Parcourir les transcriptions » Archives de la ville de Malines

accès aux archives 2, numéro d'inventaire 949, page 8

vanden voerscreven drie gouden Peters des voirgenoemde chys, bynnen
sesse jaeren tyts nu naest toecomende, Ende dander twee
Peters desselfs chys sal deselve Joes moegen lossen
ende quiten altyt als hem dat gelieven sal met eenen
Peter te male ende elken Peter daeraf met sesthien
gelike Peters eens ende met vollen chyse daervoir te betalen
Assignavit ende VI denier
III aprilis tempore simile
als de Delst
Gielke vander Grecht
Heffene, Eyke. Symoen Pauwels heeft vercocht Gielis vander Gracht
diemen heet van Aelst, Twee gouden, Eenen gouden Ryns
gulden goet, Te wetene veertich grooten Vlaems gelts
voir dien gerekent, Te heffene altyt opten vyfthienden
dach van Augusto, daeraf den jersten termyn van betalingen
syn sal opten vyfthienden dach van Augusto naestcomende
op ende aen des voerscreven Symoens stuck beempts metten
gronde etcetera houdende omtrent een halff buender gelegen
tot Gheerdegheem in Gheerdeghemerbroeck, tusschen
jaerlicxst:t; heer Anthoenis vander Aa Ridders erve aen deen zyde des huys vander Ziekerlieden
velt aende derde zyde
erve aen dander zyde ende Barblegen. A Domino Mechliniensi, Waranderende. Op twee gelike Ryns
gulden daer jaerlix voir vutgaende met condicien dat de
voerscreven Symoen sal moegen lossen ende quiten de voirgenoemde
Rynsgulden des voerscreven chys altyt als hem dat gelieven
sal met sesthien gelyker gulden eens ende met vollen
chyse
Assignavit den XI denier
supra tempore simile
Machiel de Crane
Heffene, Keyenooge, Margriete vanden Blare, wedue van wylen Janne
de Beere, cum tutore heeft opgedragen haer tocht die sy hadde inde
helft ende in tderdedeel vander ander helft van eenen huyse
metter plaetsen gronde etcetera de Lelye geheeten, gelegen over
de Grootbrugge opte Corenmarct ende opten hoeck vander
Rogbeecstraten tusschen deselve strate aen deen zyde ende
jouffrou Barblen Schoofs erve aen dander zyde. A Domino Mechliniensi, Juravit tot
behoef van Machiel de Cramere dier haer inne geerft
waerdt
ut supra tempore
Deselve
Item. Gielis de Bere heeft vercocht den voerscreven Machiel
de cramere, tsestedeel dat hy hadde inde helft ende
in tderdedeel vander ander helft vanden voirgenoemde huyse
metter plaetsen gronde etcetera boven bescreven. A Domino Mechliniensi, Waranderende. Op
Sesse chysguldenen ende eenen halven, ende elf pond acht scellinge
gouden
payments erffelic ende drie Peters elken van dien tot
sessendertich groten Vlaems gelts gerekent lyfpensien vuten
voerscreven geheelder helft ende tderdedeel vanden ander helft
vanden voerscreven huyse met synen voirscrevenst:t; plaetsen jaerlix gaende
Assignavit XII Rinsgulden eens
ut supra
Margriete vanden
Lare
Heffen, Keyenoege, de voerscreven Machiel de Cramere heeft bewesen der voirscreven
Magrieten vanden Lare, tot haeren live, drie gouden Ryns
gulden elken van dien tot veertich groten Vlaems gelts
gerekent jaerlike lyfpensien Te heffene altyt opten vierden dach
van April, op ende aen syn voerscreven sestedeel vanden voirgenoemde helft
ende vanden voerscreven derdendeele vanden voerscreven ander helft vanden
voirgenoemde huyse metter plaetsen gronde etcetera, Ende op alle dander
syne haeffelike ende erffelike goeden metten gronde etcetera bynnen
de wesen ende gelegen die hy nu tertyt heeft ende hiernamaels
oic hebben ende vercrigen sal. A Domino Mechliniensi, Waranderende. Opten voirscreven chys
ende lyfpensie vuten voerscreven geheelen helft ende tderdedeel vanden ander helft
vanden voerscreven huyse metten plaetsen jaerlix voir vutgaende
IIII aprilis tempore simile
Lambrecht Dammans
te die sy hadden
op een huys metsen
Lambrecht Damman
toebehoerten
toebehoerende opt
Corenmarct van
Mechelen opten
hoeck van Onser
Vrouwen strate
aldaer gelegen
Eyken, Keyenoege, Lysbeth vanden Zende met Janne Wouters haeren man
ende Barble vanden Zuerde haer zuster, hebben gecort voer ons
geconfirmeert gelaudeert ende van weerden gehouden alsulken
vercoop van vier vyfstedeelen vander helft van tzestich
oude groote Turnoysen erffelix chys als Katheline vanden Zende
met Gheerd Deens haeren man ende Jan Storm wylen Jan Storms
soon inden name van hen selven ende oic inden name vander
voerscreven Lysbetten ende Barblen vanden Zende die daerinne
vervangende, opten vyfthienden dach van meerte lestleden
voer scoet ende scepene van Mechelen gedaen hebben
den voirgenoemde Lambrechten, gelyc dat byden scepenen brieve daer op
gemaect claerliker blyct, Ende hebben voert de voirgenoemde Lysbeth
met haeren voerscreven man ende Barble haer zuster gelooft voir hen
haer hoir ende nacomelingen dat sy dien vercoop ende oic
tveerthien ende gelooften van waerscapen daeraf van haeren
wegen gedaen vast gestentich ende van goeder weerden ter
eeuwigen dagen houden zelen sonder daer tegen tot
eenigen tyde te seggen te doen oft te comen in eeniger
manieren
VI aprilis
de kynderen Daems
Heelt, Cale. Margriete Daems wettige dochter van wylen
Willem Daems ende van wylen Yngelberten Daems
synen wive, cum tutore, heeft opgedragen ende overgegeven
tot behoef van Janne, Lysbetten ende Kathelinen Daems
wettigen kynderen van wylen Janne Daems, die
der voerscreven Magrieten broeder was doen leefde, alle
alsulke haeffelike ende erffelike goeden metten gronde etcetera
bynnen der stad ende vryheyt van Mechelen wesende
ende gelegen, als der voirgenoemde Magrieten byder doot
vanden voerscreven wylen Willem ende Yngelberten synen
wive haeren vader ende moeder in eenige manieren
moegen
gebleven ende verstorven syn. A Domino Mechliniensi, Waranderende etcetera.
Gheerd vander Belen ende Willem Daems tot selver kynderen behoef
worden daerinne geerft
VIaaprilis