Blader door transcripties » Stadsarchief Mechelen

archieftoegang 2, inventarisnummer 949, pagina 51

Robyns, Lange. Jan van Marboirs de Janne Yman, tot behoef
van Dominis Peter ende Barblen Ysman, desselfs Jans
kynderen, Twintich gouden Rynsgulden elken van dien
tot veertich grooten Vlaems gelts gerekent Te betalen
tot Kersmisse nu naest toecomende, Ende hiervoer heeft hy
verbonden alle syne haeffelike goeden waer die bevonden
zelen worden, die hy nu ter tyt heeft ende hier namaels
oic hebben ende vercrigen sal
X July tempore simile
Noo dat dese scult spruyt vuten afcoope van
allen den haeffeliken goeden gebleven achter
de doot van Jehannen wylen Jehannen van
Wildere des voerscreven Jans van Marans huysvrouwe
doenst:t; leefde, die de selve Jan van Mermans metten
voerscreven Jan Tysman als vader vanden voerscreven kynderen
man, daeraf de voerscreven wylen Jehanne moeyen
was, aengegaen es
Ryke, Cale. Matheus van Yngelegheem ende Rommond Lyedekens
Twee pond seventhien scellinge groten Brabants gelts Te betalene
totten terminen hierna volgende Te wetene de drie scellinge groten
daeraf tot Bamissest:t; bynnen drie maenden tyts nu naestcomende
Ende soe voertaen tot elken drie maenden alsdan deen na dander
ter sonder middel vervolgende, drie scellinge deselver
groten dovere, Ende hiervoer heeft hy verbonden alle sinen
haeffelike ende erffelike goeden metten gronde etcetera bynnen etcetera
wesene ende gelegen, die hy nu tertyt heeft ende hiernamaels
oic hebben ende vercrigen sal
XI July tempore simile
geselle, Cale. Rommond Quyswycke den Loy Maes Scepper van
Antwerpen, thien pond groote Vlaems gelts Te betalen
totten terminen hier na volgende Te wetene deen derdendeel
dairaf tot Kersmisse naestcomende. Item dander derdendeel
dairaf tot Sinte Jansmisse daer na volgende, Ende tderde
derdendeel daeraf tot Kersmisse, daer naer sonder midde
vercocht vervolgende, Ende hiervoer heeft hy verbonden
alle sine haeffelike goeden waer die bevonden zelen worden
die hy nu ter tyt heeft ende namaels oic hebben ende
vercrigen sal, sunderlinge syn hoye scap geheeten de
sche met allen synen toebehoirten, dwelc hy
tegewoirdelic tegen den voerscreven Loys gecocht heeft
XVI July tempore simile
Gestelle, Cale. Jan Mathys Blaenderwere, dat Meester Aerdt van
den cruyn, sesthien Rynsguldenen elken van dien tot
veertich groten Vlaems gelts gerekent Te betalen, inde
vaert van Onser Vrouwen tot Aken nu naestcomende, Ende hier
voer heeft hy verbonden alle sine haeffelike ende erffelike goeden
metten gronde etcetera bynnen te wesende ende gelegen, die hy
nu tertyt heeft ende hier namaels oic hebben ende vercrigen
sal
XX octobry
Nota dat dese scult spruyt vut twee Blaeuwe mouwen gebroeder
ende s gestaet met veelen, naer naer de zone ende cleydinge
vander groeter gulden van Mechelen, die de voirgenoemde Jan
Mathys tegen den voerscreven Meester Aert gecocht heeft op alsulke
condicien waert dat waert dat de selve Meester Aert voer
de voerscreven vaert van Aken nu naest toecomende, storve ende
aflivich werde, dat alsdan de voerscreven scult smilten ende
van te nyeuwte zyn sal alsoe deselve Meester Aert dat
een
voir de voirgenoemde bekent heeft, Ende consenteert daer toe deselve
priet
meester Aert dat hy deen deenst:t; bynnen hem dien scepen, met
geven en sal noch oic synen hoir oft erfgenamen, het en
om dat hy de vorrest:t; deen dach vander voerscreven vaert overleven
Mol, Exken. Jan Quaeyvoer den Lysbetten vanden Elze hondert ende
twintich gouden Rynsgulden elken van dien tot veertich
groten Vlaems gelts gerekent Te betalene bynnen eenen jaer
Tys nu naestcomende Ende daervoer heeft hy verbonden alle
syne haeffelike ende erffelike goeden metten gronde, bynnen etcetera
wesene ende gelegen, die hy nu tertyt heeft ende hier namaels
oic hebben ende vercregen sal
IX Augusty tempore simile
Gestelle, Rycke. Willem de Bosschere van Bruessel, den Lysbetten
Reyers weduen van wylen Janne brechts aenden heet
Vos veertich pond sesse scellinge drie penninge ende
eenen halven groten Brabants gelts Te betalene totten terminen
hierna volgende Te wetene de thien pond groote daeraf
tot Kersmisse naestcomende, Ende soe voertaen tot elken
Kersmisse alsdan deen na dander sonder middel vervolgende
thien pond der voerscreven groten dove etcetera Ende hier voer
heeft hy verbonden alle sine haeffelike goeden waer
die bevonden zelen worden, die hy nu tertyt heeft
ende hiernamaels oic hebben ende vercrigen sal
ut supra