Blader door transcripties » Stadsarchief Mechelen

archieftoegang 2, inventarisnummer 949, pagina 50

ende Collonie Ballemans syn wyf
Robyns, Eyken, Mathys Quintens scepman den Claes de Vryese van
Bruessel oic scepman, Twintich pond groote Brabants gelts Te
betalen totten terminen hier na volgende, Te wetene desesse pond grooten
dairaf tot Kersmisse naestcomende. Item de seven pond grooten
dairaf tot Kersmisse daer na volgende, Ende dander seven
pond groote daeraf tot Kersmisse daer naer oic sonder middel
vervolgende, Ende hier voer hebben sy verbonden alle haere
haeffelike ende erffelike goeden metten gronde etcetera bynnen etcetera
wesene ende gelegen, die sy nu ter tyt hebben ende hier namaels
oic hebben ende vercrigen zelen, zunderlinge haerlieder
pleytscip dwelck de voerscrevenst:t; met allen synen toebehoirten
tanderen tyden
dwelck deselve Mathys tegen den voerscreven Claes de Vryese
tegeworde gecocht ende gecregen heeft
VIIaAugusty
Item. Jan Maesman diemen heet vanden Watere, de
Roeland vander Loo tot behoef van Willem vander Loe synen
vader, Seven pond sesthien scellinge ende drie penninge groten
Brabants gelts Te betalen tot grooten vastelavonde naestcomende
Ende hier voer heeft hy verbonden alle sine haeffelike ende
erffelike goeden metten gronde etcetera bynnen etcetera wesende ende
gelegen die hy nu tertyt heeft ende hier namaels oic
hebben ende vercrigen sal
supra tempore simile
Lange, Borch. Henrick vander Heye ende Katheline vanden
Leemputte syn wyff den Jan de Boscepman van Antwerpen
ende Gheertruyt Jansdochter synen wive vier ponden
vyff scellinge groote Brabants gelts Te betalen totten
terminen hierna volgende Te wetene de twee pond
vyff scellinge daeraf tot Sinte Martensmisse nu
naest toecomende, Ende dander, twee pond groote daeraf
tot Paesschen daer na terstont volgende, Ende hier voer
hebben in verbonden alle haere haeffelike ende erffelike
goeden metten gronde etcetera bynnen etcetera wesende ende gelegen
die sy nu ter tyt hebben ende hier namaels oic hebben ende
vercrigen zelen, zunderlinge haerlieder scip met allen
synen toebehoerten, dat sy tanderen tyden tegen den voerscreven
Jan tot gecocht ende gecregen hebben
III septembris
Cortryke, elken, Joes Gielevoerts ende Cristine schoenmakers syn
wyff, ende Margriete Gielevoerts desselfs Joes zuster dat
de Scotelere diemen heet
Janne Gielevoert ende Janne Scaefmaker, als momboiren
ende tot behoef van Joes Gielen Gielevoerts wylen Henricx
Gielevoerts soon, tzestich gouden Rynsguldenen elken van dien
tot veertich grooten Vlaems gelts gerekent Te betalen
bynnen eenen jaer tyts naestcomende, Ende hebben daer toe de
voirgenoemde Joes ende syn wyf gelooft, Te betalene den voerscreven momboiren
Joes
tot des voirgenoemde des soons behoef, den thienden penninge vander
voerscreven scult, sonder mindernisse derselver de daervoer
hebben sy allegader verbonden ende te pande geset alle haer
haeffelike goeden waer die bevonden zelen worden, ende oic
alle haere erffelike goeden metten gronde etcetera bynnen
gelegen die sy nutertyt hebben ende hier namaels
hebben ende vercrigen zelen. A Domino Mechliniensi,
XX septembris