Blader door transcripties » Stadsarchief Mechelen

archieftoegang 2, inventarisnummer 949, pagina 30

dat twee woeningen syn metten hove gronde etcetera gelegen inde
Hanswyckstrate bynnen Mechelen, tusschen Jacop Jacoppen
erve aen deen zyde ende Jan Eelens erve aen dander zyde
streckende achterweerts totten Vestbergen van Mechelen, opte weerde
van acht gelike scellingen groten Brabants dair jaerlix voir vutgaende
A Domino Johanne vander Aa, Waranderende etcetera
Assignavit den
XIIII July tempore simile
Lodewyc
Yngelram et uxor
Heffene Robyns, Lodewyck Yngelram ende Katheline van
Ryemen wylen Jan van Ryemen dochter syn wyff, Seggende dat
sy gheen wettige kynderen en hadden, hebben daerom gewilt
ende openbairlic voir ons geordineert dat de langhstlevende van
hen beyden soe lange die alsdan leven sal, paysselic ende vredelic
sal gebruyken alle der haeffeliker goeden waer die bevonden
zelen worden die sy nu tertyt hebben ende hier namaels oic
hebben ende vercrigen zelen, Ende metten selven goeden in
synder noot moegen disponeren ende ordineren, den wederseggen
van yemande ende oic den rechten ende coustumen vander voirscreven
stad daer daeraf ter contrarien onderhouden niet tegenstaende
Behoudelic dien dat alle de voirgenoemde goeden na des langhstlevende
doot vanden voerscreven Lodewyck ende Kathelinen synen wive blivende
toecomen ende versterven zelen haeren gerechten erfgenamen, dien
de goeden naden rechte vandende vander voerscreven stad van Mechelen
sculdich zelen syn toe te comene ende te verstervene, oft den ghenen
dien sy deselve goeden samentlic met testamenten oft anderssins
geven ende maken zelen, welke ordinancie wy ende oic Rende
Langhe, Eyken, Yngelram et Cale, onse medescepenen
by crachte vanden statute tanderen tyden daer op gemaect
geconfirmeert ende geapprobeert hebben ende by onser ordinairder
macht confirmeren ende approberen, alle argelist vutgescheyden
XIIIsuper:t;
by bywesen ende
volcomen consente vanden
selven Matheeus haeren
vader
Thone Daems
Heffene, Eyke, Katheline van Yngelegheem wettige dochter van
Matheus van Yngegheem heeft Quytgesconden los vry ende
Passche van allen den haeffeliken goeden de die der selven
ledich, Thoone Daems weduere van wylen Kathelinen vander
Kathelinen byder doot vander voerscreven wylen Kathelinen vanden
Passche ende van wylen Henricken de Coninck, der selver
wylen Kathelinen ierste man ende der voerscreven Kathelinen
van Yngegheem, oem doen hy leefde in eeniger manieren gebleven
ende verstorven moegen syn ende oic vander sommen van zeventich
gouden Peters elken van dien tot sessendertich grooten Vlaems
gelts gerekent die de voerscreven Katheline van Yngelegheem vut
zaken vanden afcoope derselver haeffeliker goeden vanden voerscreven
Thone Daems, bekende gehadt ende ontfangen te hebbene ende alle
ende dies quitancie behoeven geheelic ende al
XII July tempore simile
tutores cos
de Hane
Gestelle ende Cosmas Opten de Have diemen heet van Hanswycke
wylen Jans de Hane diemen heet van Hanswycke soon
heeft openbairlic voir ons bekent dat hem Jan de Huysheere
Jan Machiels diemen heet van Rotselaer, Ghysbrecht de
Nestelere ende wylen Machiel van Bertschelle syne momboiren
goede ende rechtveerdige Rekeninge bewys ende betalinge gedaen
hebben van allen den haeffeliken ende erffeliken goeden
bynnen der stad ende vryheyt van Mechelen wesene ende
gelegen, die hem byder doot vanden voerscreven wylen Janne
de Hane, synen vader toecomen gebleven ende verstorven moegen
syn, Ende daeraf ende oic van alle der moeyten quellingen
sommen van penningen ende allen anderen dingen die de voirgenoemde
costen, den voerscreven Costenst:t; synen momboiren, vut zaken van dien
ende oic om des Regiments ende wille dat sy daeraf gehadt
hebben in eeniger manieren soude moegen doen oft heysschen
ma
heeft deselve de quytgesconden los vry ende ledich
den voerscreven Janne de Huysheere ende Janne Machiels, tot
haeren ende tot des totter voirscreven Ghysbrecht de Nestelere
ende wylen Machiels van Eertschole haere medemomboiren
behoef ende alle andere dies quitancie behoeven geheelic ende al
XVI July tempore simile
Heer Aerde van
Bost alias Faes
priester
oft
Idem. De voerscreven Cosmas de Hamme diemen heet van
Hanswycke, heeft vercocht heer Aert van Bost diemen
heer Faes priester, Eenen gouden Rynsgulden Te wetene
veertich groten Vlaems gelts voir dien gerekent erffelic
chys die hy hadde opte helft van eenen huyse metten
hove ende met eenen anderen huyse daerachterstaende ende oic
metten gronde etcetera toehoerende Marten van Eykenvonde, gelegen
inde Kerchofstrate tusschen meester Jans vander Straten eenen
aen deen zyde ende Jans vander Beke erve aen dander zyde
A Domino Mechliniensi, Waranderende etcetera.
Assignavit XVI Peter een
ut tempre
Marten van Hasselt
alias Smout
Ghestele Eyken brueder Jan Adriaen priester prior des goidshuys van
Hanswycke staende by deser stad inden namest:t; by bywesen ende volcomen
consente van brueder Denys de Weendt oic priester Religieux ende
procurator desselfs goidshuys inden name ende om des meests orboirs
ende profyts wille vanden selven goidshuyse voer deen vierendeel
ende Jan Maesman diemen heet vanden Watere, voir de drie
vierendeelen hebben vercocht Marten van Hasselt diemen heet
mont, Twee gouden Peters vander munten goeden etcetera. Te bleven