Blader door transcripties » Stadsarchief Mechelen

archieftoegang 2, inventarisnummer 949, pagina 22

Petro de Oeyenbrugge
et sorores
Heffene, Robbyns. Gielis de Vos wylen Jans de Vos soon heeft vercocht
Often van Oeyenbrugge tot synen behoef ende oic tot behoef
van jouffrou Barblen ende Kathelinen van Oeyenbrugge synen
plaetsen
zusteren, Een huys oft woeninge metten hove gronde etcetera geheeten
de Clocke gelegen opte Corenmerct van Mechelen, tusschen
thuys den Ketel geheeten, toehoerende der weduen ende kynderen
van wylen Rommond Ymbrechts aen deen zyde ende wylen Henricx
vanden Bossche huys dat nu toebehoert Janne van Eelwyt
aen dander zyde streckende achterweerts tot inde Cleyn
Nyeuwestrate. A Beato Rumoldo, Waranderende. Op twee Turnoysen vander
munten ende acht chysguldenen dair jaerlix vutgaende
Assignavit VI Rinsgulden
Xa juny tempore simile
Willem van
waer
voerschyns. Willem Cokeroel, doude heeft vercocht Willem van
waes drie gouden Peters vander munten etcetera goede etcetera de wetene
sessendertich grooten Vlaems gelts voir elken der selver Peters gerekent
erffelix chys, die de voirgenoemde Willem Cokeroel hadde op drie huysen
metten plaetsen gronde etcetera geheeten den Scipstoel den voirgenoemde Willem
van Waes toehoerende gelegen deen neven dander inde Corte Byest
opten hoeck vander selve Cortter Byest, achter tconvent van
Onse Vrouwen brueders, tusschen deselve Corte Byest aen deen
zyde ende des ambachts huys vanden Droeghscheerders boven
Mechelen aen dander zyde, Ende op eenen hoff metten gronde etcetera
toebehoerende Janne vander Heyden lakenmakere, gelegen aldaer
tegen de voerscreven drie huysen over tusschen Jans de Clerck ende
synder kynderen erve aen deen zyde ende Jan Laureys erve aen
dander zyde. A Domino Mechliniensi, Waranderende etceterast:t; is beneficians de Zellaer
Waranderende etcetera
Assignavit XLVIII Peters eens
ut supra tempore simile
Jan van Woeluwe
et uxor
Heffene, Yngelram Peter Godevaerts wylen Peters soon, heeft vercocht
Janne van Woeluwe tot synen ende Kathelinen Boens syns syn
wyfs behoef, Een huys geheeten den Zwaen metter plaetsen
met
ende eenen anderen huyse dair achterstaende ende oic metten
gronde etcetera gelegen in Sinte Kathelinen strate tusschen des
goidshuys van Boudeloe erve aen deen zyde ende desselfs
Peters ander erve aen dander zyde. A Beato Rumoldo, Waranderende.
op docht vyfthien pond payments ende acht gouden Peters
elken van dien tot XXXVI groten Vlaems gelts gerekent, die
ter quitingen staen den penninge met sesthien, dair jaerlicx
gelike vander
vutgaende, met alsulker condicien dat de voirgenoemde Jan van
syn wyf ende
Woeluwe ende oic haer hom ende nacomelingen besitten by tyden
vanden voersreven vercochten huyse met synen toebehoerten zelen moegen
altyt als henlyeden dat goetduncken ende gelieven sal
maken indenst:t; oft doende moken mit voerscreven achter huys besaten
gelasen vensteren ten hove weert van des voerscreven Peters
anderen drie voirgenoemde
Assignavit XI Rinsgulden eens
XXI Juny
Jan Wereyct
uxor
Heffene, Yngelram. Margriete vanden Venne wedue van wylen Janne
Halfbuender cum tutore heeft vercocht Lysbetten vander Poorten
tot haeren ende tot Jan Wens haers mans behoef, vier gouden
Rynsguldenen elken van dien tot veertich grooten Vlaems gelts
gerekent van haeren seven gelyke gouden Rynsguldenen
jaerlix ende erffelix chys die sy heeft op des voerscreven Jan Weens
ende Lysbetten syns wyfs huys metten hove gronde etcetera gelegen
over de Corenmarct van Mechelen inde Hooghstrate tusschen
thuys de Lelye geheeten toebehoerende, Janne Cranaert aen
deen zyde ende Jans van Hanswyck erve aen dander zyde
A conventu de Lelyendale, waranderende etcetera
Assignavit den XXVI denier
ut supra
Magriete vanden
Venne
Robyns, Yngelram. A Jacop de Bock, metsere heeft vercocht der voerscreven
Margrieten vanden Venne drie gouden Rynsguldenen
elken van dien tot veertich groten Vlaems gelts gerekent
erffelix chys die de voirgenoemde Jacop hadde op des voerscreven
Margrieten huys metten hove gronde etcetera gelegen inde
Milzestrate tusschen Jans de Bock erve aen deen zyde
ende Jans vanden Holze erve aen dander zyde. A Domino Mechliniensi, Waranderende etcetera.
Assignavit den XVI denier
ut supra tempore simile
Gielis Boeyenans
Beckere
Ghestele, Voesdonc. Gheertruyt Zegers wylen Willems Zegers ende
Lysbetten vanden Voorde syn wyfs wettige dochter met Anthoenis
Stuys haeren man, heeft bekent dat sy gehadt ende ontfangen
heeft van Gielisen Boeyenhans beckere, de somme van sesthien gouden
Peters elken van dien tot XXXVI groten Vlaems gelts gerekent
die haer wylen st:t; hem wylen Willem Rogman, der voerscreven
Lysbetten vierde man geleent heeftst:t; tanderen tyden geleent
heeft, Ende van dier sommen van sesthien gouden Peters
vanden voerscreven pryse, heeft deselve Gheertruyt met haer
voirgenoemde man Quytgesconden los vry ende ledich den voirgenoemde
Gielis Boeyenhans ende alle ander dies quitancie behoeven
geheelic ende al, Endest:t; belovende mede de voirgenoemde Anthonis
ende Gheertruyt syn wyf ende elck van hen besunder ende voirgaende
den selven Gielisen vander voerscreven sommen van sesthien Peters
tegen der voerscreven Lysbetten vanden Voorde, deselve Gheertruyden
moeder ende alle ende allen anderen altyt scadeloos quyt te
houden ende tontheffen, sonder eenich wederseggen
ut supra tempore simile