van vierhondert gouden
Rynsgulden vanden voerscreven pryse ende oic van al tgene dat
de voirgenoemde Lysbeth den voirgenoemde Gielissen haeren vader vut zaken
van dien, oft oic anderssins in eeniger manieren tot desen dage
toe soude moegen heysschen, heeft de selve Lysbeth met haeren
voerscreven man, Quytgesconden los vry ende ledich, den voerscreven
Gielisen Ghevaert haeren vader ende alle andere dies quitancie
behoeven geheelic ende al
Peter Crabbe
Hulst, Keyenoege, Meester Claes van Hansbeke, heeft Terve gegeven
Peteren Crabbe den jongen, Een huys metten plaetsen gronde etcetera
gelegen inde Scheerstrate tusschen der kynderen erve van
wylen Willem ende Henricken Smeets diemen heet Bellens
aen deen zyde ende Sinte Rommonds kerchof, aen dander zyde. A Domino
beneficiatis de Zellaer, Te besittene op eenen erffeliken chys
van sesse gouden Rynsguldenen elken van dien tot veertich
grooten Vlaems gelts gerekent, Ende die te betalene altyt
tot Sinte Jansmisse, Ende opten voerchys van twee
capuynen vyftich scellinge Loevens ende sesse pond payments
dair jaerlix vutgaende
XVIIaaugusty
ende syn wyf
Gielis Boeyenhals
Dyest, Rende Claes Wollebosch, heeft bekent dat hy gehadt ende
ontfangen heeft van Gielis Boeyenhals Jaspars sone ende van
Lysbetten sCranen synen wive, de somme van hondert Rynsgulden elken
van dien tot veertich groten Vlaems gelts gerekent, die de voerscreven Gielis
den voergenoemde Clase vut zaken vanden coope van eenen huyse neven de Veemarct
gelegen, dat de selve Gielis tegen den selven Clase gecocht ende gecregen heeft
tanderen tyden voir scepene van Mechelen bekent heeft sculdich wesene van
welker sommen van hondert Rynsgulden vanden voerscreven pryse, heeft de voerscreven
Claes Wollebosch, Quytgesconden los vry ende ledich, der voerscreven Lysbetten sCranen
tot haeren ende tot des voerscreven Gielis haers mans behoef ende alle andere
dies quitancie behoeven geheetenst:t; geheelic ende al
XI augusty tempore simile