Blader door transcripties » Stadsarchief Mechelen

archieftoegang 2, inventarisnummer 949, pagina 49

tusschen Jacops de Ryke erve aen deen zyde ende
Lambrecht Ghysbrechts erve aen dander zyde. A Jacobo
Schooff, Waranderende. Opten chys dair jaerlix vutgaende
de selve Reyner tot sinen ende syns voirscreven wyfs behoef
waerter inne geerft
XXVIII novembry tempore simile
Jan Pauwels
et uxore
Heffene, Yngelram. Jan van Haren ende Jan Machant als proviseurs
ende inden name vander taflen des Heylichs Geest vander
prochiekerken vande van Onser Vrouwen bynnen Mechelen
hebben om des meests orboirs ende proffyts wille vander selver
taflen vercocht Janne Pauwels tot sinen ende Gheertruyt
van Wavere syns wyfs behoef, drie moeken Rogs erfpachts
die de voerscreven tafle des Heylichs Gheests hadde, op een stuck
beempts derde metten gronde houdende omtrent vyf vierendeel
der voerscreven Gheertruyt toebehoerende, gelegen tot Battele opte
Dele tusschen Gielis Taverniers erve aen deen zyde ende der
weduen ende kynderen erve van wylen Henricken Smeets diemen
heet Bellens aen dander zyde. A Mensa Sin siers in ecclesia et
Petri Machlinienis, Waranderende etcetera
es vuyten Peters
Ultima septembris
Janne van Ouden
Hagen
Rende, Eyke. Jan Maesman diemen heet vanden Watere heeft bekent
openbaerlic voir ons dat hem Jannes van onderhagen woenende tot
Bruessel dueghdelic gecontenteert vernueght ende betaelt heeft van alle
alsulken coopmanscapen ende hanteringen, als sy den metten anderen
gehadt ende gedaen hebben tot desen dage toe, Ende dairaf ende
oic van alle der moeyen, in quellingen sommen van penningen
ende allen anderen dingen, die deselve Jan Maesman den voerscreven
Janne vut zaken van dien oft oic andersins vut zal st:t;
wat zaken dat tot wesen mochte in eeniger manieren soude
moegen doen ende heysschen heeft dezelve Jan Maesman
huer van Begen tot behoef
Quytgesconden los vry ende ledich den voerscreven Janne van
onderhagen ende alle andere dies quitancie behoeven geheelic
ende al
prima octobry tempore simile