Blader door transcripties » Stadsarchief Mechelen

archieftoegang 2, inventarisnummer 949, pagina 69

De selve
erve aen dander zyde, opte helft van twee scellingen negen
penningen groten Brabants gelts erffelic ende opte helft van twee
veertelen Rogs lyfpachts daer jaerlix vutgaende. Item
dat de voirgenoemde Jan Lysbeth, Anne Barble ende Katheline vanden
Moelen des voerscreven wylen Jans vander Moelen des soons kynderen
by crachte vander voerscreven scheydingen ende deylingen voir haer
paert ende deel de voirgenoemde goeden hebben houden besitten
ende gebruyken zelen dander helft vanden voerscreven huyse
metten hove ende anderen synen toebehoerten inden Theembeempt
gelegen op opten last vanden ander helft vanden voirgenoemde
Eenen scellingen grooten Brabants ende van vyff scellinge
payments dair jaerlix vutgaende, Ende dander helft
vanden voerscreven twee huysen metten hove ende anderen haer
toebehoerten, ende oic vanden voerscreven anderen hove inde voirgenoemde
Schytstrate gelegen, opten last vander ander helft vanden
voerscreven voerscreven twee scellingen negen penningen groten Brabants
gelts erffelic ende vanden voerscreven twee veertelen Rogs
lyfpachts dair jaerlix vutgaende. Item dat de voerscreven
Katheline vanden Moelen, de wedue als tot haer tocht
ende de voirgenoemde Alyt vanden Scryeke haer dochter als
tot haere erffelicheyt, by crachte vander voerscreven scheydingen
ende deylingen voir haer paert ende deel der selver goeden
hebben houden besitten ende gebruyken zelen, de helft van
Eenen huyse metten hove ende anderen synen toebehoerten
gelegen in Sinte Kathelinenstrate tusschen Peter Haeghmans
erve aen deen zyde ende Clementst:t; Pauwels
erve aen dander zyde, opte helft van twee twaelff
scellingen groten Brabants gelts dair jaerlix vutgaende
Ende dat de voerscreven Lysbeth vander Moelen by crachte
oic vander voerscreven scheydingen ende deylingen, voir haer
paert ende deel der selver goeden oic hebben houden
besitten ende gebruyken sal, dander helft vanden voerscreven
huyse metten hove ende anderen synen toebehoerten, in
Sinte Kathelinenstrate gelegen opten last vander voerscreven
ander helft vanden voerscreven twaelff scellingen groten
Brabants gelts dair jaerlix vutgaende, welke sceydinge
ende deylinge de voirgenoemde goeden hebben alle de voirgenoemde
persoenen inden name ende manieren als boven, gelooft
ende elc van hen besunder altyt vast gestentich
onverbrekelic ende van goeder weerden te houdene ende
daer tegen nemmere te doen te seggen oft te comen, by hen
selven oft yemande anders heymelic oft openbaer in negheender
manieren alle argelist daerinne vutgescheyden
in noven
solve alhier
Margriete vanden
Moelen ende Jan
de Vochelle
Heffen, Ingelram. De voirgenoemde Henrick vander Moelen als een
tochtenere ende de voerscreven Willem de Vos ende Jan de Vos van
svaders wegen Jan Merten Anxte ende Jan Ghoeten vanden
moeder wegen als momboiren ende inde name van Peteren
Janne Magrieten ende Kathelinen vander Moelen des voerscreven
Henricx kynderen infra annos etcetera wesende die sy in hen vervingen
als erfgenamen voir deen helft, ende de voerscreven Henrick
vander Moelen ende Willem de Vos van svaders wegen, Ende
Aert Cloet ende Aert Rootman vander moeder wegen als
momboiren ende inden name van Janne, Lysbetten, Annen Barblen
ende Kathelinen vander Moelen wylen Jans vander Moelen des
voerscreven Henricx brueders kynderen onder haer jaeren ende wesen
die sy in hen vervingen voir dander helft, hebben bewesen
Margrieten vander Moelen, des voerscreven Henricx ende wylen Jans
vander Moelen zuster als tot haerer tocht ende ende Janne
de Vochelere haeren sone als tot synder erffelicheyt, vier
scellinge ende sesse penninge groten Brabants gelts erffelicx
chys Te heffene altyt opten jersten dach van Augusto
daeraf den jersten termyn van betalingen syn sal opten
jersten dach van Augusto nu naestcomende Op ende aen
haerlieder huys metten hove gronde et inden Heembempt
gelegen boven bescreven opten voirnoemde chys dair jaerlix
voir vutgaen ende op haerde twee huysen metten
hove gronde etcetera ende oic opten voirgenoemde haeren anderen hoff
inde voerscreven Schytstrate gelegen, opten voirgenoemde chys
ende lyfpacht dair jaerlix voir vutgaende. A Domino Mechliniensi, Waranderende.
etcetera op haerlieder huys metten hove gronde etcetera inden versheembempt
gelegen boven bescreven A Beato Rumoldo, Waranderende. Opten voirscreven chys dair jaerlix
voir vutgaende
Tra boven
De selve
Heffene, Ingelram. De voirgenoemde Katheline vander Moelen metten voerscreven
Janne de Vos haeren man als eene tochtenersse ende
de voerscreven Jan vanden Scryeke ende Aert vanden Scryeke van
svaders wegen, de voerscreven Henrick vander Moelen ende Willem
de Vos vander moeder wegen, als momboiren ende inden name
van Alyt vanden Scryeke der voerscreven Kathelinen dochter
als erfgenaem voer deen helft, Ende de voerscreven Lysbeth
^
vander Moelen der voerscreven Henricx ende Kathelinen
vander Moelen zuster metten voirgenoemde Willem de Vos haeren man
voer dander helft hebben bewesen de voerscreven Margrieten
vander Moelen, derselve Henricx Kathelinen ende Lysbetten
vander Moelen zuster als tot haerer tocht ende den voirgenoemde
Janne de Vochele haeren sone, als tot synder erffelicheyt