Blader door transcripties » Stadsarchief Mechelen

archieftoegang 2, inventarisnummer 949, pagina 21

Lodewycx vander Triest ende Kathelinen synder huysvrouwen
wettigen kynderen, Ende oic by onsen ende onse medescepenen
daerom insen Raidcameren vergadert wesene, wille ordinancien
ende consente geheelic ende al wederroepen ende te nyeuwte
gedaen, alsulken wille ende ordinancie, als sy tanderen ende
Te wetene opten sesten dach van Novembry int jaer
veerthien hondert tweentzeventich lestleden voer Janne
van Duffle ende Janne Ghoeten doen tertyt scepenen
van Mechelen gepasseert ende geordineert hebben gehadt
als dat alle haere kynderen in wat strate syn waren
gheestelic oft weerlic op ze gelike porcie hebben
ende aenveerden souden alle der voerscreven haerer ouders
goeden haeffelike erffelike lyfrenten ende onderhoedanich
die waren, die deselve haere ouders achterlaten souden
naer meer vorden inde selver scepenen brieve begrepen
ende verbonden daer toe ende begeerden vuterlic deselve
Lodewyck ende Katheline syn huysvrouwe dat den voirgenoemde
haeren wille ende ordinancie alsoe dien inden voerscreven
scepenen brieve bescreven ende begrepen staen, cracht
noch macht hebben noch oic van gheender weerden
hebben
syn ende zelen, Ende voort de voerscreven confesseurs inden
name vanden voerscreven goidshuyse van Thabor ende oic de
voerscreven Lodewycx, Lysbeth, Margriete ende Magdalenen vander
Triest gewilt geconsenteert ende begeert dat de langhstlevende
vanden voerscreven Lodewycken ende Kathelinen synder huysvrouwen
sal moegen syn leven lanck geduerende, hebben houden besitten
ende gebruyken alle de haeffelike ende erffelike goeden ende
lyfrenten, hoedanich die wesen moegen, ende tot wat steden
ende plaetsen die gelegen syn ende bevonden zelen worden, die
sy ende alle haere voirgenoemde kynderen nu tertyt hebben ende die
de selve Lodewyck ende syn huysvrouwe te samen hiernamaels
zelen moegen vercrigen, Ende dat deselve langhstlevende
met allen dien goeden ende lyfrenten sal moegen na synen
wille disponeren ende ordineren, om die te moegen meerder
minderen ende veranderenst:t; veranderen haeren wederseggen ende
oic den rechten keuren ende coustumen dairaf ter contrarien
onderhouden niet tegenstaende, dwelke de voerscreven confesseurs
inden name als voire ende oic de voerscreven Lodewyck, Lysbeth
Margriete ende Magdaleene vander Triest ende elck van
hen besunder voir ons gelooft hebben van goeder weerden
te houdene, sonder in eeniger manieren daer tegen te seggene
te doen oft te comen by hen oft by yemande es in gheenderhouden
gerechten geestelic noch weerlic de voirgenoemde Lodewyck
vander Triest doude ordineerden voort ende worde want hem
in alle de lyfrente, die hy metten voerscreven Kathelinen
synder huysvrouwen gecocht ende met haerer beyder
penningen vercregen heeft weder die lyfrenten
tot sinen, totter voirgenoemde synder huysvrouwen, oft totter
voirgenoemde haerer kynderen oft eenich van dien verstaen
liven staen, gereserveert is syn volcomen macht ende
disposicie, de selve lyfrenten te moegen vercoopen
veranderen ende anderssins te ordineren ende synen vryen
wille daermede te doen, alsoe hem dat gelieven
sal, gelyc als dat inde brieven daer op gemaect
claerlic ondersproken ende bevorweert staet alsoe wy
verstonden, dat achtervolgende der selver synder
macht hem geresigneert ende besproken als voir, de
voerscreven Katheline syn huysvrouwe naer syn dootst:t;
doot, de selve macht hebben ende behouden sal, omme
alle deselve lyfrente te moegen heffen vercoepen
veranderen belasten, wech geven oft maken, oft anderssins
daer mede te disponeren, alsoe haer gelieven sal
sonder wederseggen vanden voerscreven haeren kynderen
oft van yemande anders
Rommond ende
vanden Hoede
Mol, Robbyns. Brueder Jan de Meyere minister des huys vanden Begaerden
tot Mechelen, by bywesen ende volcomen consente van Wouteren
van Voesdonck proviseur des de selfs huys, heeft inden name
ende om des meests orboirs ende profyts wille vanden selven opgedragen
ende overgegeven tot behoef van Rommonden Peteren ende Katheline
vanden Hoede wylen Jans vanden Hoede kynderen, Een huys
geheeten den Braspenninge metten gronde etcetera dat toe te behoeren
plach, Henricken Wabbel beckere ende dat de voerscreven brueder Jan
tanderen tot des voerscreven huys vanden Begaerden behoef, tanderen tyden
voir achterstelligen chys die tselve huys daerop heeft
wettelic vutgewonnen ende verreyct heeft gelegen in Sinte
Kathelinen strate opten hoeck vanden Heembeempde tusschen
den selven, aen deen zyde ende Stevens van Beringen erve
aen dander zyde. A Domino Mechliniensi, Waranderende. Et Adam de Costers ende
Anthoenis vanden Hoede, als momboiren ende tot behoef vanden
voerscreven kynderen vanden hoede waerden daerinne geerft
Behoudelic den voerscreven huyse vanden begaerden, daerop synen
voerscreven chys ende allen anderen dier voir ende na chys op hebben
Juny tempore simile