Blader door transcripties » Stadsarchief Mechelen

archieftoegang 2, inventarisnummer 949, pagina 83

Meester Jan Boots
et uxore
Voesdonck, Yngelram. Lysbeth Kuyfs diemen heet Motte met Gheerde
vanden Male haeren man, heeft vercocht Meester Janne
Boots curzyn ende Lysbetten vander Hoeven synen wive
drie gouden Peters elken van dien tot sessendertich
grooten Vlaems gelts gerekent erffelix chys, die sy by
crachte vander scheydingen ende deylingen, tanderen tyden
tusschen haer haeren brueder ende zuster gemaect hadde op
een huys huys metten hove ende met twee cameren
aldaer deen neven dander gelegen ende oic metten gronde etcetera
toehoerende Matheeus Smet gelegen inde Aedegheemstrate
opten hoeck vanden Corte Penningstraten, tusschen de
selve strate aen deen zyde ende wylen Jan Reynkens
erve aen dander zyde. A Domino Mechliniensi, Waranderende etcetera.
Assignavit den XXVst:t; VIII Peters eens
XXIX novembris
Marten de Bresse
Item. Willem vanden Beke heeft vercocht myten
de Bressere, vyff scellinge groote Brabants gelts erffelicx
chys die de voirgenoemde Willem hadde, op des voerscreven Martens
twee huysen metten hove gronde etcetera gelegen deen neven
dander inde Keerberchstrate tusschen Jan Vyd erve aen
deen zyde ende Jan Ympens erve aen dander zyde. A Domino Mechliniensi,
ae
Assignavit den XVI
ut supra tempore simile
Jan Oudaert
Heffene, Yngelram. Reyner de Leeuw, wettich soon van
allen meesteren Jan de Leeuw heeft openbaerlic voir
ons bekent dat hy gehadt ende ontfangen heeft van Jan
Oudaert Raid ons genadich heeren sHertogen van Oestryck
van Borgen van Brabant etcetera de somme van eenen hondert
gouden Croenen, te weten achtenveertich grooten Vlaems
gelts voir elken deselver croenen gerekent, die hy
de voerscreven Reyner vut zaken vanden coepe van sinen
Meeuwen
huyse met allen synen toebehoerten inden ouden bruel
synen vader
wylen
gelegen, dat den voerscreven Meester Jan de Leeuw toe plach
te hoeren, sculdich ende tachter was, Ende van dien somme
van Seven hondert gouden Croenen vanden voerscreven pryse
heeft de voerscreven Reyner Quytgesconden los vry ende ledich
den voerscreven Jan Oudaert ende alle andere dies quitancie
behoeven, geheelic ende al, Ende heeft daer toe de voerscreven
Reyner gelooft dat hy tvoergenoemde huys met synen voerscreven
toebehoerten van allen commeren ende lasten, daerop staende
ende wesende, metten voerscreven sommen, ontlasten ende lossen
sal vutgenomen van tweentwintich oude groete
Turnoyse vander munten etcetera erffelic chys, die daerop
zelen bliven staende, Ende dat hy tselve huys ende oic
de voerscreven Jan Oudaert ende met hoy ende Jacomelingen
altyt daeraff scadeloes quyt houden ende ontst:t; sal
sonder eenich wederseggen, Om welke gelooften alsoe
tonderhouden ende om der meerder zekerheyt, den voergenoemde
Jan Oudaert van dien te doen, Soe heeft de voerscreven Reyner
den selven Jan Oudaert daervoer verbonden ende te
pande geset alle syne haeffelike goeden, waer die bevonden
zelen worden, die hy nu tertyt heeft ende hier namaels
oic hebben ende vercrigen sal
XXI octobris
Barbel Zeels
Lange, Keynoege, Katheline zels coot heeft vercocht Barblen Zels
haer zuster de helft van twee chysguldenen erffelix chys
die sy hadde ende haer byder doot van wylen Lysbetten zels
haer zuster toecomen ende verstorven is, Op een huys metten
plaetsen gronde etcetera toehoerende der weduen ende kynderen van
wylen Janne Loys, gelegen in Onser Vrouwenstrate tusschen
Augustyns van Wesemale ende synder kynderen erve aen deen
zyde ende Gielis Couthals erve aen dander zyde. A Domino Mechliniensi, Waranderende etcetera.
s
X Peters
Assignavit VIII Rinsguldenenst:t;
Ultima decembris
Jan van Orssagen
Rende, Ingele, Cornelis van Orssaghen, heeft vercocht Janne van
Orssagen synen brueder, syn vierendeel ende alle trecht dat hy hadde
ende hem byder doot van wylen Reyner van Leest synen neve
gebleven totst:t; toecomen ende verstorven is in alle de haeffelike ende
erffelike goeden achter metten gronde etcetera achterst:t; bynnen etcetera wesen
ende gelegen achter de doot vanden selven wylen Reyneren gebleven
A Domino Mechliniensi, Waranderende etcetera.
Assignavit XII gulden eens
prima dece
Henrick Smets
den van
ende eenen voir geheeten
volgen de Munte
Item. De voerscreven Jan van Orssagen heeft vercocht Henricken
Smet anderhalven gouden guldenen van Florencien ende
eenen halven chysgulden erffelix chys die de voirgenoemde Jan
hadde, op twee huysen oft woeningen metten hove gronde etcetera
toehoerende der weduen ende kynderen van wylen Janne vanden