Blader door transcripties » Stadsarchief Mechelen

archieftoegang 2, inventarisnummer 949, pagina 82

op des voerscreven Cornelis huys metten hove gronde etcetera
gelegen inden Vettersham byde Heymeysbrugge tusschen
den vlyet aldaer, aen deen zyde ende Henricx Meermans
erve aen dander zyde. A Domino Mechliniensi, Waranderende etcetera. A Domino Mechliniensi, Waranderende.
Schooff, Waranderende etcetera.
Assignavit den XVI denier
XX novembris
Machiel vanden
Broeke
Borch, Eyken, Henrick van Erpe heeft vercocht Machiel
vanden Broeke, Twee guldenen van Florencien goeden
ende gerechte oft de weerde daeraf erffelix chys die de
voerscreven Henrick hadde op des voerscreven Machiels twe huys
dat twee cameren plagen te zine metten gronde etcetera
gelegen inde Scriverstrate tusschen desselfs Machiels
ander erve aen deen zyde ende Claes Bellens ende Machiels
Quaeypeters erve aen dander zyde. A Domino Mechliniensis, Waranderende etcetera.
Assignavit den X denier
ut supra tempore simile
Jan Corthals
Item. Cornelis van Orssagen heeft vercocht Janne Wagen
diemen heet Corthals syn vierendeel dat hy hadde van eenen
ouden schilt weert wesende sesse scellinge sesse penningen grooten
Brabants gelts erffelix chys die hy hadde op des voerscreven
Jans huys metter schueren hove lande gronde etcetera
houdende tsamen, anderhalff vierendeel, gelegen tot Heffene
byde Zenne, tusschen desselfs Jans ander erve aen deen
zyde ende de fabeke erve vande prochiekerken van
Heffene ervest:t; aen dander zyde. A Domino Mechliniensi, Waranderende etcetera
Assign
ut supra tempore simile
Jan van Orssagen
Item. De selve Cornelis heeft Terve gegeven Janne
van Orssagen synen brueder, Twee huysen metten hove schueren
ende duyfhuyse gronde etcetera houdende onderen een half
buender gelegen buyten de Hanswycpoorten, by teringe aldaer
tusschen wylen Henricx Bernaerts kynderen erve aen deen zyde
A Domine han vander Aa
ende Henrix van Streke erve aen dander zyde. Te besittene
op eenen erffeliken chys van twee pond groten Brabants gelts
Ende die te betalen altyt tot Kersmisse vutgenomen Kersmisse
nu naestcomende ende opten voerscreven voirchys van drie vanden
weerden van vyfthien scellingen groten Brabants gelts ende
sesse deenen Rogs Mechelsch maten erfpachs, dair jaerlicx
vutgaende, met alsulker condicien, dat de voerscreven Jan
van Orssagen sal moegen lossen ende quyten altyt als hem dat gelieven
groten
chys
sal, de voerscreven twee pond des voerscreven geheeten tot twee malen
ende andere niet ende elken penninge daeraf met XVI geliker
penningst:t; ende met vollen chys
ut supra
Jan van Orssagen
Borch eyke. De voergenoemde Jan van Orssagen, heeft
gelooft voir hem syn hoir ende nacolingen, dat hy Jan
de Rende ende oic synen hoy ende nacomelingen jaerlix gelden
ende betalen sal alsulke sesse veertelen Rogs erfpachts
deselve
als hy jaerlix ende erffelic heeft, opte voerscreven Twee huysen
metten hove schueren duyfhuyse den voerscreven Jan van
Orssagen, des voerscreven Cornelis broeder, toehoerende gelegen
buyten der voerscreven Hanswycpoorten, Ende dat hy dat den
voerscreven Jan Van Orssagen synen brueder ende oic synen voirscrevenst:t; hoir
ende nacomelingen vanden ende haer syne voerscreven twee huysen
met haeren voerscreven toebehoerten van dien erfpachte ende
oic vander betalingen desselfs eeuwelic scadeloes quyt
houden ende ontlasten sal, sonder eenich wederseggen, Om welke
gelooften alsoe volstentelic tonderhouden ende om der meerder
zekerheyt den voerscreven Jan van Orssagen, daeraf te doen, Soe heeft
de voerscreven Cornelis, den selve daervoer verbonden, den voergenoemde
Twee pond groten Brabants gelts erffelix chys, die hy heeft opte voerscreven
Twee huysen met haeren toebehoerene vercreven. A Domino Mechliniensi,
XXIX novembris
executeur testane
quen Jan Pape
Voesdonck, Yngelram. Henrick van Urssele Ridder commende des
huys van Pytsenborch der Duytser heer staende inder
voerscreven stad van Mechelen inden name vanden selven huyse
heeft vercocht Gheerde Zoeten ende Henricken ende Rommonden
de Leeuwst:t; de Leeuw als executeurs ende tot behoef vander
execucien vanden testamente ende vutersten wille van wylen
Jan de Pape diemen heet Kerstiaens, vyfthien gouden Ryns
guldenen goede, Te wetene veertich grooten Vlaems
gelts voir elken derselve Rynsgulden gerekent ende
oic dertich der de selver grooten jaerlix ende erffelicx
chys die tvoerscreven huys van Pytsenborch hadde op des
voerscreven wylen Jans de Pape, drie huysen metten gronde etcetera
gelegen deen neven dander inden Nyeuwen Bruel, bynnen
Mechelen, tusschen des voerscreven huys van Pytsenborch
Jans
erve aen deen zyde ende Gielis Verwilgiaerden erve aen
dander zyde, Ende voertaen op alle desselfs wylen Jans de
sonder
Pape haeffelike goeden waer die bevonden zelen worden ende
oic op alle dander syne erffelike goeden metten gronde bynnen etcetera
gelegen breeder inden oepenen brieve daer op gemaect
verclaert. A Domino Mechliniensi, Waranderende etcetera.
Assignavit den denier
XXIX decembry tempore simile