Blader door transcripties » Stadsarchief Mechelen

archieftoegang 2, inventarisnummer 949, pagina 88

Meester Lambrecht
van Thienen
Borch toehoeren ende Meester Anthoenis Hoots endest:t; Jan Picot
priesterst:t;st:t; bynnen
Mechelen ende Symoen Roebosch capellaen, der kerken van
Sinte Rommonds bynnen Mechelen priester als executeurs
ende inden name vander execucien vanden testamente ende
vutersten wille van wylen heer Rommondst:t; Houwen zyde, oic
priester ende Canonick doen hy leefde vander selver kerken
hebben om des meests orboirs ende proffyts wille vander
selve execucien vercocht Meester Lambrechten van
Thienen beneficiaet van Zellaer inder selver kerken
Een huys metten hove gronde etcetera gelegen inde Kerchofstrate
tusschen Joes Vrancx erve aen deen zyde ende Peters de Cleyn
erve aen dander zyde, Op eenen chysgulden vier ponden
payments ende de weerde van elff groten Brabants gelts
daer jaerlix vutgaen. A Domino Mechliniensi, Ende twee huysen metten
hove gronde etcetera gelegen deen neven dander inde Lange
Byest tusschen des voerscreven Peters de Clere erve aen deen
zyde ende des voerscreven Joes Vrancx erve aen dander zyde
op sesse chysguldenen, twee pond payments ende vier
gouden Rynsguldenen elken van dien tot veertich groten
Vlaems gelts gerekent dair jaerlix vutgaende. A Beato
Rumoldo, Waranderende. Opten voerscreven chys ende noch op vier gouden
Rynsgulden vanden voerscreven pryse daeraf de twee
Rynsgulden gelaten syn byden voerscreven st:t; wylen heer
bouden, by met synen voerscreven testamente gemaect ende
gelaten syn, de tzestich gebrueders vanden voerscreven sone
Rommonds kerken, om daer mede desselfs wylen hen
Bouwens jaergetyde, altyt als dat vallen sal inde
selve kerken te doene ende te celebrere vuter voirscreven
drie huysen met haeren voerscreven toebehoirten alnoch jaerlicx
vutgaende
V decembry
Jan vander Groeck
als meye
Heffene, Heelt. Meester Peter Ymbrechts inden name van Linte
Ymbrechts synen neve absent wesende die hy in hem verving
hebbende deselve Meester Peter vanden voirscreven Luctel synen neve
vutgene te doene dat hier na volght volcomen macht
gelyc ons dat by eender procuracien daer op gemaect
ende bezegelt metten gemeynen zegele des scependom van
Steynaert gebleken is, heeft Terve gegeven, Janne
vander Groelst diemen heet de Meyere, Een huys oft
de selve
woeninge tHoefyser geheeten mst:t; plaetsen hoven stallen ende
anderen huysen daer by ende achterstaende ende oic metten gronde ende
allen anderen synen toebehoerten, dat wylen Peteren Ymbrechts des
voerscreven Luceels vader toe te behoeren plach ende dat den selven luttel
by synder doot toecomen ende verstorven is, gelegen over de
Coremarct inde Hooghstrate tusschen een erve geheeten deen
Bruynen vaert Janne Crabbe barbier toebehoerende aen deen zyde
ende Jans vanden Venne Plattynmakers erve aen dander zyde
streckende achterweerts met eender poorte tot opten Gansdriesch
ende oic met drie anderen huysen tot inde Penningstrate. A Domino Mechliniensi,
Te besittene op eenen erffeliken chys van negen pond grooten
Brabants gelts, Ende dien te betalene altyt tot Sinte Jansmisse
daeraf den jersten termyn van betalingen syn sal van Sinte Jansmisse
naestcomende over een jair dair naer volgende, Ende opten voirchys
vander weerden van vyff scellingen grooten Brabants gelts
ende opten last vanden van eender bekender langen te houden hangende
in Sinte Jacops Cappelle staende byder Oeverster poerten van deser stad
die te lossene staet voir tzestich Rynsgulden eens dair voir
jaerlix vutgaende met alsulker condicien dat de voerscreven Jan vander
Groelst sal mogen lossen ende quiten de voerscreven negen pond grooten
Brabants gelts altyt als hem dat gelieven sal, te wetene met
dertich scellingen grooten Brabants tot elken male ende nietmin
ende elken penning daer af met sesthien geliker penningen
eens ende met vollen chyse
Assignavit
de
Jouffrou Lysbeth
van Steyleman
Eyke, Keynooge, de voirgenoemde Jan vander Groelst heeft vercocht Peteren
jouffrouwen
van Steynemoelen tot behoef van Peteren van Steynemoelenst:t;
Lysbetten van Steynemoelen synder zuster, Achtien gouden Ryns
guldenen elken van dien tot veertich grooten Vlaems gelts
gerekent erffelix chys Te heffene altyt opten sevenden
dach in decembry Op ende aen des voirgenoemde Jans huys oft
woeninge tHoefyser geheeten metten gronde ende allen synen
toebehoerten boven bescreven. A Domino Mechliniensi, Waranderende. Opte weerde van
vyff scellingen grooten Brabants gelts ende opten last vander
voerscreven beruender langen te houden hangende in Sinte Jacops
capelle, die te lossen staet voir tzestich Rynsgulden eens ende
oic op negen pond der voerscreven groten Brabants dair jaerlicx
voir vutgaende met alsulker condicien dat de voerscreven Jan
de voerscreven Achtien gouden Rynsgulden des voirgenoemde chys
sal moegen lossen ende quiten altyt als hem dat gelieven
sal met sesse Rynsgulden, telken male ende elken
Rynsgulden daeraf met sesthien gelyker gulden eens
ende met vollen chyse
Assignavit XV denier
VI decembry tempore simile