Blader door transcripties » Stadsarchief Mechelen

archieftoegang 2, inventarisnummer 949, pagina 81

opten vyfthienden dach van Septembry daer af den jersten
termyn van betalingen syn sal opten vyfthienden dach van
meerte naestcomende, Op ende aen de voerscreven tochtenerssen ende
erffst:t;erfgenamen huys de Lelye geheeten metten gronde ende
allen synen toebehoerten boven bescreven Johannes de Oeyenbrugge
Waranderende. Op vier capuynen ende veerthien oude grooten
Tournoyse daer jaerlicx voir vutgaende
Assignavit XV denier
XXVIIII novembris
Executeurs testate
gulden Coppe
Voesdonck Eyken, Jan Kerssavont veertich soon van Janne Kerssavont
heeft openbaerlic voir ons bekent dat hy gehadt ende ontfangen
heeft van Henricken ende Gheerde Zoeten gebruederen ende van Henrick
oic
ende Rommonden de Leeuw gebruederen als executeurs vanden
testamente ende vutersten wille van wylen Jan de Pape diemen
heet Kerstiaens, de somme van veerthien ponden vyf
scellinge ende sesse penninge groote Brabants gelts die hem
deselve wylen Jan de Pape sculdich ende tachter was ende
van die sommen van veerthien pond vyff scellingen ende
sesse penningen groten Brabants geltsst:t; heeft de voirgenoemde Jan
Kerssavont Quytgesconden los vry ende ledich de
voirgenoemde executeurs ende alle andere dies quitancie behoeven
geheelic ende al
de
supra tempore simile
Houter, Boele
alle Kempene
Item. Symoen Roelands natuerlic soon van wylen Symoen
Roelands die inde lyfpensie hier na bescreven syn heffen ende
dispositie hadde, heeft openbairlic voir ons bekent dat hy
gehadt ende ontfangen heeft van Wouter Boels diemen heet
de Kempenere, Eenen gouden Peters elken van dien tot
de somme van
sessendertich grooten Vlaems gelts gerekent, als voir de
lossinge ende quitinge van eenen geliken gouden Peter
jaerliker lyfpensien, die deselve Symoen ende oic Katheline
Roelands syn zuster tot haeren liven ende tot des langhstlevende
live van hen beyden hadden op des voerscreven Wouters twee
huysen oft cameren metten hove ende haeren toebehoerten
gelegen deen neven dander inde Hooghstrate opten hoeck
van Sinte Jacops straten, tusschen deselve strate aen deen
zyde ende wylen Henrix van Verbeke erve aen dander zyde
Ende van dier sommen van eenen gouden Peters ende oic
vander voerscreven lyfpensien, heeft de voerscreven Symoen Roelands
quytgesconden los vry ende ledich den voerscreven Wouteren Boels
syne voirgenoemde twee huysen oft cameren met haeren voerscreven
toebehoerten ende alle andere dies quitancie behoeven geheelic
ende al
ut supra
Peter Hoenderman
et uxor
Heffene, Lange. Peter Hoendermans ende Barble vander Strepe syn
wyf, Seggende dat sy gheen wettige kynderen en hadden, Ende
hebben daerom gewilt ende openbairlic voir ons geordineert
dat de langhstlevende van hen beyden soe lange die alsdan leven
sal paysselic ende vredelic sal gebruyken, alle der
haeffeliker ende erffeliker goeden, bynnen ende buyten der
stad ende vryheyt van Mechelen wesene ende gelegen, die
sy nu ter tyt hebben ende hier namaels oic hebben ende
vercrigen zelen, Ende metten selven haeffeliken goeden in
synder noot moegen disponeren, ende onder ordinen, den
wederseggen van yemande ende oic den rechten ende
coustumen daeraf ter contrarien onderhouden niet tegenstaende
Behoudelic dien dat alle de voirgenoemde goeden na des
langhstlevende doot vanden voerscreven Peteren ende synen wive
blivende, toecomen ende versterven zelen ut in forma
welke ordinancie wy ende oic vorch, Rende, Eyke
Cale ende Keynoege, onse medescepenen by crachte vanden
statute tanderen tyden daer op gemaect geconfirmeert
ende geapprobeert hebben ende by onser ordinairder macht
confirmen ende approberen Alle argelist vutgescheyden
XXI novembry tempore simile
Joes vanden
Bossche
Borch, Eyken, Jacop Rabbe, heeft vercocht Joes vanden Bossche
Een huys metten hove gronde etcetera gelegen tot Heffene tusschen
opte Zenne tusschen Margrieten Bruys erve aen deen zyde
ende Jans vande van Merchteren erve aen dander zyde. A Domino Mechliniensi,
Waranderende. Op een pond payments ende drie scellinge ende sesse penningen
groote Brabants gelts erffelic ende anderhalve veertel Rogs
lyfpachts dair jaerlix vutgaende
Assignavit XIIII Ringulden eens
XXI novembris
Cornelis vander
Berct
Item. Jan ende Jaspar vander Nuwermoelen gebruederen
Tucbake
van svaders wegen heeft ende heurs heer Henrick vanden
priester Nuwermoelenst:t; vander moeder wegen, als momboiren ende inden
name van Henricken ende Hubrechten vander Nuwermoelen
wylen Mathys vander Nuwermoelen kynderen sonder haeren
jaeren etcetera wesende die sy in hen vervingen, hebben vercocht
Cornelis vander Berct huyvetter, thien gouden Rynsgulden
elken van dien tot veertich grooten Vlaems gelts gerekent
erffelix chys die deselve Henrick ende Hubrecht hadden