Blader door transcripties » Stadsarchief Mechelen

archieftoegang 2, inventarisnummer 949, pagina 29

claerlic bleeck voer dander helft, hebben vercocht Jacoppen
Robyns onsen medescepen, drie huysen oft cameren metten
gronde etcetera gelegen deen neven dander inde Zweenstrate
tusschen des goidshuys van Sinte Machiels erve aen deen
zyde ende Victors van Merende erve aen dander zyde
A Domino Mechliniensi, Waranderende. Op seventhien scellinge ende anderhalven
penning grooten Brabants gelts daer jaerlix vutgaende
Assignavit X
XIa July
Heer Steven van
Duffle priester
Heffen Eyken, Jan van Duffle wylen Jans van Duffle soon heeft
ven brueder
bewesen, huersteven van Duffle priester tot synen live veerthien
gouden Rynsgulden elken van dien tot XL groten Vlaems gelts
gerekent jaerlike lyfpensien Te heffene altyt tot te
tot Kersmisse ende Sinte Jansmisse daeraf den jersten termyn
van betalingen syn sal tot Kersmisse naestcomende, Op ende aen
alle ende yegewelke desselfs Jans haeffelike ende erffelike
goeden metten gronde etcetera bynnen etcetera wesende ende gelegen, die
hy nutertyt heeft ende hier namaels oic hebben ende vercrigen
sal. A Domino Mechliniensi, Waranderende etcetera.
ut supra tempore simile
Jan Bellens
Idem. Jan Ghoetens linewevere heeft vercocht Janne
Bellens beckere, Sesse scellinge groten Brabants gelts erffelix chys die
Te heffene altyt opten vyfthienden dach van inde vutgenomen
den voirscreven vyfthienden dach van julio, nu naestcomende, op ende
aen des voirgenoemde Jans gheeten drie vyfstedeelen van eenen
huyse metten hove gronde etcetera gelegen int Gruenendal tusschen
Ghysbrechts van Balen erve aen deen zyde ende der weduen
ende kynderen erve van wylen Peteren vanden Damme aen dander
zyde. A Beato Rumoldo, Waranderende. Opte weerde van drie gelike
scellinge denier groten daerst:t; vuten voerscreven geheelen huyse metten
hove jaerlix voir vutgaende
Assignavit den XVI denier
upra tempore simile
Heer Steven van
Duffle priese
Idem Gielis Vrancx heeft bewesen de voerscreven heer Steven van
Duffle priester tot synen live veerthien gouden Rynsguldenen elken
van dien tot XL groten Vlaems gelts gerekent jaerlicx lyfpensien
Te heffene altyt tot Kersmisse ende Sinte Jansmisse daeraf den jersten
termyn van betalingen syn sal tot Kersmisse naestcomende, Op ende
aen alle ende yegewelke desselfs Gielis haeffelike goeden
ende erffelike goeden metten gronde etcetera bynnen der
stad ende vryheyt van Mechelen wesende ende gelegen, die
hy nu tertyt heeft ende hier namaels oic hebben ende
vercrigen sal. A Domino Mechliniensi, Waranderende etcetera.
ut supra
Marie vanden
Woelputte
o
Robyns, Rende. Henrick Boeyenhals heeft vercocht Marien vanden
Woelputte tot haeren live ende oic tot behoef ende ten live van Margrieten
vanden Woelputte haerer zuster ende tot des langhstlevenden live
van hen beyden, Twee gouden Peters elken van dien tot sessendertich
grooten Vlaems gelts gerekent, jaerliker lyfpensien Te heffene
Altyt tot Sinte Jansmisse daeraf den jersten termyn van betalingen
syn sal tot Sinte Jansmisse naestcomende, Op ende aen des voerscreven
Henricx huys metten hove gronde etcetera geheeten den Scheyselberch
gelegen buyten der Coepoirten in Sinte Jans prochie, tusschen des
weduen ende kynderen erve van wylen Henricken van Zwaenne
aen deen zyde ende Wouters van Boxthuyne erve aen dander zyde
vander voerscreven pro
A Domino Mechliniensi, Waranderende. Op drie gelikest:t; Peters ende derthien pond twaelff
a
scellinge payments erffelic ende eenen gelyken Peter lyfpensien
staen ten die de selve Marie daer op heeft, daer jaerlicx
voir vutgaende dit Marie levabit et inde disponet, met
alsulker condicien dat de voirgenoemde Henrick sal moegen lossen
ende quiten altyt hem dat gelieven sal de voerscreven twee gouden
Peeters des voirgenoemde lyfpensien, tot eenen male, met
een
achtien geliker peters ende met volder lyfpensien
XIII July
Peter van
Steynemolen
Mol, Robbyns. Jan Stadst:t;vercochtst:t; tot behoef
van Peteren van Steynemoelen heeft verreyct, Eenen wegen
met eenen huyse daerop staende die toe te behoeren plach
Willem Papellaer, gelegen buyten Sinte Kathelinenpoirte
byden Pennepoel, tusschen der infirmarien erve vanden
crancken beghinen staende bynnen den beghynhove van
deser stad aen deen zyde ende de strate aldair aen dander zyde
Ex censu
ut supra
Peter Caluwaert
Rans, Hane, Claes vanden Rode, heeft Cordewagenere heeft vercocht Olive
van Buedeghem tot behoef van
Peteren Caluwaert huyvetter, Twee gouden Rynsguldenen elken
van dien tot veertich grooten Vlaems gelts gerekent erffelicx
chys Te heffene altyt tot twee terminen, de weten deen helft
daeraf tot Kersmisse ende dander helft tot Sinte Jansmisse daeraff
den jersten termyn van betalingen syn sal tot Kersmisse ut sur
naestcomende, Op ende aen des voirscreven Claes stuck lants metten
gronde etcetera gelegen buyten dOverste poorte byder Ziekerliederstrate
opten Leemputte tusschen wylen Aerts Hofman erve aen deen zyde
ende wylen Jacops van Campenhout erve aen dander zyde, opte weerde van
thien scellingen groten Brabants gelts ende drie veertelen Rogs erfpachts
dair jaerlix voir vutgaende. A Domino Mechliniensi. Ende op desselfs Claes huys