Blader door transcripties » Stadsarchief Mechelen

archieftoegang 2, inventarisnummer 948, pagina 101

Jan ende Henrick de Houwe
Hubrecht vanden Poele
ende Peter Ghysbrechts
vanden selven Cornelisen van Rennen gehadt ende ontfangen
hebben van Janne ende Henricken de Houwe gebruederen
ende van Hubrechten vanden Poele, de somme van Sevenenveertich
gouden gulden elken van dien tot twintich groten Vlaems gelts
gerekent, die sy tanderen tyden den voirgenoemde momboiren, tot des
voerscreven Cornelis des soons behoef voer tzoeninck vanden
dootslage gedaen ende geschiet by Peteren Ghysbrechts
inden persoen vanden voerscreven wylen Cornelisen van
Rennen den vader, gelooft hebben tot zekeren overledenen
terminen te betalene, Ende van dier sommen ende oic van
twee hondert Zielmissen ende twee dertichsten, dedest:t;
ende van eenen Holtenen erve byden Bruynen erve gescreven
die de voerscreven Jan ende Henrick de Houwe ende Hubrecht
vanden Poele oic gelooft hebben te doen doen ende te settene
hebben de voerscreven momboren inden name vanden voerscreven
Cornelisen den soon, Quytgesconden los vry ende ledich
den selven gebruederen de Houwe ende Hubrechten tot haeren
ende des voirgenoemde Peters Ghysbrechts behoef ende alle
andere dies quitancie behoeven geheelic ende al
XIX Juny tempore simile
Katheline van Berthem wedue van wylen Anthoenis
Belyanen ende nu ter tyt werttich wyf van Herman, Loeman
met eenen vremden momboir, haer metten rechte verleent
hebbende om tgene te doen metten selven haeren momboir, dat
hier na bescreven staet vanden voerscreven Herman haeren man
volcomen macht gelyc ons dat hy eender procuracien daerop
gemaect ende bezegelt metten zegel ten zaken der stad van
Loeven, claerlic bleke, heeft opgedragen haer tocht dies
hadde inde helft van eenen gouden Rynsgulden Te
wetene veertich grooten Vlaems gelts voir dien gerekent
erffelix chys, Op elfstedeel van eenen huyse metten hove
gronde etcetera Philips vanden Bossche toehoerende gelegen inde
Milzestrate tusschen der taflen des Heylichs Gheests
erve vander prochiekerken van Onser Liever Vrouwen bynnen
Mechelen, aen deen zyde ende heer Willems sCosters priesters
erve aen dander zyde streckende achterweerts metten voerscreven
hove tot inde Nyeuwestrate. A Domino Mechliniensi, Juravit tot behoef van
Janne ende Margrieten Belyanen haeren ende des voerscreven wylen
Anthoenis Belyanen haers ierste mans kynderen dier inne
geerft werden daer naer hebben de voirgenoemde Jan Belyanen
met wille aen haeren
ende Margriete Belyanen syn zuster tuvercocht den voerscreven
Philips vanden Bossche, den voirgenoemde gouden Rynsgulden des
voerscreven chys die sy hadden op tvoirgenoemde elfstedeel vander
voirscreven huyse metten hove gronde etcetera, Ende alle trecht ende
deel dat sy hadden ende hen byder doot van wylen Philips
Steenen ende Janne Belyanen, haeren oems gebleven ende verstorven
is inde drie elfstedeelen vanden selven huyse met
synen toebehoert. A Domino Mechliniensi Waranderende etcetera.
Tconvent van Lelyendale
Lange, Rende. Henrick vander Hagen, heeft vercocht Jannes
Hemelryck als rentmeester ende tot behoef vanden Convente
van Lelyendale staende bynnen den beghynhove van Mechelen
Een pond groote Brabants gelts erffelix chys Te heffene
Altyt tot Sinte Jansmisse vutgenomen Sinte Jansmisse
naestcomende Op ende aen des voerscreven Henricx Twee huysenst:t;
drie huysen metten hoven gronde etcetera gelegen deen neven
dander op Neckpoele inde Rechtstrate tusschen Jans
van Calsterbroeck erve aen deen zyde ende Gheerds van
Benignen erve aen dander zyde, op vier scellinge ende
neghen penninge groten Brabants gelts dair jaerlix voir
vutgaende, Ende op syn twee stucken lants metten
gronde etcetera houdende een luttel min dan vyf vierendeelen
gelegen deen neven dandere byden Nyeuwen Dyck Moelen
tusschen der weduen ende kynderen erve van wylen Herman
van Broechoven aen deen zyde ende Gielis de Vos des ouden
erve aen dander zyde, op drie veertelen Rogs daer
jaerlix voir vuyte. A Domino Mechliniensi, Waranderende etcetera.
Assignavit den XI denier
XX Juny tempore simile
Jehanne Booms
Lange, Rende. Aert Spaen, heeft vercocht Janne Boom tot behoef
van Jehannen Booms synder dochter, Seven scellinge
ouder groote Turnoyse vander munten des conincx van
Vranckeryke erffeliker die hy hadde ende die hem byder
doot van wylen Kathelinen Bellens synder moeyen gebleven
ende verstorven syn opte voerscreven stad van Mechelen vallende
jaerlix voer deen helft opten vierden dach van
Januario ende voer dander helft opten vierden dach van
julio, gelyc da den brief daer op gemaect ende bezegelt
Merten grooten zegel vanden voerscreven stad dat clairliker
vutwyst ende begrepen heeft Ac Renunciavit et promisit
Waranderende ut in forma, Ende tot desen heeft Henrick de
lange, een der rentmeesters vanden voerscreven stad behoudelic
derselve stad daerinne haeren rechte syn consent gegeven
ut supra tempore simile