Blader door transcripties » Stadsarchief Mechelen

archieftoegang 2, inventarisnummer 949, pagina 89

Jan de Roevere
Lange, Eyke. Jan van Nuwermoelen, doude ende Jan Reyers
diemen heet Delssenere, als proviseurs ende inden name vander
taflen des Heylichs Gheests der prochiekerken van Sinte Peters
bynnen Mechelen hebben om des meests orboirs ende profyts
ende twintich scellinge payments erffelix chys, die de voerscreven
wille vander selver taflen vercocht Janne de Roevere
acht chysguldenen ende tvierendeel van eenen geliken chysgulden
tafle des Heylichs Gheests hadde op des voerscreven vier huysen
metten hoven gronde etcetera daeraf de drie der voirgenoemde Janne
de Roeve ende tvierde Janne Genoets toebehoeren, gelegen
deen neven dander opten Berthoutshof, tusschen eenen wel
aldaer aen deen zyde, des voerscreven Jans de Roevere erve
aen dander zyde ende Cornelis wyfst:t; van Culixrode erve
aende derde zyde. A Domino Mechliniensi, Waranderende etcetera.
Assignavit
VII decembris
Lange, Eyke. Jastine van Boxhem met Rommond van
Afscheyde haeren man, heeft vercocht Sebastiaen vander
Venne, Een huys dat twee woeningen syn metten hove
gronde etcetera dat de voirgenoemde Paesschyne niet lange geleden
voir scult vutgewonnen ende ten hooghsten ende meester
pryse ter vierscharen van deser stad vercocht heeft
gelegen inde Aedeghemstrate, tusschen der voerscreven
Paesschinen ander eenen aen beyde zyde. A Domino Mechliniensi, Waranderende. Opten
chys dair jaerlix vutgaende
ut supra
Item. De voirgenoemde Sebastiaen de vanden Venne, heeft
vercocht Gregoris de Vaddere, tvoirgenoemde huys dat twee
woeningen syn metten hove gronde etcetera boven gescreven. A Domino
Petro de Herbeys milite, willen die pastine van Boxhem
metten voerscreven Rommond van Afscheyde, geloven salst:t; gelooft
heeft, opte weerde van derthien scellingen sesse penningen
de
grooten Brabants gelts dair jaerlix vutgaende
ut supra
Assignavit II Peters erffelicx den XVI denier
Item. De voirgenoemde Gregoris de vadere heeft bewesen
der voerscreven Pastinen van Boxhem drie gouden Peters elken
van dien tot sessendertich groten Vlaems gelts gerekent
erffelix chys Te heffene altyt tot Kersmisse vutgenomen
Kersmisse nu naestcomende Op ende aen syn voirgenoemde huys metten
hove gronde etcetera boven gescreven. A Domino Petro de Herbeys milite
Waranderende. ut supra
ut supra tempore simile
de drie contracten
syn, by consente van
allen den partien dat
inne genoemt te
nyente gedaen ende
scheert mits
dien dat ten tyde
datmen dese goedingen
ende men met
geken en hadden
tweeck vanden vier
dair ut de selve
goedinge geschiet
souden syn opten
XXVIen dach van
decembry anno XV
naest aen
ende syn verset haer
male opten selve
dach
alias Smout
Marten van Hasselt
#
de
Lange, Beke. Aert Cleynaert heeft opgedragen ende overgegeven
tot behoef van Marten van Hasselt diemen heet Smout
Twee huysen oft woeningen metten hove gronde etcetera
gelegen inde Aedegheemstrate tusschen Jacops vanden Hove
erve aen deen zyde ende Cristoffels van Schalken erve, aen dander
zijde. A Domino Mechliniensi, Waranderende. Opten last ende commer dair jaerlicx
vutgaende
VIIasupra
Jan Boeyenhals
Lange, Cortryke Denys Sanders cuypere, heeft vercocht Janne
Boeyenhals, Twee gouden Peters ende eenen halven, elken van
dien tot sessendertich grooten Vlaems gelts gerekent erffelicx
chys die hy hadde op des voerscreven Jans helft van Eenen
huyse metten hove ende met eenen stuck lants daer
aen liggende ende oic metten gronde etcetera houdende tsamen
ende int geheel, seven vierendeel luttel min oft meer gelegen
buyten der Bruesselpoerten inde Rechtstrate tusschen
der weduen ende kynts erve van wylen Denys Sanders
aen deen zyde ende Jans van Specht erve aen dander zyde
streckende achtweerts totter selver weduen endest:t; Sanders ende
haerer dochter erve toe. A Domino Johanne vander Aa, Waranderende.
Assignavit den XXVI denier
zyde
VII decembris
De selve
Lange, Cortrycke
Lange Lysbeth Sanders wylen Gielis dochter met Claes vanden
Rode haeren man heeft vercocht den voirgenoemde Janne
Boeyenhals, Twee gouden Peters vanden voirgenoemde pryse
erffelix chys die sy hadde opte helft vanden voerscreven huyse
metten gronde ende synen toebehoerten boven gescreven. A Domino
Johanna vander Aa, Waranderende etcetera.
Assignavit den XVI
ut supra
de selve
Lange, Corteryke. Marie Beys wedue van wylen Denys Sanders
cum tutore heeft opgedragen haer tocht die sy hadde in sesse
scellinge groten Brabants gelts erffelix chys, opte helft vanden
voirgenoemde huyse metten gronde ende allen synen voirscreven
toebehoirten. A Domino Johanne vander Aa, Juravit tot behoef van
Lysbetten Sanders haer dochter dier ierst inne geerft wardt
daer naer heeft de selve Lysbeth met Henricken
Wischaven haeren man vercocht den voerscreven Janne Boeyenhals
de voirgenoemde sesse scellinge groten Brabants gelts des voerscreven chys
die sy hadde opte voirscreven helft vanden voirgenoemde huyse met
synen voirscreven toebehoerten, Waranderende etcetera.
Assignavit den XXVI denier
supra tempore