Blader door transcripties » Stadsarchief Mechelen

archieftoegang 2, inventarisnummer 949, pagina 208

Mensa Katlyne
Lange, Borch. De voergenoemde Peter Huyghs heeft vercocht Mathys van
boven ende Janne vander Heyden als proviseurs ende tot behoeff vander
taflen des Heylichs Geests der prochiekerken van Sinte Kathelinen
bynnen Mechelen, twaelf scellinge groten Brabants gelts erffelicx
chys Te heffene altyt tot Sinte Jansmisse daer af den jersten
termyn van betalingen wesen sal tot Sinte Jansmisse nu na toecomen
Op ende aen des voergenoemde Peters huys metter plaetsen gronde etcetera gelegen
in Sinte Kathelinenstrate tusschen Rommond Scillemans erve aen deen
zyde ende Jans van Rybaer erve aen dander zyde op Seven
chysgulden ende twee pond acht scellinge payments dair jaerlicx
voer vutgaende, Ende op des voergenoemde Peters twee huysen met eenen
cleynen hove gronde etcetera gelegen deen neven dander in een cleyn
straetken comende vander dekenyen tot Sinte Kathelinen kercke
tusschen tselve kerchof aen deen zyde ende der weduen erve van
wylen Henricken Smet aen dander zyde, opte weerde van
negen scellingen ende sesse penningen groten Brabants gelts daer jaerlicx
voir vutgaende. A Domino Mechliniensi, Waranderende etcetera.
XVII octobris
Digne
Beckere
Hulst, Cortryke, Digne de Beckere wylen Peter de Beckere wettige dochter
wedue van wylen Peteren de Roye, cum tutore heeft opgede opgedragen
haer tocht die sy hadde inde helft van eenen huyse metten hove
gronde etcetera gelegen inde Juedenstrate, tusschen Henricx van Zoete
erve aen deen zyde ende Jans de Cuypere erve aen dander zyde
A conventu de Lelyendale jurave etcetera tot behoef Jans van Janne Gheerts
ende Margrieten de Roye des voergenoemde wylen Peters de Roye brueder
ende zusteren die daerinne ierst gegoedt ende geerft waren, Ende dair
naer hebben de selve Jan de Roye ende Gheertruyt de Roye met Jan
Noets haeren man ende de voergenoemde Margriete de Roye met Gregoris
vanden Doerne haeren man opgedragen ende overgegeven tot behoeff
vander voergenoemde Dignen de Beckere de voergenoemde helft vanden voerscreven huyse
metten hove d die henlieden byder doot vanden voergenoemde Peteren de
Roye b haeren brueder gebleven ende verstorven is, Waranderende etcetera voertaen
hebben de voirgenoemde Jan de Roye ende Gheertruyt ende Margriete synen
zusteren met haeren voerscreven mannen, quytgesconden los vry ende ledich
der voergenoemde Dignen van allen den haeffeliken goeden die henlieden
oic byder doot vanden voerscreven wylen Peteren haeren brueder gebleven
verstorven syn ende alle andere dies quitancie behoeven geheelic ende al
XXXst:t; octobris