Blader door transcripties » Stadsarchief Mechelen

archieftoegang 2, inventarisnummer 949, pagina 70

vyff scellinge ende sesse penninge groten Brabants gelts erffelicx
chys Te heffene altyt opten voirscreven jersten dach
van Augusto, Op ende aen haerlieder huys metten hove
gronde etcetera in Sinte Kathelinenstrate gelegen boven bescreven als
Romoni Mechlinenst:t; Waranderende. Opten voirscreven chys daer jaerlix voir
vutgaende
Ka ende
Heer Cornelis
Willems priester
Cale, Keynoege, Lysbeth Styls Diericx syn dochter, cum tutore, heeft
Terve gegeven heer Cornelis Wellens priester, Een huys metten
hove gronde etcetera gelegen inde Hanswycstrate opten hoeck vander
Potterien, tusschen deselve Potterie, aen deen zyde ende Jans de
Donckere erve aen dander zyde. A Domicella Johannes vander
Aa. Te besittene op eenen erffeliken chys van Twee gouden
Rynsguldenen ende eenen halven, elken van dien tot veertich
grooten Vlaems gelts gerekent, Ende die te betalen altyt tot
Kersmisse daeraf den jersten termyn van betalingen syn sal
van Kersmisse naestcomende over een jaer daerna volgende
Ende opten vorchys van vyf chysguldenen ende van vier
scellingen groten Brabants gelts dair jaerlix vutgaende, met
alsulker condicien dat de voirgenoemde heer Cornelis de sculdich
sal syn van Kersmisse naestcomende over een jaer daerna
volgende, te lossen ende te quitene den halven Rynsgulden
vanden voerscreven Twee Rynsguldenen ende eenen halven
des voirgenoemde chys, Ende dander twee Rynsguldenen des
selfs chys sal de selve heer Cornelis moeten lossen ende quiten
tot twee terminen, Te wetene den eenen Rynsgulden
daeraf van Kersmisse daeraf bynnen twee jaeren
tyt daerna volgende ende den anderen Rynsgulden
oic daeraf bynnen drie jaeren tyt daer naer oic sonder
middel vervolgende ende elken Rynsgulden daeraf met
sesthien geliker guldenen eens ende met vollen chyse
Assignavit VIII Rinsgulden eens
III novembris
Peter van
Hoelaer
Cale, Keynooge, Lysbeth Pomperlincx Rommonds dochter wedue van
wylen Janne vanden Bossche mesmakere, cum tutore, heeft
opgedragen ende overgegeven haer tocht die sy hadde in
Een huys de Cleyn Berye geheeten met eenen cleynen
hove gronde etcetera gelegen in Sinte Kathelinenstrate tusschen
thuys de Groete Berye geheeten toehoerende Peteren van Hoelaer
aen deen zyde ende Godevaerts Goorts erve aen dander
zijde. A Domino Mechliniensis juravit tot behoef van Henricken ende Quinten
vanden Bossche haeren kynderen tot wiens behoef, Quinten vanden
Bossche den voerscreven kynderen oem ende de voerscreven Rommond Pomperlinc
der voirgenoemde kynderen onder vader, als momboiren ende tot behoef
vanden selven kynderen wardende ierst inne geerft ende
de selve
doude
daer naer hebben de voirgenoemde Quinten vanden Bossche van svaders
wegen ende de voerscreven Rommond Pomperlincx vander moeder
wegen, als momboiren ende inden name vanden voirgenoemde Henricken
ende quinten vanden Bossche onder haere jaeren etcetera wesende
die sy in hen vervingen vercocht den voerscreven Peteren van
Hoelaer, den tvoirgenoemde huys metten cleynen hove gronde etcetera
gelykerwys ende in alle der manieren, tselve huys tanderen
tyden ten hooghsten ende meesten pryse ter vierscharen van
de
deser stad vercocht is geweest ende op vyf chysguldenen
ende vier Rynsguldenen daer jaerlix vutgaende twee Ryns
gulden ende eenen de Rinsgulden erffelicst:t; halven ende seven
scellinge sesse penningen groote Brabants gelts daer jaerlicx
vutgaende
Assignavit II Rinsgulden erffelicx X denier
IIII novembris
Convent de
Lelyendale in
te
Ingelram, Cale. Jan de Doeve ende Katheline Haenwychs syn wyf
hebben vercocht Jannes Hemelryck tot behoef vanden convente
van Lelyendale staende bynnen den beghynhove van deser stad, Eenen
gouden Peter, Te wetene sessendertich groote Vlaems gelts voir
dien Peter gerekent erffelix chys Te heffene altyt opten
vyfsten dach van Novembry Op ende aen haerlieder huys
metten hove gronde etcetera gelegen inde Corte Nonnenstrate tusschen
Henricx Huyghs erve aen deen zyde ende Rommonds Scellemans erve
aen dander zyde. A Domino Mechliniensi, Waranderende. Op Sesse pond derthien
scellinge payment ende drie chysguldenen dair jaerlix voir
vutgaende
Assignavit den XVI denier
novembry tempore simile
Aert Mathys
staende op dwater, alle
Ingelram, Cale. Jan Mathys huyvetter, heeft opgedragen syn
tocht die hy hadde in tvyfstedeel van Twee huysen metter
oic
plaetsen tusschen de selve huysen liggende ende met eender
vetterien daer nevens gronde etcetera gelegen inden Vettersham
byde Heymeysbrugge, tusschen Gommaers de Poirtere erve aen
deen zyde ende wylen Aert Mathys erve aen dander zyde
tot eender heymelicheyt
streckende achterweerts metter voerscreven vetterien tot aen toten
ende toest:t; tusschen des voerscreven Gommaers de Poirtere erve aen
deen zyde ende des voerscreven wylen Mathys erve aen dander zyde
Aert
liggende achter
Ende int vyfstedeel van eenen hove metten gronde etcetera daer
de voerscreven vetter
inne men gaet van vuter voirscreven vetterien, over een brugge
liggende over tvoerscreven watere, tusschen Gielis Meermans erve
aen deen zyde ende Jacop tSermartens erve aen dander zyde
de streckende achterweerts met eender poorten in een
strate aldaer. A Domino Mechliniensi, Juravit tot behoef van Aert Mathys
synen sone tot wyende behoef de momboiren ende na bescreven