Blader door transcripties » Stadsarchief Mechelen

archieftoegang 2, inventarisnummer 949, pagina 20

van
Jan vander
Hulst
Gestelle, Rende, Henrick de Cale, Henrick vanden Brande, Jan
Vleming ende Joes vanden Damme diemen heet van Beneden
Als gesworene ende inden name vanden ambachte vanden Beckers
bynnen Mechelen hebben om des meests orboirs ende profyts wille
vanden selven ambachte vercocht Janne vander Hulst beckere
drie gouden Rynsguldenen, elken van dien tot veertich groten
Vlaems gelts gerekent erffelix chys Te heffene altyt tot twee
terminen Te weten deen helft daeraf tot Kersmisse ende dander
helft tot Sinte Jansmisse daeraf den jersten termyn van
betalingen syn sal tot Kersmisse naestcomende, Op ende aen des
voerscreven ambachts huys den Bonten Mantel geheeten metter plaetsen
ende stalle daer achterstaende ende oic metten gronde etcetera gelegen
aenden Steenwech van Mechelen, tusschen thuys Roedenborch
geheeten toehoerende Janne vanden Vekene, aen deen zyde ende
thuys den Roeden Schilt geheeten toehoerende den heer van
Gaesbeke aen dander zyde, opte weerde van twee ponden
thien scellinge groote Brabants gelts vuten voirgenoemde huyse met
synen voersreve toebehoerten jaerlix voir vutgaende, Ende op alsulken
last dat tselve huys onderpant is ende bliven sal voerseven
gouden croonen vander munten des Conincx van Vranckeryken
goede etcetera. Te wetene tweenveertich grooten Vlaems gelts voir
elke de selve croonen gerekent die jaerlix gaen vut
eenen huyse oft woeningen met allen synen toebehoerten
toebehoerende der weduen ende kynderen van wylen Peteren Annocke
over de Veemarct van Mechelen inde Keyserstrate gelegen
Ende op desselfs ambachts twintich gouden Ryders vanden
munten ons genadich heeren etcetera goede oft de weerde daer
voer erffelix chys die tselve ambacht heeft op eenen
beempt geheeten den Daelbruel metten gronde etcetera houdende
omtrent drie buenderenst:t; vyf buenderen, die toebehoert
der taflen des Heylichs Gheests vander prochiekerken
van Sinte Peters bynnen Mechelen, gelegen tot Heffene de
tusschen wylen Henricx van Rogbroeck ende wylen Cristoffels
tappen es beempden, aen deen zyde ende de eenen beempt
toehoerende den ambachte vanden Vleeschouwers bynnen
Mechelen, aen dander zyde, opte weerde van twee vier
pond twee scellinge ende sesse penninge groten Brabants gelts
dair jaerlycx voir vutgaende. A Domino Mechliniensis, Waranderende etcetera.
Assignavit den XVI denier
XVIIa Juny
Item de voirgenoemde Henrick de Cale, Henrick vanden Brande
ende Joes vanden Damme diemen heet van Beneden als
gesworene ende inden name vanden voerscreven ambachte vanden
Beckers, hebben om des meests orboirs ende profyts wille
Jan Vleming
vanden selven Ambachte vercocht den voerscreven Janne Vleming
rechte drie gouden Rynsguldenen vanden voerscreven pryse erffelicx
chys Te heffene altyt opten jersten dach van meye
daeraf den jersten termyn van betalingen syn sal opten
jersten dach van meye naestcomende, Op ende aen des
voerscreven Ambachts huys den Bonten Mantel geheeten
metten gronde etcetera boven bekest:t;optest:t; op desselfs
ambachts twintich gouden Ryders de erffelix chys
boven bescreven. A Domino Mechliniensi, Waranderende. Opten voirscreven chys ende last
daer jaerlix voir vutgaende
Assignavit den XXVI denier
VII Juny tempore simile
Hubrecht Stalle
Oestelle, Mol. Heeren Lodewyck, Wouters beneficiaet van Zellaer
ende hest:t;allest:t; priesteren Capellaen inde
kerken van Sinte Rommonds bynnen Mechelen als proviseurs ende
tot behoef inden name vanden tzestich Gebrueders inder
selver kerken, hebben om des meests orboirs ende profyts
wille vanden selve tzestich gebruederen vercocht
Hubrechten Stappaert schoenmakere vyf gouden Ryns
guldenen elken van dien tot veertich grooten Vlaems
gelts gerekent erffelix chys die deselve tzestich
gebrueders hadden opte helft van eenen huyse metten
plaetsen gronde etcetera den voerscreven Hubrechten toehoerende
gelegen inde Nauwstrate, tusschen der weduen ende
kynderen erve van wylen Matheus vander Heyden aen
deen zyde ende Jacops de Ruysscher erve aen dander zyde
streckende achterweerts totter Delen toe. A Domino Mechliniensi, Waranderende etcetera.
Assignavit den XXVI denier
XVIII Juny tempore simile
Lodewyck vander Triest ende Katheline Gheerds syn
huysvrouwe hebben om zekere Redenen wille hen daer toe
beruerende, by bywesen ende volcomen consente van heer ende Meester
Peteren vander Hoeven priester Confesseur des goidshuys van
Thaborstaende by Mechelen inden name vanden selven goidshuyse
ende van zuster Kathelinen vander Triest aldaer professe des
voerscreven Lodewycx ende Kathelinen dochter hebbende de selve
confesseur volcomen macht ende sunderlinge beveel vanden voirgenoemde
goidshuyse, om tvoerscreven consent te dragene van des huere
na bescreven staet gelyc ons dat by eender procuracien daer op
gemaect ende met des voerscreven goidshuys zegel bezegelt, claerlic
bleke ende oic ten bysene ende consente van Lodewycx, Lysbetten
Margrieten ende Magdalenen vander Triest oic des voerscreven