Blader door transcripties » Stadsarchief Mechelen

archieftoegang 2, inventarisnummer 949, pagina 93

Idem
elcx jaers vanden voerscreven sesse jaeren altyt tot twee
terminen, Te wetene deen helft daeraf tot Onser
Liever Vrouwen dage puerlicacio ende dander helft
tot Paesschen daeraf den jersten termyn van betalingen
syn sal tot Onser Liever Vrouwen dage puerlic
nu naestcomende, tzestich gouden Rydders, Te wetene
sesse scellinge ende neghen penninge groote Brabants
gelts voir elken der selver Rydders gerekent, Ende
tot elken vanden selven Paesschen eenen goeden vetter
havel met alsulker vorweerden, oft gebeurdenst:t; oft den
voirgenoemde Zegeren, Jacoppen, Aerde ende Willeme bynnen deen
voirgenoemde haeren jaerscharen inde voerscreven haer thiende
eenige schadde gebeurde het ware van Blickene
ongehuere wedere oft van volke van wapenen dat
tvoirgenoemde goidshuys henlyeden deselve haerschade
oprichten ende recompenseren zelen gelyc haer gebueren
haeren thiendeners dat plegen te doene behoudelic den
dat deselve thiendeners de voerscreven haer schade die hem
in dien gevalle gebeuren soude moegen sculdich zelen
syn den voirgenoemde goidshuyse te ledigen ende de weten
daeraf te doene, bynnen eender maende tyts naer
dat de selve schade gebeurt sal syn, oft anders
souden sy deselve schade sonder last vanden voerscreven
goidshuyse selve moeten dragen
Xa decembris
Katlyne van Bouwe
Idem. Marten ende Lambrecht Borremans gebedenst:t;
Katheline, Jehanne ende Heylwych Borremans alle
kynderen wylen Jan Borremans, hebben Quytgesconden
los vry ende ledich Kathelinen van Louwe haerer moeder
van allen den haeffeliken goeden, die henlieden byder
doot van st:t; vanden voerscreven wylen Janne Borremans
haer vader die der voerscreven Kathelinen van Louweert
man was doen hy leefde in eenige manieren gebleven
ende verstorven moegen syn ende alle andere dies
quitancie behoeven, geheelic ende al
ut supra tempore simile
Anthonis de
Borgere
Voesdonc, Lange. Katheline Esscherycx wylen Claes Esscherycx dochter
met Henricke Gheerds haeren man voir een helft, Ende Pasquyne
Esscherycx der voerscreven Kathelinen zuster cum tutore voir dander helft
hebben vercocht Anthoenis de Borgere van Heffene, de helft van Eenen
stuck lants metten gronde houdende int geheele een vierendeel gelegen
tot Heffene aen tSchotelaet, tusschen de Broecstrate aen deen zyde
aldair
ende desselfs Anthonis erve aen dander zyde. A Domino Mechliniensi, Waranderende. Op achtien
scellinge payments, daer vutgaende
Assignavit X gulden Ryns
X decembris
de
Jan de Cale
de
gesusteren, ut supra
Voesdonck, Lange, de selve hebben vercocht Janne de Cale van Heffene
de helft van eenen stuck beempts metten gronde etcetera houdende int
geheele een vierendeel, gelegen te Heffene inden Amerbeempt tusschen
wylen jouffrou Margrieten Doemdaeghs ^ aen deen zyde ende des voerscreven
Jans de Cale beempt, aen dander zyde. A Domino Mechliniensi, Waranderende. Op achtien scellinge
payments daer vutgaende
Assignavit
ut supra
Heer Anthoen vanden
Aa Ridder
Yngelram, Keyenooge, Katheline Wulverick, wettige dochter van Rommonde
Willem met Gielis vander Gracht diemen heet van Aelst heeftst:t;
haeren man heeft opgedragen ende overgegeven vut zaken van wysselingen voir
ander erffelicheyt, tot behoef van heer Anthoenis vander Aa
der scouter van Mechelen vander voerscreven stad van Mechelen
Twaelff veertelen Rogs goede ende custbare Mechelscher maten
elken veertele daeraf op twaelf penningen naest den besten
erffelix pachts die de voirgenoemde Katheline hadde op tvierendeel
ende alle t recht van eender hoeven oft woeningen metten hove
bogaerde gronde etcetera houdende omtrent drie vierendeel geheeten
tHof van Barbleghem tot Barblegheem gelegen. Item op
tvierendeel ende alle recht van omtrent negenthien buendere
wynnens lands oft meer. Item op tvierendeel ende alle t recht
van omtrent elff buenderen broeclands ende wegen. Item
op tvierendeel ende alle trecht van twee buenderen beempts
ende van omtrent drie vierendeelen beempts geheeten deen
ham, Ende op tvierendeel ende alle t recht van omtrent vyf
buenderen wynnende lands ende van eenen buender beempts dat
helft wynninge es metten gronde ende haeren toebehoirten al
oic tot Barblegheem ende daer omtrent gelegen ende der
voerscreven hove van Barblegheem toehoerende. A Domino Mechliniensi, Waranderende etcetera.
XII decembry
Hane
Peter Wulveris
Item. De voirgenoemde heer Anthoenis vander Aa, heeft oic opgedragen
ende overgegeven vut zaken van wysselingen voir zekere
erffeliken pacht van twaelff veertelen Rogs, tot behoef vander
voerscreven Kathelinen Wulverix een stuck lants metten gronde etcetera
houdende omtrent sesse vierendeel gelegen opst:t;tot
Gheerdegheem op Gheerdeghemervelt tusschen des huys