Blader door transcripties » Stadsarchief Mechelen

archieftoegang 2, inventarisnummer 949, pagina 87

Jan de Hooge ende
Laurette Bake
als Staes erve
Coke, Keynooghe. Katheline van Bergheem wettige dochter van wylen
Henricken van Berghen met Rommond de Smet haeren man heeft
vercocht Lauretten Bake diemen heet Staes, tot haeren ende
chys die de voerscreven Katheline hadde ende haer inder scheydingen
Jans de Hooge haers mans behoef, Sesse gouden Rynsguldenen
elken van dien tot veertich groten Vlaems gelts gerekent erffelicx
ende deylingen, tanderen tyden, tusschen haer ende haeren zusteren geschiet
aengescheyden ende aengedeylt syn te hebbene, op een huyse st:t;
cameren metten hove gronde die wylen Janne van Dyepenest:t;
ende Barblen Bake, op wylen Jans van Dyepenbeke ende
Barblen Bake diemen heet Staes zyns wyfs vier huysen oft
cammen metten hove gronde etcetera gelegen deen neven dander
inde Augustynstrate tusschen Jans de Wilde erve aen
deen zyde ende Claes aldair aen dander zyde. Item op haerlieden
huys metten hove gronde etcetera gelegen in Sinte Kathelinen
strate, over de leste brugghe, tusschen Jan Steylaerts erve
ende Willems de aen deen zyde ende Willems vander Beke erve
aen dander zyde. Item op haerlieder huys dat twee
woensteden syn metten gronde etcetera gelegen inde voerscreven
Sinte Kathelinen strate by tkerchoff aldaer, tusschen tselve
kerchoff aen deen zyde ende Barblen Bessem erve aen dander
zyde. Item opte voirscreven Jans de Hooge ende Lauretten
die hebben
zyns wyfs drie chysguldenen erffelix chys ^ op een
huys geheeten tcloecken metten hove gronde etcetera toehoerende
Augustyn Huyghs gelegen inde voerscreven Sinte Kathelinestrate
tusschen wylen Alexanders van Os erve aen deen zyde ende
Jans van Steenssele erve aen dander zyde. Item
wile
halven chysgulden desselfs chys die de voerscreven Jan
vande. Item opte voerscreven wylen Jans van Dyepenbeke
ende Barblen syns wyfs anderhalven chysgulden oic
den hebben
erffelix chys die op een huys metten gronde etcetera
dat wylen bruederen Janne van Steenbroeck begaert toe plach
te hoerene, gelegen inde Begaertstrate tusschen Jans van
Ballembeke erve aen deen zyde ende Alydt Lelybooms erve
aen dander zyde, Ende voertaen op alle dander desselfs
wylen Jans van Diepenbeke ende Barblen Staes Bake syns
wyfs haeffelike ende erffelike goeden metten gronde etcetera
bynnen te wesene ende gelegen, die sy hadden ende namaels
hebben ende vercrigen ende. A Domino Mechliniensi, Waranderende etcetera
Assignavit den XXVI denier
V decembris
Idem Triestram van Eelwyt ende Lysbeth van Eelwyt
syn zuster met Janne van Turnout haeren man, hebben vercocht
Janne van Rymenam vier chysguldenen erffelix chys die
Jan van Rymenam
sy hadden op des voerscreven Jans huys metten hove plaetsen
vetterien gronde etcetera gelegen inden Vettersham, tusschen desselfs
Jans van Rymenam ander erve aen deen zyde ende wylen Henricx
van Kathelinen van Lanchem erve aen dander zyde. A Domino Mechliniensi,
Waranderende etcetera
Assignavit XVI denier
ut supra
Adriaen Wolle
Bosch
Heffene, Cale. Barble Wollebosch wylen Henricx Verbollebosch
dochter cum tutore, heeft vercocht Adriaen Wollebosch haeren
brueder de helft van eenen huyse metten hove gronde etcetera
daeraf dander helft den selven Adriaen toebehoert gelegen inde
Schermoelblocstrate tusschen wylen Gielis vanden Dycke
erve aen deen zyde ende Wouter Thisens erve aen dander
zijde. A Domino Mechliniensi, Waranderende. Opten last ende commer daer jaerst:t; daer jaerlicx
vutgaende
Assignavit XXIIII Peter eens
V decembry
Meester Ypolite de
Berthel
Heffene, Cale. Willem Trabukier, heeft vercocht Meester Ypolite
de Berchof, vyfthien gouden Rynsguldenen elken van dien
tot veertich grooten Vlaems gelts gerekent erffelix chys
Te heffene altyt tot Kersmisse vutgenomen Kersmisse nu
naestcomende, op ende aen des voerscreven Willems huys oft
woeninge metter plaetsen hove gronde etcetera gelegen inden
Nyeuwen Bruel opten hoeck vander jerster Vleeschouwerstraten
tusschen deselve strate aen deen zyde ende Claes van Breen
erve aen dander zyde streckende achterweerts tot inde
tweede Vleeschouwersstrate. A Domino Mechliniensi, Waranderende etcetera.
Assignavit
ut supra
Aa Ridder
Heer Anthoen vander
Heelt, Eyke. Heer Jan vander Straten priester Canonick der
kerken van Sinte Rommonds bynnen Mechelen heeft vercocht
heer Anthoenis vander Aa Ridder schoutet van Mechelen
drie gouden Rynsguldenen erffelix chys die hy hadde op
ende aen alle ende yegewelke desselfs heer Anthoenis
haeffelike goeder ende erffelike goeden metten gronde etcetera
hadde
bynnen wesende ende gelegen die hy heeft ende namaels
hebben ende vercrigen sonde. A Domino Mechliniensi, Waranderende etcetera.
Assignavit den XVI
ut supra
Aert van
Morchoven
Borch, Eyke. Heer Henrick Tucbake priester heeft vercocht
Aerde van Morchoven, drie chysguldenen erffelix chys
Jan Ghorys erve aen deen zyde ende Henrix vander Stappen
die de voirgenoemde heer Henrick hadde op des voerscreven Aerds
huys metten hove gronde etcetera gelegen inde Zeelstrate tusschen
erve aen dander zyde. A Beato Rumoldo, Waranderende etcetera
Assignavit den XI denier
X decembry