Blader door transcripties » Stadsarchief Mechelen

archieftoegang 2, inventarisnummer 949, pagina 71

De selve
ierst daer inne geerft werden, daer naer soe hebben
gelbrecht Wigge Aelbrecht Vlyegen van svaders wegen
Lambrecht van Puersse ende Jan Kerssavont doude vander
moeder wegen als momboiren ende inden name vanden voerscreven
Aert Mathys, onder syne jaeren etcetera wesende die sy in hen
vervingen voer deen vyfstedeel, Lysbeth Mathys metten
voirgenoemde Aelbrecht Vliege haeren man voir dander vyfstedeel
Margriete Mathys des voerscreven Jans ende Lysbetten Mathys
zuster cum tutore voer tderde vyfstedeel, Willem Speelberch
van svaders wegen, Rommond ende Anthoenis Smeets diemen heet
Bellens van gebruederen vander moeder wegen, als momboiren ende
inden name van Barblen Mathys oic haerlieder zuster infra
annos etcetera wesende die sy by bywesene ende volcomen consente
van Janne van Beringen stadhoudere van eenen der
commoingmeesters van deser stad in hen vervingen
voer tvierde vyfstedeel, hebben vercocht Aert Mathys
der voerscreven Jans, Lysbetten, Magrieten ende Barblen Mathys
brueder, haer vier vyfstedeelen die sy hadden
inde voirgenoemde Twee huysen metter plaetsen vetterien
gronde etcetera ende oic inden voerscreven hof metten gronde
ecetera ven beste daeraf tvyfste vyfstedeel den
selven Aerde toebehoert. A Domino Mechliniensi, Waranderende. Op veerthien
scellinge ende sesse penninge groten Brabants gelts daer
jaerlix vutgaende
#
Assignavit XLIII Rinsgulden Vlaems gelts
quinta
Lange, Ingelram. Aelbrecht Vliege vanden name van Lysbetten Mathys
synen wive die hy in hem vervinghe voir de elf pond Margriete
Mathys der selver Lysbetten zuster by voir de elff pond ende wille
Speelberch ende Jan Lemmens diemen heet Croene van svaders wegen
ende Rommond ende Anthoenis Smeets diemen heet Bellens gebruederen
vander moeder wegen, als momboiren ende inde name van Barblen
Mathys der voerscreven Lysbetten ende Magrieten zuster onder haer jaeren
wesende die sy in hen vervingen, oic voir de elf ponden
de selve
hebben openbairlic voir ons bekent dat sy gehadt ende
ontfangen hebben van Aert Mathys der selver Lysbetten
Magrieten ende Barblen Mathys brueder, vut zaken vander
coope van haeren drie vyfstedeelen vanden voirgenoemde twee huyse
metter plaetsen vetteryen ende oic vanden voerscreven hove met
haeren toebehoerten int voerscreven contract bescreven, de somme van
driendertich pond grooten Vlaems gelts, Ende van dien
sommen van driendertich ponden groten Vlaems, hebben de
voerscreven Aelbrecht inden name vander voirgenoemde Lysbetten
synen wive de voirscreven Magriete Mathys ende de voerscreven momboiren
inden name vanden voergenoemde Barblen Mathys Quytgesconden los vry
ende ledich den voerscreven Aert Mathys ende alle andere dies quitancie
behoeven geheelic ende al
VIII novembris
Peter de Mere
Cortryke, Eyke. Lysbet Scocx met Janne vander Balct haeren man
heeft vercocht Peteren de Meere tot sinen ende Magrieten
Stocx syns wyfs behoef, de helft van Eenen huyse metten
hove gronde etcetera gelegen inde Moelenstrate tusschen heer Jan
Weelmans priesters erve aen deen zyde ende wylen Jans van
Eppegheem erve aen dander zyde, van welken huyse metten
hove dander helft de voergenoemde Magrieten Stocx toebehoert
A Domino Mechliniensi, Waranderende. Op twee chysguldenen vuten voerscreven geheelen
huyse metten hove jaerlix gaende
Assignavit XIIIII Rinsgulden eens
X octobry tempore simile
de kynderen daer
Lange, Yngels. Jan Daems spellemaker ende Katheline van Molle
syn wyff hebben gewilt ende openbaerlic voir ons geordineert
dat alle haere kynderen alsoe wel meyskens als knechtkens
ende knechtkens als meyskens die sy deen vanden anderen
vercregen hebben ende hier namaels oic deen vanden ander
zelen moegen vercrigen, evengelyc ende in gelyken deel
ende porcien hebben houden aenveerden besitten ende gebruyken
zelen alle de haeffelike erffelike ende onberuerlike goeden
die na eensyegelicx doot vanden voerscreven Janne ende Katheline
goeden onden
synen wive zelen bliven, aen dander zyde, heeft Lysbeth
Daems den voerscreven Jan Daems ende Kathelinen van
Molle syns wyfs wettige dochter met Henricken van
Rotselaer haeren man, gelooft oft gebeurde dat haere
brueder den voerscreven Janne ende Kathelinen haeren onder
in toecomenden tyden consenteerden ende beliefden dat sy de
langhstlevende van hen soudest:t; gelyc ende eenen tochtenere