Blader door transcripties » Stadsarchief Mechelen

archieftoegang 2, inventarisnummer 948, pagina 103

France Vrients
goidshuys
Hulst, Vos. Broeder Laureys van Pudegheem profes des comendest:t;
sy vanden Augustinen staende inder stad van Loevene, hebbende
om tgene te doen dat hier na beset eenen staet vanden prioer
ende gemeynen convente des voirgenoemde goidshuys volcomen macht
gelyc ons dat by eender procuracien daer op gemaect ende
bezegelt metten gemeynen zegel desselfs goidshuys claerlic
bleeck, heeft vercocht Francen Vriends, Twee gouden Ryns
guldenen Te wetene veertich grooten Vlaems gelts voir elken
der selver Rynsguldenen gerekent van een vier gelyken
Rynsguldenen neghen groeten ende eenen halven Brabants gelts
erffelix chys die de voirgenoemde broeder Laureys heeft op des voerscreven
Francens huys metten hove gronde etcetera de Sterre geheeten
gelegen buyten de Neckerspoelpoorte aende Brugge aldaer
in Sinte Jans prochie tusschen de Heergracht aen deen
zyde ende dwater vanden Vestbergen aen dander zyde
streckende achterweerts metten voerscreven hove tot byde Blocpoorte
A Domino Mechliniensi, Waranderende etcetera.
ut supra tempore similest:t;
XVII Juny
Jan Woutiers
Item. De voirgenoemde France Vriends heeft vercocht Janne
ve Wouters Beckere, Twee gouden Rynsguldenen
elken van dien tot veertich grooten Vlaems gelts gerekent
erffelix chys Te heffene altyt tot Sinte Jansmisse daerop
ende aen des voirgenoemde Francens huys metten hove gronde etcetera
de Sterre geheeten boven gescreven. A Domino Mechliniensi, Waranderende. Op vier chysgulden
Sesse gouden Rynsgulden vanden voirgenoemde pryse ende vierentwintich
groten Brabants gelts dair jaerlix voir vutgaende
ut supra
name van hen
selven ende oic inden name
van Anthoenis van
Voesdonck een
brueder absent wesen
dien hy in hen vervingen
Jan de Moldere
Hulst, Vos. Wouter van Voesdonck heer rentmeester van deser stad ende
heeft Terve gegeven Janne de Moldere droeghscheerdere
Een huys metten hove gronde etcetera gelegen inde Blocstrate
tusschen desselfs Jans de Moldere erve aen deen zyde ende
Lucien tSermartens erve aen dander zyde. A Domino Mechliniensi. Te besittene
op eenen erffeliken chys van vier gouden Rynsgulden elken
van dien tot veertich groten Vlaems gelts gerekent, Ende die
te betalene altyt tot twee terminen Te wetene deen helft
daeraf tot Kersmisse ende dander helft tot Sinte Jansmisse
daeraf den jersten termyn van betalingen syn sal tot Kersmisse
naestcomende, Ende opten voerchys van dertich scellinge
payments daer jaerlix vutgaende, Om welke vier
gouden Rynsguldenen des voerscreven chys alsoe te betalene
Ende onder meerder zekerheyt den voirgenoemde Wouteren ende
Anthoenisen van Voesdonck daeraf te doene, Soe heeft
de voirgenoemde Jan de Moldere, den selven Wouteren van Voesdonck
tot sinen ende tot des voerscreven Anthoenis van Voesdonck syns
broeders behoef daer voer verbonden ende tonderpande geset
syn huys metten hove gronde etcetera gelegen inde voirgenoemde
de selve
Blocstrate, tusschen tvoerscreven vutgegeven huys aen deen
zyde ende Magrieten sCosters erve aen dander zyde, Op
viventwintich scellinge Loevens daer jaerlix voir vutgaende
XXVI Juny tempore simile
Jan vanden Rode
ende syn wyf
Hulst, Vos. Gregoris vanden Holze, heeft vercocht Janne vanden
Pre aen
Rode ende Kathelinen sGreven synen wive alle trecht ende deel
dat hy hadde ende hem byder doot van wylen Willem vanden Hole
synen oem gebleven ende verstorven is, in Een huys metten
hove ende metten rechte van eenen weghe tot eenen putte ende
oic metten gronde etcetera gelegen inde Oeverstestrate over de
Corenmarct tusschen Willems de Neve erve aen deen
zyde ende Adriaens Tack, by erve aen dander zyde. A Domino
Barbara Schooff, Waranderende etcetera. Opten last van chyse daer jaerlicx
vutgaende
Assignavit V Peters eens
XXVII Juny tempore simile
Gielis de Rave
Hulst, Vos. Margriete Gheertssoons diemen heet doude met
Rommond Quistwatere, haeren man heeft Terve gegeven
Gielis de Rave, Een huys metten hove gronde etcetera gelegen
inde Lange Scipstrate tusschen der weduen erve vanst:t; ende
kynderen erve van wylen Laureys de Hertoge aen deen zyde
ende der weduen ende kynderen erve van wylen Henricken vanden
Hornicke, aen dander zyde. A Domino Mechliniensi. Te besittene op eenen
erffeliken chys van vyf gouden Rynsguldenen elken van
dien tot veertich grooten Vlaems gelts gerekent, Ende die
te betalene altyt tot Sinte Jansmisse, Ende opten voerchys
van vyfthien oude groote Turnoyse ende vyf chysguldenen
dair jaerlix vutgaende met alsulker condicien dat de
voirgenoemde Gielis de voerscreven vyf gouden Rynsgulden des voirgenoemde
chys sal moegen lossen ende quiten altyt als hem dat
gelieven sal met twee Rynsgulden te male ende elken
Rynsgulden daeraf met sesthien geliker gulden eens ende met
vollen chyse
Assignavit Rinsgulden X denier
XXI juny tempore simile
Jan Crabbe
van Yndevelde
Borch erghe, Katheline van Tyelen wedue van wylen Jan Goes endest:t;
tutore heeft opgedragen haer tocht die sy hadde in Een huys mettenst:t;
plaetsen gaende al tvierendeel van eenen huyse metter
plaetsen gronde etcetera gelegen inde Coestrate tusschen Aert Coemans
voerscreven ende haeren kinderen anderen huyse
erve aen deen zyde ende der weduen erve van wylen Janne
diemen heere, aen dander zyde. A Domino Mechliniensi, Juravit tot
behoef van Matheeus van Yndevelde haeren sone dier ierst
inne geerft wardt, Ende daer naer, heeft deselve Matheeus
vercocht Janne Crabbe, vierendeelst:t; tvoirgenoemde vierendeel ende alle
trecht dat hy hadde int voirgenoemde huys metter plaetsen gronde etcetera
Waranderende op sesse pond payments ende tweentwintich scellinge
Loevens vuten voirgenoemde huyse metter plaetsen ende vuter selve voirgenoemde
weduen ende kynderen Coemans anderen huyse voirgenoemde jaerlix gaende
supra tempore simile