Blader door transcripties » Stadsarchief Mechelen

archieftoegang 2, inventarisnummer 949, pagina 6

et uxor
Jan van Yssche
Heffene, Voesdonc. Jan van Yssche ende Barble van Ranssem syn wyf
Seggende dat sy gheen wettighe kinderen en hadden, hebben gewiltst:t;
daerom gewilt ende openbairlic voir ons geordineert, dat de
langhstlevende van hen beyden soelange die alsdan leven zal, paysselyc
ende vredelic sal gebruyken alle der haeffeliker ende erffelike
goeden bynnen der stad ende vryheyt van Mechelen wesene ende
gelegen, die sy nu tertyt hebben ende hier namaels oic hebben ende
vercrigen zelen, Ende metten selven haeffeliken goeden synde n
moegen disponeren ende ordineren, den wederseggen van yemande ende oic
den rechten ende coustumen vander voerscreven stad dairaf ter contrarien
onderhouden niet tegenstaende. Behoudelic dien dat alle de
voirgenoemde haeffelike ende erffelike goeden, na des langhstlevende
doot vanden voerscreven Janne ende Barblen synen wive blivende
toecomen ende versterven zelen den ghenen, dien die goeden nader
rechte vander voerscreven stad sculdich zelen syn toe te comene ende
te versterven oft deught ghenen dien sy deselve goeden samentlic
met testamenten oft anderssins geven ende maken zelen welke
ordinancie wy ende oic Mol, Rende, Lange, Eyken ende Yngelerme
onse medescepenen by rechte vanden statute tanderen tyden daer
gemaect geconfirmeert ende geapprobeert hebben ende by onser
ordinairder macht confirmeren ende approberen alle argelist
vutgescheyden
X may tempre simile
Jan van
Laken
Heffene, Heelt. Willem Boeyenhals diemen heet Remeys heeft
vercocht Janne van Laken, Willems sone, Een stuck lants
metten gronde etcetera houdende omtrent een half buender gelegen
tot Hofstaden byde brugghe aldair, tusschen Meester Henrick
Ghysbrechts erve aen deen zyde ende Henricx van Relegheem
erve aen dander zyde ende des Heeren strate aldair, aende derde zyde
A Domino Mechliniensi, Waranderende eenen gouden Peter, Te weten sessendertich groten
Vlaems gelts de voir dien gerekent ende drie moeken Rogs
dair jaerlix vutgaende
Assignavit XX Peters eens
X may tempore simile
de van
al
Heffene, Heelt. Henrick Fierens beckere, heeft vercocht Peteren
van Steynemoelen, Twee gouden Rynsguldenen elken van
dien tot veertich grooten Vlaems gelts gerekent erffelicx
chys, Te heffene altyt opten thienden dach van mede
Op ende aen des voerscreven Henricx huys metten gronde etcetera geheeten
de Gruytsele, gelegen inden Nyeuwen Bruel opten hoeck vanden
Vlyete tusschen den selven vlyet aen deen zyde ende Gielis
van Gottingnies erve aen dander zyde. A Domino Mechliniensi, Waranderende. Op
acht gouden Rynsguldenen vanden voerscreven pryse dair jaerlicx
voir vutgaende
Assignavit den XXVI denier
ut supra tempore simile
Meeter Joris
Heffene, Rende, Peter Joes woenende tot Ruysbroeck, heeft gelooft
ongevrydt na der divisen recht te geven ende te betalen
Meester Joos Arens procureur inden hoogen Raid ons genadige
haer Secretaris ons genadich heeren sHertogen van Oestryck
aen van Brabants etcetera, sesthien gouden Peters elken
van Ronge
van dien tot XXXVI groten Vlaems gelts gerekent ende elf
drientwintich ende eenen halven der selver grooten Vlaems
totten terminen na volgende Te wetene de drie Peters
daeraf in saterdage naestcomende ende tsurplus daeraf
tot belovenen open daer naer terstont ende sonder middel
vervolgende sonder eenich wederseggen
Xa may
Willem Cokeroel
houden
Collem, Mol. Margriete Bernaerts wylen Henricx Bernaerts wettige
dochter met Janne Scamelaert den jongen haeren man, heeft
vercocht Willem Cokeroel, den ouden wapenmakere vyf
gouden Rynsguldenen elken van dien tot veertich grooten Vlaems
gelts gerekent erffelix chys Te heffene altyt opten vyfthienden
dach van meye vutgenomen den vyfthienden dach van meye nu
naestcomende Op ende aen de voerscreven Margrieten drie huysen metten
hoven plaetsen gronde etcetera gelegen deen neven dander inde
Gortte Scipstarte tusschen des voerscreven Jan Scamelaerts ende syns
wyfs ander erve aen deen zyde ende Augustyn Quisthouts erve
aen dander zyde. A Domino Mechliniensi, Waranderende. Op acht chysguldenenst:t;, Eenen
chysgulden dair jaerlix voir vutgaende
Assignavit den XVI denier
XI may
Barble Lymans
Heffene, Yngelram. Jan Lymmaer, heeft opgedragen ende overgegeven tot behoef
van Berblen Lymmaer wettige dochter van wylen Peteren Lymmaer
synen brueder ende van wylen Barblen Lauwers synen wive synder
nichten, Syn helft van twee huysen metten hove plaetsen gronde
gelegen deen neven dander inde Nokerstrate tusschen Jans Smet
erve aen deen zyde ende Henrix vanden Dycke erve aen dander zyde
Item syn helft van eenen stuck lants geheeten Vincken beempt metten
gronde etcetera houdende int geheel omtrent neghen vierendeel, gelegen
buyten de Coepoerte, tegen de Moelen aldair over tusschen des gasthuys
erve vander Heyliger Drievuldicheyt staende by Sinte Katheline
poorte van Mechelen aen deen zyde ende des goidshuys van Muyl
erve aen dander zyde. A Domino Mechliniensi. Ende syn huys metten hove
plaetsen gronde etcetera gelegen opte dekenye tusschen der selve
Barblen erve aen deen zyde ende der infirmarien erve
armen
cranckenst:t; beghynen staende buyten den beghynhove van
stad aen dander zyde. A Johannes de Muysene filio quondam
de Muysene bastaerden, Waranderende. Opten last ende commer drie
vutgaende. Behoudelic den voerscreven Janne Lymmaer synder tocht
a
paysselic ende vredelic syn leven langh geduerende te geven