Blader door transcripties » Stadsarchief Mechelen

archieftoegang 2, inventarisnummer 949, pagina 94

de selve
vanden Zyekenlieden erve aen deenst:t; ende des goidshuys
van Seven borren erve aen deen zyde ende desselfs huys
vanden Ziekenlieden, wylen Rommonds van Baerdegheem
stuck lants metten gronde etcetera houdende omtrent vyff
ende Jans van Laken erven aen dander zyde. Item een
vierendeel gelegen aldaer op tvoerscreven velt, tusschen des
voerscreven wylen Rommonds van Baerdegheem erve aen deen
zyde ende des voerscreven huys vanden Zyekenlieden erve aen
dander zyde comende achterweerts metten eenen eynde tot aen
des huys van Pytsenborch ende heer Joes van Ghestelle
Ridders erven aen toe, Ende een stuck lants metten gronde
ecetera gelegen inde prochie vanst:t; houdende omtrent een vierendeel
luttel min oft meer gelegen inde prochie van Muysene opte
Werfheyde, tusschen des voerscreven heer Anthoenis vander Aa
ander erve aen deen zyde ende Jan Goeyheers des ouden
ende Jan Ramonts diemen heet int Paradys erve aende
aen dander zyde comende metten eenen eynde tot aen des
gasthuys erve van Onser Vrouwen bynnen Mechelen
gelykerwys ende in alle der manieren wylen Henrick
Goeyheers, de voirgenoemde drie stucken lants in hueringen
behouden plach. A Domino Mechliniensi, Waranderende sonder eenigen last
van chyse oft tanderen commer daer jaerlix vutgaende
de
XIII decembry tempore simile
Henrick Smet
I
Yngelram, Keyenoege, Jan van Orssagen wylen Jans soon heeft vercocht
Henricken Smet sesse moeken Rogs goede ende custbare
Mechelscher maten erfpachts die hy hadde op een stuck
lants metten gronde etcetera toehoerende Jacoppen Cas, gelegen
tot Oudegheem, tusschen desselfs Jacops ander erve aen
beyde zyden. Item eenen chysgulden erffelix chys die hy
hadde op eenen hof, Een huys metten hove gronde etcetera
dat wylen Aert vanden Damme diemen heet van Beneden
toeplach te hoerende ende dat nu synder weduen ende
kynderen toehoert gelegen achter tconvent vanden minderbruederen
inde Mossestrate tusschen der selver weduen ende kynderen anders
erven aen beyde zyden, Ende derthien pond payments gemeynlic
ganck hebbende erffelix chys, die hy hadde op twee huyse
oft cameren metten hoven gronde etcetera toehoerende Mathys tSermaren
Lobbens erve aen deen zyde ende des voerscreven Mathys tSermertens
gelegen buyten de Zantpoirte by trant tusschen Aert
ander erve aen dander zyde. A Domino Mechliniensis, Waranderende etcetera.
Assignavit XXIIII Peters eens
supra tempore simile
Wouter Bollens
Keynoege
Ingeleet ende Jans Baert priester heeft vercocht
Wouteren Bollens, Twee gouden Peters elken van dien tot
sessendertich groten Vlaems gelts gerekent van synen vier
geliken gouden Peters erffelix chys die hy heeft op des
voerscreven Wouters huys metter plaetsen gronde gelegen, over
de Veemarct van Mechelen inde Keyserstrate, tusschen Jans
Gielevoerts ende synder kynderen erve aen deen zyde ende Claes
de Dryvere erve aen dander zyde. A Domino Mechliniensi, Waranderende etcetera.
Assignavit den XVI denier
XXI novembry tempore simile
Adriaen
Pauwels
Voesdonc, Yngelram. Jan de Rende onse medescepen heeft vercocht Adriaen
Pauwels, Sesse chysguldenen erffelix chys die hy hadde
op des voerscreven Adriaens huys metter plaetsen de Vetterie geheeten
gelegen inden Vettersham in Sinte Rommonds prochie tusschen
Gielis Meerman erve aen deen zyde ende Jans vander Heyden erve
aen dander zyde. A Domino Mechiniensi, st:t; streckende achterweerts totten vlyete
toe. A Domino Mechliniensi, Waranderende etcetera.
Assignavit den XI denier
Xa decembris
Rommonde
Caluwaert
Eyken Keyenoege, Giels de Brueder ges endest:t; Jan de Weendt gesworen
Triestram van Eelwyt ende Henrick van Beringen als
busmeesters vander aelmoessen bussen vanden ambachte vanden
Barbiers bynnen Mechelen hebben inden name ende om des
meestes orboirs ende proffyts wille vander selver aelmoessen bussen
vercocht Rommonden Caluwaert, Sesse scellinge groote Brabants
gelts erffelix chys die de voerscreven aelmoessen busse hadde op desst:t;
opte helft van eenen huyse metten hove gronde etcetera die
Janne vander Eyken, Hubrechts vander Eyken sone toe plach
tehoerene ende die nu den voerscreven Rommonden toebehoert gelegen
inde Hanswycstrate tusschen Jan Stiblots diemen heet
Mande erve aen deen zyde ende der taflen des Heylichs
Geests erve vander prochiekerken van Onser Liever Vrouwen
bynnen Mechelen, aen dander zyde. A Domino Johanne vander
Aa, Waranderende etcetera.
Assignavit den denier
XIII decembris
Gheertruyt van
Persschot
Item. Jan van Haren ende Jan Marchant, als proviseurs
ende inden name vander taflen des Heylichs Gheests vander
prochiekerken van Onser Liever Vrouwen bynnen Mechelen
wille vander selver taflen vercocht Gheertruyt van
hebben inden name van om des meests orboirs ende profyts
verschiet, Een pond groote Brabants gelts erffelix chys
die de voerscreven tafle hadde opte selver Gheertruyden helft
van eenen huyse metten hove gronde etcetera gelegen opte
Tyechelrie tusschen Ostens de Bock erve aen deen zyde ende
wylen Wallaren Gommaers erve aen dander zyde. A Domino Mechliniensi,
Wande etcetera
Assignavit den XXVI denier
ut supra