Blader door transcripties » Stadsarchief Mechelen

archieftoegang 2, inventarisnummer 949, pagina 68

Rommonden van Yeteghem
de selve
chys die sy heeft op een huys metten hove gronde etcetera toehoeren
gelegen inden Ouden Bruel, tusschen Gielis Gielis diemen
heet Zoeten erve aen deen zyde ende der weduen ende
kynts erve van wylen Meester Jacoppen vander Marck
aen dander zyde. Item op haer helft van acht chysgulden
oic erffelix chys die sy heeft op des voerscreven Gielis Petenst:t;
Gielis huys metten hove gronde etcetera gelegen inde
voerscreven Ouden Bruel, tusschen des voerscreven Rommonds van
Yetegheem erve voirgenoemde aen deen zyde ende Franciscus de
Geutel erve aen dander zyde streckende achterweerts tot
aen der voerscreven Kathelinen ende Jans tSermertens haers
brueders erve toe, Ende op der voerscreven Kathelinen helft van
Twee huysen met eenen hove gronde gelegen inde
Kerchofstrate opten hoeck vanden Heembeempde tusschen
den selven aen deen zyde ende
aen dander zyde. A Domin ende voertaen op alle dander
haere haeffelike goeden waer die bevonden zelen worden
die sy nu tertyt hebben ende hier namaels oic hebben
ende vercrigen zelen. A Domino Mechliniensi, Waranderende. Opte weerde van
sesse scellingen groten Brabants gelts vuten voerscreven twee
geheelen huysen jaerlix voir vutgaende, dies Martens
Pater en Marie vander Hayct es van levabit et
inde disponet, met condicien dat de voirgenoemde Katheline
sal moegen lossen ende quyten de voirgenoemde Sesse gouden Ryns
gulden des voerscreven lyfpensien altyt als haer dat
gelieven sal tot twee malen ende elken Rynsgulden
daer af met thien geliker guldenen ende met vollen
chyse, lyfpensien
Ultima octobry tempore simile
Heffen, Ingelram. Henrick vander Moelen, wettich soone van wylen
Janne vander Moelen, ende weduere van wylen Magrieten
Ghoetens, als een tochtenere, Willem de Vos ende Jan de Vos
Jan Metten huys
van svaders wegen Jan Merten optest:t; ende Jan Ghoeten vander
moeder wegen als momboiren ende inden name van Peteren
Janne Margrieten ende Kathelinen vander Moelen der voerscreven
Henrix vander Moelen ende wylen Magrieten Ghoetens syns
ierste wyfs wettigen kynderen onder haer jaeren groote wesen
die sy in hen vervingen, als erfgenamen, aen deen zyde
de voirgenoemde Henrick vander Moelen ende de voirgenoemde Willem de Vos
van vaders wegen ende Aert Cloet ende Aert Rootman vanden
moeder wegen, als momboiren ende inden name van Janne
Lysbetten, Annen, Barblen ende Kathelinen vander Moelen wylen
Jans vander Moelen desselfs Henricx brueder ende Jehannen
discolibor
vander Moelen
van Floerssem syns wyfs wettigen kynderen onder haere jaeren etcetera
wesende die sy in hen vervingen, aen dander zyde Magriete
vander Moelen der voerscreven Henrix vander Moelen ende wylen Jans
vander Moelen des voirscreven zuster ende wedue van wylen Janne de
Verchelere met Janne vanden Thuyne nu tertyt haeren man
als eene tochtenersse ende Jan de Vochelere des voerscreven wylen
Jans de Vochelere ende Magrieten vander Moelen syns wyfs
wettich soon, als erfgenaem, aende derde zyde, Katheline vander
Moelen, der voerscreven Henricx wylen Jans ende Magrieten vander
Moelen zuster ende wedue van wylen Jorys vanden Scryeke
metten voerscreven Janne de Vos nu ter tyt haeren man als een
tochtenersse, Jan vanden Scryeke ende Aert vanden Scryeke
van svaders wegen, ende de voerscreven Henrick vander Moelen
ende de voirgenoemde Willem de Vos vander moeder wegen, als
momboiren ende inden name van Alyt vanden Scryeke
der voerscreven wylen Jorys vanden Scryeke ende Kathelinen vander
Moelen syns wyfs wettige dochter, onder haer jaeren wesende
de
die sy in hen vervingen, als erfgenaem, aende vierde zyde
Ende Lysbeth vander Moelen des voerscreven Henricx wylen Jans
Margrieten ende Kathelinen vander Moelen zuster metten voerscreven
daerde
Willem de Vos haeren man aende vyfstest:t; zyde, hebben openbaerlic
voir ons bekent dat sy underlinge mynlic gescheyden ende
gedeylt hebben alle de erffelike ende onberuerlike goeden
met allen haeren toebehoerten, bynnen der stad ende vryheyt
e
van Mechelen gelegen de allen den voirgenoemde persoenen byder
doot vanden voerscreven wylen Janne vander Moelen ende wylen
Magrieten Ghoetens synen wive, toecomen gebleven ende verstorven
syn inder manieren hier na volgende ende verclaert, alsoe dat
by crachte vander selver scheydingen ende deylingen de voirgenoemde
Henrick vander Moelen als tot synder tocht ende de voerscreven
Peter, Jan Margriete ende Katheline vander Moelen synen
kynderen als tot haerer erffelicheyt voir haer paert ende
deel der voerscreven goeden hebben houden besitten ende gebruyken zelen
de helft van eenen huyse metten hove ende anderen synen
toebehoerten gelegen inden Heembeempt, tusschen Symoen
Wagewyns erve aen deen zyde ende der kynderen erve van wylen
Augustyn sDekens aen dander zyde, opte helft van Eenen
scellingen groten Brabants gelts ende van vyff scellinge payments
Item
dair jaerlix vutgaende, Ende de helft van twee huysen
metten hove ende anderen haeren toebehoerten gelegen deen
neven dandere buyten de Coepoorte inde Schytstrate tusschen
Jan Vriends erve aen deen zyde ende Willem Wabbels erve
aen dander zyde, Ende de helft van eenen hove met synen
toebehoerten gelegen aldaer inde selve Schytstrate tusschen
des voerscreven Jan Vriends erve voirgenoemde aen deen zyde ende Claes de Vos