Blader door transcripties » Stadsarchief Mechelen

archieftoegang 2, inventarisnummer 948, pagina 102

Cristoffel van
Woelemont
Pot Retro suo loco
Hulst, Keyenoege, Zeger Feerman ende Jehanne vanden Cruce syn wyff
hebben Terve gegeven Cristoffel van Woelemont, Een
huys metter plaetsen stalle gronde etcetera gelegen inde
Aedegheemstrate tusschen desselfs Zegers ende syns wyfs
huys
ander erve aen deen zyde ende der weduen ende kynderen
erve van wylen Henricken vanden Broeke aen dander
zijde. A Domino Petro de Herbays milite. Te besittene
op eenen erffeliken chys van Sesse gouden Rynsgulden
ende eenen halven, elken van dien tot veertich grooten
Vlaems gelts gerekent, Ende die te betalene altyt tot
Sinte Jansmisse vutgenomen Sinte Jansmisse naestcomendest:t;
Ende sonder last van voirchyse daer jaerlix vutgaende, met
alsulken condicien dat de voerscreven Cristoffel sal moegen
lossen ende quiten, de voirgenoemde Sesse gouden Rynsguldenen ende
eenen halven des voerscreven chys altyt als hem dat gelieven
sal met twee Rynsgulden elken male ende met
min ende elken Rynsgulden daeraf met sesthien geliker
gulden eens ende met vollen chyse, Ende dat de voerscreven
de
Zeger ende syn wyf den haer muer van haeren voirgenoemde
anderen huyse staende aende voerscreven plaetse vanden voirgenoemde vutgegevende
huyse niet moegen en zelen moegen doen maken van dien
nu ter tyt om daer mede dlicht vanden selven vutgegeven
gheender
huyse in eenige manieren te belettene, Ende oic dat de selve
Zeger ende syn wyf ende haer nacomelingen besitten by tyden
van haeren voirgenoemde anderen huyse ende de voerscreven Cristoffel ende
syne nacomelingen besitten by tyden vanden selven vutgegevende
huyse van nu voertaen ten eeuwigen dagen tot gelyken
coste ende laste onderhouden zelen de ghote liggende tusschen
haerer beyder huysen voirgenoemde
X July tempore simile
Laureys de Bruyne
Hulst, Keyenooghe. Henrick Peters heeft vercocht Laureys de Bruyne
Hovenere, Twee huysen metten hove gronde etcetera gelegen buyten
deen neven dandere buyten der Aedegheempoorten inde Rechtstrate
tusschen Jans de Moor erve aen deen zyde ende desselfs Henricx
ander
Peters erve aen dander zyde. A Monialibus, Waranderende. Op drie gouden
Peters elken van dien tot sessendertich grooten Vlaems gelts gerekent
dair jaerlix vutgaende
Assignavit X Peters erffelicx ende
XXIIIa may
Jan de Wolf
Borch, Keyenoege, Jan ende Jacop sBusscoppen gebruederen, hebben vercocht
Janne de Wolff drie gouden Rynsguldenen goede ende gerechte
Te wetene veertich grooten Vlaems gelts voir elken derselver
Rynsgulden gerekent erffelix chys die sy hadden op des
voerscreven Jans de Wolff huys metten gronde etcetera geheeten
tHoefyser gelegen inde Coestrate, aende leste brugghe opte
Heergracht tusschen Machiel Cloets erve aen deen zyde ende de
voerscreven Heergracht aen dander zyde. A Domino Mechliniensi, Waranderende etcetera
Assignavit den denier
XXIII Juny
Gielis de Cock
Hulst, Keyenooghe. Willem Coppen Jans scepman heeft vercocht Gielis de Cock
oic scepman, Een huys metter plaetsen gronde etcetera gelegen opte
Dele tusschen der weduen ende kynderen erve van wylen Gheerden
heet Corthals ende Jans van Wagen haers soons erve aen
aen deen zyde ende der weduen erve van wylen Jan Wagen diemen
dander zyde, streckende achterweerts metter voirgenoemde plaetsen totter
voerscreven weduen ende kynderen Nys erve. A Domino Mechliniensi, Waranderende. Op twintich
ouder groote Turnoyse dair jaerlix vutgaende
Assignavit LXXI Rinsgulden
XV Juny tempore simile
Busscop
Jacop ende Jan
Item. Jan vanden Beke ende Barble van Ghendere diemen heet de
Pottere syn wyff hebben vercocht Jacoppen de Busscop tot sinen ende Jans de
Busscop syns brueders behoef, drie gouden Rynsgulden goede etcetera. Te wetene
veertich grooten Vlaems gelts voir elken de selver Rynsguldenen
gerekent jaerliker lyfpensien, die de voirgenoemde Jan vander Beke, tot
haeren liven ende tot des langhstlevenden live van e hen beyden
hadden, op der voerscreven Jans ende Jacops de Busscop drie gouden Ryns
guldenen vanden voirgenoemde pryse erffelix chys die sy te hebben plagen
op een huys metten gronde etcetera tHoefyser geheeten, dat de
weduen ende kynderen van wylen Everaert de Ka toe plach te hoeren
ende dat nu toebehoert Janne de Wolf, gelegen inde Coestrate
aende leste brugghe, opte Hergracht tusschen de selve Hergracht
aen deen zyde ende Machiel Cloets erve aen dander zyde. A Domino Mechliniensi,
Waranderende etcetera.
ut supra
Aert vanden Scryeke
Item. Jan Weerd ende Jan Gheylinck als proviseurs ende inden
name vander fabriken der prochiekerken van Onser Liever Vrouwen
bynnen Mechelen hebben om des meests orboirs ende chys wille vander
selver fabriken vercocht Aert vanden Scryeke, drie veertelen
Rogs goede etcetera Mechelscher maten, erfpachts die de voirgenoemde
fabrike hadde op des voirgenoemde Aerts stuck lants metten gronde etcetera
houdende omtrent anderhalff vierendeel, gelegen buyten dOversten
Poorte inde Rechtstrate tusschen Joerdaens de Lepelere erve
aen deen zyde ende Jans vander Hoeven erve aen dander zyde
A Domino Mechiniensi, Waranderende etcetera.
ut supra
Margriete Baer
Item. De selve proviseurs inden name als voer hebben
vercocht Magrieten Baers vier gouden Rynsguldenen
elken van dien tot XL groten Vlaems gelts gerekent erffelicx
chys die deselve fabrike hadde opter selve Margrieten
twee huysen metten gronde etcetera gelegen deen neven dander
in Onse Vrouwen strate tusschen Anthoenis Breugelmans erve
aen deen zyde ende der weduen ende kynderen erve van wylen
Willem Jolyns aen dander zyde. A Domino Mechliniensi, Waranderende etcetera
ut supra