Blader door transcripties » Stadsarchief Mechelen

archieftoegang 2, inventarisnummer 949, pagina 86

Rommont Radu
ende Magriete vander
Mingelen
Rommond Radewaert ende
infirmarien vercocht Margrieten vander Mingelen, drie
gouden Rynsguldenen elken van dien tot veertich grooten
Vlaems gelts gerekent erffelix chys die de voerscreven infirmarien
hadde op des voerscreven Rommonds helft van eenen huyse oft
Herbergen den Valck geheeten metten hoven plaetsen stallen
gronde etcetera gelegen opte Veemarct van Mechelen tusschen
thuys de Styne geheeten toehoerende Cornelisen Francois aen
deen zyde ende der gulden erve vanden cleynen Voetboghe
bynnen Mechelen, aen dander zyde streckende achterweerts met
eender poerten tot opte Aenslagershergracht, Ende op deen
voerscreven Margrieten huys metten hove gronde etcetera gelegen inden
Ouden Bruel, tusschen Kathelinen Raduwaert des voerscreven Rommonds
natuerliker docht erve aen deen zyde ende wylen Jans
van Aken kynderen huys aen dander zyde. A Domino Mechliniensi, Waranderende etcetera
Assignavit den XI denier
stade
infra et
Heffene, Borch, de voirgenoemde Rommond Raduwaert, heeft by bywesene ende
volcomen consente van Kathelinen Raduwaert synder natuerlike
dochter ende van Rommond Pieraerts des selve haeren man vercocht
den voirgenoemde proviseurs totter voerscreven infirmarien behoef, vier
gouden Rynsguldenen elken van dien tot veertich groten Vlaems
gelts gerekent erffelix chys Te heffene altyt opten jersten
dach van decembry Op ende aen des voerscreven Rommonds helft
vanden voirgenoemde huyse oft herbergen den Valke geheeten
metten gronde etcetera boven bescreven, Waranderende. Opte weerde van
Twee pond veerthien scellingen groten Brabants gelts vuten
voirscreven geheelen huyse oft herbergen jaerlix voir vutgaende
Assignavit den XI denier
ut supra
Katlyne Raduwarts
Item. De voirgenoemde Rommond Radewaert heeft opgedragen
ende overgegeven tot behoef vander voerscreven Kathelinen Raduwaert
synder natuerliker dochter, syn helft vanden voerscreven huyse
oft herbergen den Valck geheeten metten gronde ende allen
haeren toebehoerten boven bescreven. A Domino Mechliniensi, Waranderende. Opten chys daer
jaerlix vutgaende. Behoudelic der voerscreven Rommonden de
synder tocht paysselic ende vredelic syn leven lange geduerende
te gebruykene inde voerscreven helft vanden selven huyse oft
Herbergen met allen synen voerscreven toebehoirten
ut supra
Rommont Radus
Item. De voirgenoemde Katheline metten voerscreven Rommond Pieraerts
haeren man heeft Quytgesconden los vry ende ledich den voerscreven
Rommonden Radewaert haer vader van allen alsulken gelooften als
haer deselve Rommond haer vader tanderen tyden in behulpe
van haeren huwelike dat sy metten voerscreven Rommonden Pieraerts
haeren man, aengegaen is, gedaen, heeft ende alle andere dies
quitancie behoeven geheelic ende al
X
Jan Bouwens
Ingelram, Cale. Jouffrou Katheline van Maldere beghyns cum tutore
heeft opgedragen ende overgegeven tot behoef van Jan Bouwens
Beckere, Een huys de Rave geheeten metter plaetsen gronde
etcetera dat den selven Janne Bouwens toe plach te hoerene ende dat
van Barbier totter voerscreven jouffrou Kathelinen behoef, tanderen
tyden voir achterstelligen chys die deselve jouffrou Katheline
daerop heeft wettelic vutgewonnen ende verreyct heeft gelegen
byde Vischmerct van Mechelen ende byden vlyete aldaer, tusschen
thuys Wynendale geheeten, toehoerende den ambachte vanden
Vleeschouwers inder stad van Mechelen, aen deen zyde ende
thuys den Milden Marten geheeten toehoerende den kynderen van
wylen Henricken Gommaer aen dander zyde, streckende achterweerts
totter selver kynderen erve. A Domino Mechliniensi, Waranderende etcetera. Behoudelic der selve
jouffrou Kathelinen daerop haeren chyse ende allen anderen dien
voir ende na chys op hebben
prima decembry tempore simile
Peter Stocman
Lange, Yngelram. Katheline Torrekens wettige dochter van
wylen Rouwen Torrekens met Bernaerd Moelepas haeren
man, heeft vercocht Peteren Stocman, anderhalve veertele
Rogs goede in Mechelscher maten erfpachts Te betalen
ende te leveren tot desselfs Peters huyse bynnen Mechelen
Altyt tot Kersmisse vutgenomen Kersmisse naestcomende
Op ende aen alle ende gegewelke, der selver Kathelinen
erffelike goeden metten gronde bynnen der staden
vryheyt van Mechelen gelegen, die haer byder doot
vanden voirgenoemde wylen Bouwen haeren vader, toecomen
gebleven ende verstorven. A Domino Mechliniensi, Waranderende etcetera.
Assignavit XIX Peters eens
ut supra tempore simile
Jan de Hooge
Voesdonck, Lange. Jacop Bake heeft vercocht Janne de Hooghe thien
scellinge groote Brabants gelts erffelix chys, die de voirgenoemde Jacop
hadde opte helft van Twee huysen metten hove gronde
toehoerende Henricken vander Heye, gelegen deen neven dander
zyde ende Willems van Ghestelle huys aen dander zyde. A Domino Mechliniensi,
byden Haverwerff opte Dele tusschen Jan Vydts erve aen deen
Waranderende. Opte weerde van vier scellingen grooten Brabants gelts
vuten voirscreven twee geheelen huysen metten hove jaerlix voir
vutgaende
Assignavit den XI denier
II decembry