Blader door transcripties » Stadsarchief Mechelen

archieftoegang 2, inventarisnummer 948, pagina 100

Jan de Lange ende Meester
Pauwels wylinck
alias van Wezele
Dyest, Keyenoege, Jan Mast wettich sone van wylen Janne Mast
heeft vercocht Janne de Lange wettich soone van Henricken
de Lange voer deen helft ende Meester Pauwels wylinck
diemen heet van Weyele, tot sinen behoef ende oic tot behoef
van Barblen Mast synder huysvrouwen ende des voerscreven Jans
hadde
zuster, Een huys dat een verwere ende dat den voirgenoemde
wylen Janne Mast toeplach te hoerene, met eender
cammeren vast aen tselve huys staende ge ende oic metten
gronde etcetera gelegen over de Zacbrugghe opte Dele
tusschen deselve Dele aen deen zyde ende de Vetterstrate
aldaer aen dander zyde, Ende twee andere huysen daeraf
deen oic is een verwere, die oic den voirgenoemde wylen Janne
Mast toe plagen te hoeren, metten gronde etcetera gelegen deen
neven dander inde voerscreven Vettersstrate tusschen tvoirgenoemde jersten
huys oft verwere, aen deen zyde ende thuys den Torf geheeten
toehoerende Henricken vanden w Wyere aen dander zyde
comende achterweerts totter voerscreven Delen, Ende noch een
huys metten hove gronde etcetera dat oic den voerscreven wylen
Janne toe plach te hoeren gelegen inde selve Vertterstrate
heeren
tegen deselve twee huysen over tusschen Gregorys van
Rumpst priesters erve aen deen zyde ende Jan Thys erve
aen dander zyde. A Domino Mechliniensis, Waranderende. Opte weerde van
Sesse pond ende thien scellingen groten Brabants gelts dair
jaerlix vutgaende. Behoudelic dien bewynen in
toecomenden tyden datter min chys vutgaet dat
dien zelen de voirgenoemde coepen sculdich syn den voirgenoemde
Janne Mast weder te heeren ende te restitueren ende
voer elken penning dies min chys tweentwintich
geliker penningen
X Juny
Denys Crabbe
Item. Jan Bake, wettich soon van wylen Bartelmeus
Bake voer deen helft ende Jacop Bake syn brueder voer
dander helft hebben vercocht Denys Crabbe wege
sone van Peteren Crabbe, Eenen calchoven die
wylen Willem Boydens toe plach te hoerene, met eender
plaetsen daer neven ende oic metten gronde ende alle
anderen sinen toebehoerten, gelegen buyten den Wykete
van Mechelen tusschen Rommonds Pomperlinck Calchove
aen deen zyde ende Thomaes Belyen huys ende hof aen
dander zyde comende achterweerts aen eenen bogaert
den selven Thomaes toebehoeren. A Domino Mechliniensis, Waranderende.
opten weerde van twaelff scellingen acht penningen
groeten ende achtien myten Brabants gelts daer jaerlicx
vutgaende
X Juny tempore simile
Jan Bake
Dyest, Keyenoeghe, de voirgenoemde Denys Crabbe, heeft bewesen den
voirgenoemde Janne Bake, neghen gouden Rynsgulden
ende eenen halven elken van dien tot veertich grooten
Vlaems gelts gerekent, erffelix chys Te heffene
Altyt tot twee terminen Te wetene deen helft daeraf
tot Kersmisse ende dander helft tot Sinte Jansmisse daeraf
den jersten termyn van betalingen syn sal tot Kersmisse
naestcomende, Op ende aen den valchoven met een
voerscreven toebehoerten, Waranderende ut supra met alsulker condien
dat de voirgenoemde Denys sculdich sal syn te quitene ende te lossene
de sesse gouden Rynsguldenen vanden voirgenoemde neghen
gouden Rynsgulden ende eenen halven des voerscreven chys
totten terminen hier na volgende Te wetene den eenen
Rynsgulden daeraf van Sinte Jansmisse nu
naestcomende, over een jaer daer na volgende Ende
van voertaen tot elken Sinte Jansmisse alsdan deen
na dander terstont vervolgende, eenen Rynsgulden
tot dier tyt toe dat de voirgenoemde Sesse gouden Ryns
gulden des voerscreven chys geheelic ende al gequeten
zelen syn ende elken gulden van dien met sesthien
eens
gelike guldenen ende met vollen chyse
supra tempore simile
Jacop Bake
Item. De selve Denys heeft bewesen den voirgenoemde
Jacopen Bake, elf gouden Rynsgulden elken van
dien tot veertich groten Vlaems gelts gerekent
erffelix chys Te heffene altyt totten voirgenoemde twee
terminen, Op ende aen synen voirgenoemde Calchoven met
synen voirgenoemde toebehoeren. A Domino Mechliniensi, Waranderende. ut supra
ut supra tempore simile
Item. Matheeus ende Jan van Rennen gebruederen, Henrick
van Achele diemen heet vander Straten, als momboiren ende
inden name van Cornelisen van Rennen wylen Cornelis
van Rennen soon ende der voirgenoemde gebruederen van Rennen
brueder doen hy leefde hebben bekent dat sy tot behoef