Blader door transcripties » Stadsarchief Mechelen

archieftoegang 2, inventarisnummer 949, pagina 7

inde voirgenoemde goeden, Op alsulken condicie, oft gebeurde dat de
voirgenoemde Barble Tymmaer storve sonder wettich hoir van haeren
gecomen
live vercregen, achter haer te laten, dat in dien gevalle
alle de voirgenoemde goeden toecomen bliven ende versterven zelen
op Barblen ende Marien Lymmaer haeren zusteren van haer
voerscreven vaders wegen, onder hen beyden evengelyc te hebben
ende te deylen den wederseggen van yemande niet tegenstaende
XI may tempore simile
Barble ende
Marie Lyman
Heffene, Yngelram. De selve Jan Lymmaer heeft opgedragen ende overgegeven tot
behoef van Barblen ende Marien Lymmaer wettigen kynderen vanden voerscreven
lesten
wylen Peteren Lymmaer ende van Lysbetten Gielevoerts synen wive synen
nichten de erffelike goeden metten gronde ende haeren toebehoerten hierna
bescreven, ierst Twee huysen metten hove gelegen deen neven dander
inden Gulden Bodem tusschen Aerts van Morchoven erve aen deen
zyde ende Janne Ghorys erve aen dander zyde. Item Een huys
gelegen inde Nokerstrate tusschen Jan Puetens erve aen deen zyde
ende Jans van Westerhoven erve aen dander zyde. Item anderhalve
veertel Rogs erfpachts die hy hadde, op een stuck lants metten
gronde etcetera toebehoerende Cornelis vanden Vekene gelegen tot Hombeke
opten Holtenen driesch, tusschen Jans van Yetegheem erve aen
deen zyde ende der weduen ende kynderen erve van wylen Janne vander
Eyken aen dander zyde, Ende twee chysgulden erffelix chys die hy hadde
op een huys metten hove gronde etcetera toehoerende Janne van Elssche gelegen
buyten der Oeverste poirten tegen tdrincsel aldair over tusschen
A Domino Mechliniensi, Waranderende. Opten chys dair jaerlix vutgaende. Behoudelic den voirscreven
Janne Lymmaer paysselicst:t; synder tocht paysselic ende vredelic syn leven
langh geduerende te gebruykene inde voirgenoemde erffelike goeden, op alsulken
condicien oft gebeurde dat eenich van dien zusteren storve sonder wettich
hoir van haeren live gecomen achter haer te laten, dat alsdan alle de
voirgenoemde goeden toecomen ende versterven zelen opten langhstlevende
van hen beyden ende oic op Barblen Lymmaer haerer zuster van haers
voerscreven vaders wegen onder hen beyden evengelyc te hebben ende te deylen
den wederseggen van yemande niet tegenstaende
ut supra tempore simile
et aly
Barble Lymmaer
Item deselve Jan Lymmaer, heeft gewilt ende openbairlic voir ons voir
synen vutersten wille geordineert ende begeert dat Barble Hermans wettige
dochter van wylen Peteren Lymmaer ende van wylen Barblen Lauwers
synen wive ende oic Barble ende Marie Tymmaer, wettige kynderen vanden
voirgenoemde wylen Peteren Tymmer ende van Lysbetten Gielevoerts synen lesten
wive daengelyc ende in gelyken deele ende porcien hebben houden aenveerden
ende besitten zelen alle sine haeffelike goeden waer die bevonden zelen
worden die na syn doot boven syne wettige sculden costen van vutvaerden
ende boven de legaten ende makingen in eeniger manieren bliven ende overschiet
zelen de selve Barble, Barble ende Marie Lymmaer dair inne ve gerecht
ende eenige erfgenamen noemende ende instituerende den wederseggen
van yemande, ende oic den rechten vander voerscreven stad dairaf ter contrarien
onderhouden niet tegenstaende
ut supra
Clement Nuwelaet ende Jan van Woeluwe vanst:t;
wylen Willems soon
Cordewagene van svaders wegen, Jan Platte borre ende Jan van
Woeluwe
Katlyne Platte
Borsse
Heffene, Mol, Clement Nuwelaet ende Jan van Woeluwe wylen
Willems van Woeluwe soon van svaders wegen Jan Plattenborge ende
Jan van Woeluwe wylen Ostens van Woeluwe soon vander moeder
wegen als momboiren ende inden name van Kathelinen Nuwelaet
wylen Aert Nuwelaet ende Kathelinen Plattebore syns wyfs
wettige dochter onder haere jaeren etcetera wesende die sy in hen vervingen
hebben Quytgesconden los vry ende ledich den voerscreven Kathelinen
Nuwelaet weduen derde Platenbors weduen vanden voirgenoemde
wylen Aert Nuwelaet ende der voerscreven Kathelinen Nuwelaet
moeder van allen den haeffeliken goeden die der selver Kathelinen
de dochter, byder doot vanden voirgenoemde wylen Aert haeren
vader ende de voerscreven Kathelinen der weduen man doen hy
leefde in eeniger manieren, gebleven ende verstorven moegen syn
ende alle andere dies quitancie behoeven
XI may tempore simile
Jacop Wyncke
Heffene, Wyele, Katheline Boydens, wylen Godevaerts dochter, heeft
Quytgesconden los vry ende ledich, Jacoppen Wyncke weduere van
wylen Lysbetten Boydens van allen den haeffeliken goeden die der
selver Kathelinen Boydens, byder doot vander voirgenoemde wylen
Lysbetten Boydens haerer zuster ende des voerscreven Jacops wive
doen sy leefde in eeniger manieren gebleven ende verstorven moegen
syn ende alle andere dies quitancie behoeven, geheelic ende al
XIII tempre simile
Magriete Gheer
Heffene, Yngele, Willem vanden Venne van svaders wegen Reyner
de Leeuw ende Anthoenis Gheens vander moeder wegen als
momboiren ende inden name van Peteren ende Janne vander
Venne oft annos die wesendest:t; wylen Henrix vanden
Venne kynderen onder haer jaren van discrecien wesende die
in by bywesene nochtan vanden selven Peteren ende oic
by bywesene ende volcomen consente van Janne van Beringe
commoingmeester van deser stad in hen vervingen, hebben
Quytgesconden los vry ende ledich, Margrieten Gheens
wylen Jacops dochter weduen vanden voerscreven wylen Henrick
ende der voerscreven Peters ende Jans vanden Venne moeder
van allen den haeffeliken goeden, die den selven kynderen
byder doot vanden voerscreven wylen Henricken haeren vader
der voerscreven weduen man doen hy leefde in eeniger manieren
gebleven ende verstorven moegen syn ende alle andere dies quitancie
behoeren
ut supra