Blader door transcripties » Stadsarchief Mechelen

archieftoegang 2, inventarisnummer 949, pagina 95

Jacop vanden
hove
Eyken, Keynooge, Marten van Hassche diemen heet Smout heeft
Terve gegeven Jacop vanden Hove, Twee huysen oft
woeningen metten hove gronde etcetera gelegen inde Aedegemstrate
tusschen des voerscreven Jacops vanden Hove erve aen deen
zyde ende Cristoffels van Schalken erve aen dander zyde
A Domino Mechliniensis. Te besittene op eenen erffeliken chys van Eenen
pond ende eenen scellinge groote Brabants gelts, Ende
die te betalen altyt opten derthienden dach van
decembry, Ende opten voirchys van negen scellingen
grooten Brabants gelts dair jaerlix vutgaende. Behoudelyc
dien gaeter min vute dat sal den voirscreven Marten te bate
comen met alsulker condicien dat de voerscreven Jacop tvoirscreven
tpond ende eenen scellinge groote Brabants sal des voerscreven
chys sal moegen lossen ende quyten tot twee malen ende
elken penninge daeraf met sesthien geliker penningen
ende met vollen chyse
Assignavit II Rinsgulden erffelicx
den XVI denier
XIII decembry
Jan vander
Hoeven
Item. Jan vander Nuwermoelen, doude heeft vercocht
Janne vander Hoeven, drie gouden Peters elken van dien
tot sessendertich grooten Vlaems gelts gerekent erffelicx
chys die hy hadde op des voerscreven Jans vander Hoeven
huys metten hove gronde etcetera gelegen buyten der
Oeverstepoirten, tegen den borreputte aldaer over tusschen
Jan Maes erve aen deen zyde ende desselfs Jans vander
Hoeven ander erve aen dander zyde. Item op desselfs
Jans stuck lants oft blocx metten gronde etcetera houdende
omtrent een halff buender gelegen aldaer, inde strate
aldaer men gaet ten huyse vander Ziekerlieder weert
tusschen des voirgenoemde Jan Maes erve aen deen zyde ende
een cleyn straetken aldaer aen dander zyde, Ende op desselfs
Jans vander Hoeven stuc lants oft blocx metten gronde etcetera
houdende omtrent anderhalf buender, gelegen buyten der
voirgenoemde poerten inde Moelenstrate tusschen des voerscreven
Jan Maes erve, aen deen zyde ende Peter Caluwaerts
erve aen dander zyde. A Domino Mechliniensi, Waranderende.
Assignavit den XXVI denier
ut supra
Jan de Vos
ende
Eyken, Ingelram. Gheerd de Wechtere doude heeft vercocht
Janne de Vos wylen Gielis soon, vyfthien chysguldenen
erffelix chys die de voirgenoemde Gheerd hadde op twee huysen metten
hove gronde etcetera den selven Janne toehoerende, gelegen deen
neven dander inde Corte Ridderstrate tusschen Augustyns de
Marien aen deen zy ende Cornelis Yngelram erve aen
dander zyde. A Domino Mechliniensi, Waranderende etcetera.
Assignavit den XVI denier
XII decembris
Jan Esschericx
Eyke, Yngelram. Marie van Verssele wedue van wylen Willem
Lymbrechts cum tutore heeft opgedragen haer tocht die sy hadde
in twaelf chysguldenen erffelix chys op op een huys
oft woeninge metter plaetsen gronde etcetera, toebehoerende Janne
Esschericx, gelegen inden Ham in Sinte Rommonds prochie tusschen
Peter Caluwaerts erve, aen deen zyde ende Jans vander
ende Willems vander Heyden gebruederen erve aen dander zyde. A Domino Mechliniensi,
juravit tot behoef van heer Lodewycken p Hubrechts priester een
van R Loven, Marten ende Margrieten Ymbrechts haeren kynderen
tot welke heer Lodewyck, Loy ende Marten Ymbrechts tot
haeren ende toter voirgenoemde Magrieten haer zuster ierst daen
geerft werden, daer naer hebben de selve heer Lodewyck
Loy ende Marien Ymbrechts inden name van hen selven ende oic
inden name vander voerscreven Margrieten Ymbrechts haerer zuster
absent wesen, die sy in hen vervingen vercocht den voirgenoemde
Janne Esscherix de voerscreven twaelf chysgulden des voerscreven
chys die sy hadden opt voirgenoemde huys oft woeninge
metter plaetsen gronde etcetera boven gescreven, Waranderende etcetera
Assignavit den XXVIII denier
te
ut supra
Jan Waes
et uxore
Eyke, vuyte. Margriete vanden Venne heeft vercochtst:t; wedue
van wylen Janne Halfbuender, cum tutore heeft vercocht
Janne Weens spellemaker ende Lysbetten vander Poorten
zinen wive drie gouden Rynsguldenen elken van dien tot
veertich grooten Vlaems gelts gerekent erffelix chys
die de voerscreven Margriete hadde opte voerscreven Jans ende
Lysbetten syns wyfs huys metten hove gronde etcetera gelegen
over de Coremarct van Mechelen tusschen Jan Cranaerts
erve aen deen zyde ende Jans van Hanswycke erve aen
dander zyde, A conventu de Lelyendale, Waranderende etcetera.
Assignavit den XVI denier
XV decembry
de selve synden
Idem. De voirgenoemde Jan Weens ende Lysbeth syn wyff
hebben gewilt ende openbairlic voir ons geordineert dat
alle haere kynderen alsoe wel meyskens als knechtkens
ende knechtkens als meyskens die sy nu ter tyt deen
vanden anderen vercregen hebben ende hier namaels oic
deen vanden anderen zelen mogen vercrigen, evengelyc
ende in gelyken deele ende porcien hebben houden aenveerden